گونئی آزربایجان ایستیقلال پارتیسی سورولاری جاوابلیر - بئش اینجی بولوم - 1
بوگون، پروقرامیمیز، ایکی کره کسیلدی. بونون اوچونده ایکی بولومده یایماق زوروندا قالدیق. آشاغیدا بیر اینجی بولومون سورولارین گورورسونوز. بونو خاطئرلامالییم کی "فئدرالیزم"، "اخلاق"، "عدالت" بولوملرینده سایین صالح بئی ایلدیریم اوزت اولاراق جاواب وئردی.
چون "گونئی آزربایجان ایستیقلال پارتیسی " فدرالیسمی قبول اتمیر، اونلاردان بو حاقدا سورولاری سورماق دوغرو گورونمه دی.
آمّا او بیری قونولاردا، بلکه گلن گونلرده، یازیلی، سوزلو یادا گورونتولو آچیقلامالار گونده ره بیلرلر. نییه کی قبول اتمیشیک کی اولابیلر، سوزجو یا لیدر، هر سورو اوچون، الینده - جیبینده جاوابی حاضیر اولماسین. طبیعی که جاوابی سونرالاردا حاضرلایئب گونده ره بیلرلر. قبول اتمیشیک و اتمیشلر کی "پرفئشئنال" سیاست و حیزبه ایله مشغول دئییرلر.
آشاغادا سورولاری گورورسونوز:
- ایستیقلال ایراده سی، ایستیقلالی الده اتمک بیر اولوسلار آراسی، اخلاقی، سیاسی حاق می دیر؟
- ایستیقلالا ایراده دادن میللت اوچون، موخالیفتلرین اونمی نه دیر؟
ایران
- ایران قاورامی سیزین دوشونجه نیزده هانکی تعریف ایله تانیملانیر؟
- ایران قاورامین سیاسی گوروسونوز، یوخسا گولتورل می، توپراقسل می، دیل سل می، دین سل می؟
- ایران آدلی وارلیقی رسیمیته تانیرمی سینیز؟
- ایرانلی سوزوندن سیزین آنلامینیز نه لر دیر؟
- تورکلر، آزربایجان، آزربایجانلیلار، ایران و ایرانلیلار قاوراملارین، سیاستده، نئجه یان یانا گتیریرسینیز؟
- ایرانی، میللت لر ائولکه لر وارلیقی بیلیرسینیز یوخسا بیر بوتون ائولکه تانیرسینیز؟
- سیزین تشکیلات، ایران آدلی وارلیقین گله جه یین نئجه گورمک ایستیر؟
- سیزین تشکیلات، ایران آدلانان سیاسی وارلیقدا فئدرالیزمه نئجه یاناشیر؟
- سیزین تشکیلات، بو گونکو ایراندا بیر کونفدرالیزم سیستیمین قورولماسینا نئجه یاناشیر؟
- دونیا گوجلری و قونشو ائولکه لر، ایران آدلانان یئرده، تورکلرین ایستیقلالینا نئجه یاخینلاشابیلرلر؟
- ایرانین جوغرافییاسینا باخاندا، نه لر گورورسونوز؟
- ایرانین جوغرافییاسینا نئجه باخیرسیز؟ ایران دوولتین نئجه گوروسونوز؟
- فارس دیللی اینسانلارا نئجه باخیرسینیز؟
- اونلاری نئجه بولور و بُلورسونوز؟
- فارس دیلین نئجه تانیملیرسینیز؟
- فارس دیلی، تورکلرین یا آزربایجانلیلارین گله جه یینده یئری اولارمی؟
- ایران و فارسلارین سیاسی گله جه یین، نئجه گورورسونوز؟
- ایران - فارسلارین جوغرافی گله جه یین نئجه گورورسونوز؟
- ایران-فارسلارین ائکونومیسل گه له جه یینه نئجه باخیرسینیز؟
فئدرالیزم
- فئدرالیزمی نئجه تعریف ادیرسینیز؟
- ایراندا بئدرالیزم اولابیلرمی؟
- هانکی فئدرالیزمدن سوز پئدیر؟
- سیزیم ایسته دیگینیز فئدرالیزیمین موشخّصه لری نه لر دیر؟
- فئدرالیزم ایراندا ال وئریشلی می دیر؟
- ایراندا اوزلرین اوسون گورن و قودرتی الده توتان فارسلار و فارسچیلیق فئدرالیزمه نئجه یاناشیر؟
- فارسلیقین جور به جور قانادلارینین دوشونجه لری فئدرالیزمدن نه دیر؟
- مشروطه ایصلاحاتیندان و ریفورملاریندان دن بوگونه دک، فارسلار توم یازیلی و سوزلو موقاویله لری آیاقلاری آلتینا آلمیشلار. عجبا فارسلارا گوونمک اولابیلرمی؟
- فئدرال سیستیمده، آزربایجانین سرحدلری نئجه تعیین اولار؟
- فئدرال سیستیم ده، آز نوفوسلو توپلوملار یا توپلولوقلارین آلین یازیلارین کیم و نئجه یازاجاقلار؟
- فئدرال ایراندا، توکلرین و آزربایجانلیلارین تورک دونیاسی ایله ایلگیلری نئجه تعریف اولار؟
- فئدرال سیستیمده، فارسلاردان هانکی حوقوقی، ایجرایی تظمینلر الماق اولار کی زورلاری چاتان زمان، فئدرال سیستیمین داغیتماسینلار؟
- عجبا فئدرال سیستیمده میللت لرین خاقی اولاجاق، قونشولاری اونلارین توپراقلارین ایشغال اتمه سین دییه، سیلاحلی اوردولاری و گوجلری اولسون؟
- عجبا فئدرال سیستیم ده، فئدراللاشما داوطلبانه و میللی گونوللوک اوستونده دیر یوخسا زورلار دیر؟
- عجبا فئدرال سیستیمده، میللت لرین و مملکتلرین آیریلماق و موستقیل اولماق حاقلاری دا اولاجاق می؟
- ایرانی فئدرال اتمکدن آماجلار نه لر دیر؟
- فئدرال سیستیم ده، ایرانی بوتون ساخلامانین هانکی فایدالاری وار؟
- فئدرال سیستیم ده، ایرانی بوتون ساخلامانین هانکی ضررلری وار؟
- هانکی سببلر و چیخارلارا گورا، ایرانی فئدرال سیستیم ایله قوروماق و ساخلاماق ایستیرسینیز؟
- فئدرال ایران قوراندا و ایرانی قورویاندا، آماجلار، میللت لرین ایراده لرین یوروتمک، ایستک لرین ایشله مک، میللی یاشاملارینا یول وئرمک، اوزلرینه لاییق گوردوک لری و تعریف اتدیکلری حاقلاری یاشاماق می دیر؟
- فئدرال سیستیمین ایراندا قورولماسینا، یئر و ماجال، ایستیقلال ایله موقاییسه، ده نه قدر گوروسونوز؟
- هانکی گوجلر فئدرالیزم ایله موخالیف لر؟
- فئدرالیزم، بیر سیاسی، اولوسلار آراسی و حوقوقی بیر میللی حاق می دیر یوخسا بیر ایداره سیتیمینین سئچیمی و داوطلبانه دیر؟
- فئدرالیزمه یئر اولمازسا، یوخسا فئدرالیزم مومکون اولمازسا، ایستیقلالا نئجه یاناشیرسینیز؟
- ایستیقلالچیلارا نئجه یاناشیسینیز؟
وطن
- وطن نه دیر و هارادیر؟
- ایران و فارسلار، وطن آنلامین، سرحدلرین، قارماقاریشیق اتمنی می؟
- وطنی کیم تعریف ادیر؟
- سیزین تعریفینیز وطن دن نه دیر؟
- سیزین وطندن اولان تعریفینیز هانکی اساسلارا دایانیر؟
- وطنین سرحدلری، هانکی دوره اساسن تعیین اولور؟
- وطنی، وطنسیزلشدیرمک سیاستی حاقدا نه دوشونورسونوز؟
- وطنی گئچن یوز ایلده، دفعه لر جه بولوب، وطنین آدین اوستوندن گوتورموشلر. وطن دویغوسون، وطه نین اوستوندن گوتورمه یه چالئشیبلار، سیزین تشکیلات بو قونویا نئجه باخیر؟
- پهلوی لر و موللالار سیاسیتی سونوجوندا، وطنین بیر پارچالارین قونشولارا وئریب و بیر نئچه نسیلدن سونرا، او پارچالارا وطن دویغوسو آزالیب، یادا وطن اولماقدان چیخیلیب، بونلارین حاقّیندا نه لر دوشونورسونوز؟
- وطن اوچون، وطنی گئری آلماق اوچون، ساواشا گیررمی سینیز؟
سورولارین قالانی ایکینجی بولومده داوام ادیر
سونان
انصافعلی هدایت
