عاشیق بلایه موبتلا دیر
عشقه، غورور گیریرسه، عشق دئییل.
نییه کی یوزده دوخسان دوققوز، عشق بیر طرفلی دیر و عاشیقین ایچینده جوشان سرحدسیز بیر دویغو دور. یانار، اود دور، آلاو دیر.
بو دویغو عاشیقین ایچیندن آشیب داشمازسا، معشوق، اوندان نئجه خبردار اولار کی؟
چوخلاری، ایری دوشونهرک، عشقیده بئله غورور گوستهریرلر. معشوقه قارشی غورور یاشیرلار.
عاشیقده، چغورور اولماز. یالوارار. یاخارار. ایچین، ایستهگین آچار توکر.
عاشیق چالیشار، معشوقو راضیسالسین. چون، ایر عشق، گوناهسا، عاشیقین گوناهی دیر، معشوقون یوخ.
ایر بو گوناهین جزاسی وارسا، عاشیق چکر، معشوق یوخ.
عاشیق، یاشامین ان زور حالینی و چتینلیکلرینی چکر، یاشار.
هئش ائشیتمیسیز کی "اصلی" کرمین عشقی یولوندا دیشلرین چکدیرسین، آغلاماسین؟
هئش اشیتمیسیز کی شیرین، فرهادین عشقیندن داغی دلسین؟
غورور، عشقین قدداری دیر.
انصافعلی هدایت
تورنتو-کانادا
21.04.2023
