دینین، ایمانین نه دیر؟ قیبلان هایان دیر؟

مرتضی مرادپور، بیر قهرمان دوندور خالقیمینا.
همده اولومدن دوندو
 قهرمان جا بیر ساواشجی گلدی،
قهرمان بیر ساواشجی
قالماقی دا یاشایاجاق دیر.
مرتضی! سن
گوستردین
میللت و خالقا اینانماق، دایانماق
 خالقین حاققی یولوندا ایراده و ساواش
موظففر اولاجاق.
مرتضی!
 تک جانینا
بیر دوولتی، بیر سیاست دونیاسین
بیر  ایداره سیستیمین
و بیر ظولمییه سیستیمین
دیزه چوکدور دو، گلدی.

مرتضی بیر دوولتی یئخدی،
بیر میللتی دیریلت دی
بیر یئخیلمیش خالقی
آیاقا قالخیزماغا چالیشدی، تک جانینا!
مرتضی منه، سنه و بیزه
 گوستردی،
موظففر  اولماق و قازانماق اوچون،
هر سیلاحدان اونملی،
"اینانج"،
"ایراده"
و الده اولان ایمکانلاردان فایدالانماق دیر.

مرتضی نین الینده بیر سیلاحی وار.
سیلاحسیز دئییل او
  اسلحه سی؛ ائوز جانی، قیرمیزی قانی دیر!

آی یالانچیلار! مرتضی آزاد اولمادی!
مرتضی 65 گون،
تایسیز بیر موباریزهدن سونرا،
آزربایجان تورک خالقینین دوشمنلریندن،
آلدی آزادلیقین.
آزادلیق اونا هدیه اولمادی،
اولوم-قالیم ساواشیندا قازاندی  آزادلیقی، قازاندی!

هانکی بیر موسلمان
آللاها بسلئییب بویله بیر اینانج،
65 گون اوروج توتوب؟
بو اشسیز بیر موباریزه دیر
بو اینانجا،
بو قیاما،
بو داوایا،
بو ایراده یه،
بو وطنه،
بو خالقا قوربانلیقا یوروین بو جاوانلارا
منیم جانیم قوربانلیق!  

آی مرتضی!
نه دیر بو دین کی سن اینانیبسان، قیلیرسان ناماز ؟
دستمازین قانلادیر!
قیبلان: تبریز، آزربایجان، وطن، خالقین!
منده بو دینین طالیبییم!
تعلیم ات منه، خالقا وصولون یولون
عیرفان بودور!
دین بودور!
آللاه بوردادیر!

منده ایستیرم موسلمان اولام یئنی دن
سن اوز دوندردیگین آللاها و قیبلایا
منده دونوم، اینانیم، دیندار اولوم، آللاها قوووشوم!
منده بو آللاها عیبادت ادیم
قوی منده بو ایمانلا گوجله نیم
ایراده ادیم آزادلیقا
یا حاققیمی آلیم
یا دا بو دین، بو آللاه،  بو اینانج یولوندا
من ده شهید اولوم.
آزربایجان دینینه
منده اینانمیشام!

انصافعلی هدایت
30.12.2016