گونئی آزربایجان میللی آزادلیق جبهه سی سورولاری جاوابلیر - بئش اینجی بولوم
بئش اینجی گون «گونئی آزربایجان میللی آزادلیق جبهه سی» ایداره هیاتی عوضوو، هابئله قوروجولاریندان اولان سایین صادق عیسابیلی جنابلاری ایله گئچیردیک و بیر چوخ قونولار حاقدا دانیشدیق. اوزللیک ایله "حاق" قاورامی اوزرینده درین، گئنیش صوحبتیمیز اولدو.
من، سوروجولوق دایئره سیندن آیاقلاریمی دئشاری قویاراق، کندیسی ایله طرف کیمی، موباحیثه یه گئچدیم.
بلکه بو دانیشیق، اونلارا عجیب گلدی، بلکه ده فرقیلی گوروندو آمما منیم اوچون ایلهام قایناقلاری اولدو و حاقدان باشقا دوشونجه لره، آنلایئشلارا، فرقیلی باخیشلارا دالدیم.
اومارام، سیزلی بیزلی حاق، حاقلی و حاقلیلیق قاورامیندا درین دوشونوب، میللتیمیزده بیر گوجلو آنلایئش، دوشونجه، دونیا گوروشو یاراداق کی اونلارین دونیا یاشاملاریندا فایدالی اولسون. میللتیمیزه دوولت قورماقدا، دوولتی قوروماقدا، وطنی الده اتمکده و ساخلاماقدا، ریفاهین آنلامیندا، قازانماسیندا و سوورونلارین چوزمکده ده یاردیمجی اولسون.
حاق
- حاق قاورامیندان دوشونجه نیز نه لردیر؟
- حاقین منشایی و کوکو نه دیر؟ یعنی، نه لر حاقی یارادیر؟
- حاق قاورامین کیم تعریف ادیر؟
- بیلیریک کی حاقدا و حاقلی اولمادا بیرئیلر و توپلوملار آراسیندا درین ایختیلافلار وار، بو ائوزدن، حاقلی اولماق نه یه باغلی دیر؟
- حاقین دایاناجاقی نه لر دیر؟
- نه لر حاقی، حاقلاری پوزا بیلیر؟
- نه لر حاقلینی، حاقسیز ادر؟
- حاق قاورامی پوزولان بیر قاورام می دیر؟
- کیم (کیملر) حاق و حاقلی دیر؟
- کیم (کیملر) حاق دئییل و حاقسیزدیر؟
- موطلق حاق وار می دیر؟
- اوزونوزو و تشکیلاتینیزی حاق و حاقلی بیلیرسینیز؟
- موخالیفلرینیزی حاقلی بیلیرسینیز می؟
- عجبا موخالیف لرینیزی نه قدر حاقسیز بیلیرسینیز؟
- حاقی و حاقلینی ائولچمک ائوچون ائولچونوز نه دیر؟
- سیزین تشکیلاتین دوشونجه لرینده ان اونملی «میللی حاقلار» هانکی حاقلار دیر؟
- سیزین تشکیلاتین دوشونجه لرینده ان اونملی «بیرئیسل حاقلار» نه لردن عیبارت دیر؟
- هانکی حاقلاری پوزولمایان بیرئیسل و میللی حاقلار بیلیرسینیز؟
- حاق و حاقلی، تعطیل گوتوررمی؟
- حاق و حاقلی یا ائوزون حاقلی بیلن بیرئی و توپلوم، حاقی یا حاقلاری ائوچون سیلاحلی ساواش حاقی وارمی دیر؟
عدالت
- سیزجه عدالت نه دیر؟
- عدالت موطلق بیر قاورام دیرمی؟
- عدالتین ترازیسی نه دیر؟
- عدالتی کیم تعریف ادر؟
- عدالتین ائولچولری نه لردیر؟
- عدالتی نئجه ساغلاماق اولار؟
سایقیلارلا
دوشونجه باغی
انصافعلی هدایت
