گونئی آزربایجان میللی آزادلیق جبههسی سورولاری جاوابلیر - اوچونجو بولوم
عجبا سیزلرده، بو پروقرامدان ، سورولاردان و دوشونجه لردن سونرا اوزونوزده دوشونجه دئییشیمی گورور و یاشیرسینیز می؟
من، قوناقلاریمیزی و پارتی لریمیزی یوخ آمما کندیمی قضاوت اتسم، اعتیراف ادیرم کی منیم دوشونجه لریم، هر گون، داها چوخ دئییشیر.
دویغوم بو دور کی من هر گون داها چوخ و درین بیر آدام و اینسان کیمی یاشیرام.
چون، هر گون دوشونجم دئییشیر. یعنی من دئییشیرم. بونو گورور و حیس ادیرم کی من داش دئییلم کی دئییشمییم. بلکه بئینیم وار. بئینیم، هر گون، تازا و البتّه کی میللی دوشونجه لره معروض قالیر. اوندان دولایی دا منیم بئینیم سیاسیال، توپلومسال، یاساسل، یاشامسال، دوشونجه سل، و .. ساحه لرینده اینکیشاف ادیر.
سئوینیرم کی هر گون بیر آز داها چوخ ایرانچیلیقدان اوزاقلاشیب، ایرانین بئیین یئختما سیستیمینه قارشی هر گون داها چوخ دوشونجه لریم درینله شیر و گئنیشله شیر.
سیرلر نئجه؟
هانکی فایدالاری گورورسونوز؟
هانکی ضررلری تجروبه اتمیشسینیز؟
لوطفن دوشونجه لرینیزی بیزیمله پایلاشین.
دوشونجه لری پایلاشماق ایله، کندیمیزین، توپلوموموزون و میللتیمیزین دوشونجه لری درین له شیر و بیر بیرینین اوستونه قاللاقلاناراق، میللی فلسفه، میللی ایدئولوژی میللی اویانیش، میللی قالخیش، میللی حرکت، میللی دوولتچیلیک، میللی ایستکلر، میللی حاقلار، میللی توپلومسال حاقلار و ... شفّافلاشیر و اورتایا چیخیر.
سوکوتدان هئش بیر دوشونجه اورتایا چیخماز. حتتا اگر سوکوتونوزدا دوشوشنجه نیز وارسا و اونو باغیراراق، میللته و دوشونورلره یئترمزسه نیز، دوشونجه نیز و کندینیز بئله یوخ حوکمونده دیر و تاریخده یوخ اولاجاق.
تاریخده میلیونلار اینسانین دوشونجه سی وار ایمیش آمما یازمادیقلارینا گورا، دانیشمادیقلارینا اساسن، نسیلدن نسیله گئچمه میش و جیسمیلرینه تای، دوشونجه لریده یوخ اولموشلار.
نئجه کی توپلومون آیدینلاشماسیندا، درینلشمه سینده، گئنیشلشمه سینده، حرکتینده، دایانیشماسیمدا، یارادیلماسیندا و ... یئری اولمایاجاق و اولوب گئده جک دیر.
ایران
ایران قاورامی سیزین دوشونجه نیزده هانکی تعریف ایله تانیملانیر؟
- ایران قاورامین سیاسی گوروسونوز، یوخسا گولتورل می، توپراقسل می، دیل سل می، دین سل می؟
- ایران آدلی وارلیقی رسیمیته تانیرمی سینیز؟
- ایرانلی سوزوندن سیزین آنلامینیز نه لر دیر؟
- تورکلر، آزربایجان، آزربایجانلیلار، ایران و ایرانلیلار قاوراملارین، سیاستده، نئجه یان یانا گتیریرسینیز؟
- ایرانی، میللت لر ائولکه لر وارلیقی بیلیرسینیز یوخسا بیر بوتون ائولکه تانیرسینیز؟
- سیزین تشکیلات، ایران آدلی وارلیقین گله جه یین نئجه گورمک ایستیر؟
- سیزین تشکیلات، ایران آدلانان سیاسی وارلیقدا فئدرالیزمه نئجه یاناشیر؟
- سیزین تشکیلات، بو گونکو ایراندا بیر کونفدرالیزم سیستیمین قورولماسینا نئجه یاناشیر؟
- دونیا گوجلری و قونشو ائولکه لر، ایران آدلانان یئرده، تورکلرین ایستیقلالینا نئجه یاخینلاشابیلرلر؟
- ایرانین جوغرافییاسینا باخاندا، نه لر گورورسونوز؟
- ایرانین جوغرافییاسینا نئجه باخیرسیز؟ ایران دوولتین نئجه گوروسونوز؟
- فارس دیللی اینسانلارا نئجه باخیرسینیز؟
- اونلاری نئجه بولور و بُلورسونوز؟
- فارس دیلین نئجه تانیملیرسینیز؟
- فارس دیلی، تورکلرین یا آزربایجانلیلارین گله جه یینده یئری اولارمی؟
- ایران و فارسلارین سیاسی گله جه یین، نئجه گورورسونوز؟
- ایران - فارسلارین جوغرافی گله جه یین نئجه گورورسونوز؟
- ایران-فارسلارین ائکونومیسل گه له جه یینه نئجه باخیرسینیز؟
فئدرالیزم
فئدرالیزمی نئجه تعریف ادیرسینیز؟
- ایراندا فئدرالیزم اولابیلرمی؟
- هانکی فئدرالیزمدن سوز گئدیر؟
- سیزین ایسته دیگینیز فئدرالیزیمین موشخّصه لری نه لر دیر؟
- فئدرالیزم ایراندا ال وئریشلی می دیر؟
- ایراندا اوزلرین اوستون گورن و قودرتی الده توتان فارسلار و فارسچیلیق فئدرالیزمه نئجه یاناشیر؟
- فارسلیقین جور به جور قانادلارینین دوشونجه لری فئدرالیزمدن نه دیر؟
- مشروطه ایصلاحاتیندان و ریفورملاریندان دن بوگونه دک، فارسلار توم یازیلی و سوزلو موقاویله لری آیاقلاری آلتینا آلمیشلار. عجبا فارسلارا گوونمک اولابیلرمی؟
- فئدرال سیستیمده، آزربایجانین سرحدلری نئجه تعیین اولار؟
- فئدرال سیستیم ده، آز نوفوسلو توپلوملار یا توپلولوقلارین آلین یازیلارین کیم و نئجه یازاجاقلار؟
- فئدرال ایراندا، توکلرین و آزربایجانلیلارین تورک دونیاسی ایله ایلگیلری نئجه تعریف اولار؟
- فئدرال سیستیمده، فارسلاردان هانکی حوقوقی، ایجرایی تضمینلر الماق اولار کی زورلاری چاتان زمان، فئدرال سیستیمین داغیتماسینلار؟
- عجبا فئدرال سیستیمده میللت لرین حاقی اولاجاق، قونشولاری اونلارین توپراقلارین ایشغال اتمه سین دییه، سیلاحلی اوردولاری و گوجلری اولسون؟
- عجبا فئدرال سیستیم ده، فئدراللاشما داوطلبانه و میللی گونوللوک اوستونده دیر یوخسا زورلار دیر؟
- عجبا فئدرال سیستیمده، میللت لرین و مملکتلرین آیریلماق و موستقیل اولماق حاقلاری دا اولاجاق می؟
- ایرانی فئدرال اتمکدن آماجلار نه لر دیر؟
- فئدرال سیستیم ده، ایرانی بوتون ساخلامانین هانکی فایدالاری وار؟
- فئدرال سیستیم ده، ایرانی بوتون ساخلامانین هانکی ضررلری وار؟
- هانکی سببلر و چیخارلارا گورا، ایرانی فئدرال سیستیم ایله قوروماق و ساخلاماق ایستیرسینیز؟
- فئدرال ایران قوراندا و ایرانی قورویاندا، آماجلار، میللت لرین ایراده لرین یوروتمک، ایستک لرین ایشله مک، میللی یاشاملارینا یول وئرمک، اوزلرینه لاییق گوردوک لری و تعریف اتدیکلری حاقلاری یاشاماق می دیر؟
- فئدرال سیستیمین ایراندا قورولماسینا، یئر و ماجال، ایستیقلال ایله موقاییسه، ده نه قدر گوروسونوز؟
- هانکی گوجلر فئدرالیزم ایله موخالیف لر؟
- فئدرالیزم، بیر سیاسی، اولوسلار آراسی و حوقوقی بیر میللی حاق می دیر یوخسا بیر ایداره سیتیمینین سئچیمی و داوطلبانه دیر؟
- فئدرالیزمه یئر اولمازسا، یوخسا فئدرالیزم مومکون اولمازسا، ایستیقلالا نئجه یاناشیرسینیز؟
- ایستیقلالچیلارا نئجه یاناشیسینیز؟
- سایقیلارلا
- دوشونجه باغی
- انصافعلی هدایت
