پزشکیان، یهودلارین گوناه گیچیسی اولابیلرمی؟
یازدی:
میللتچی‌لرین تحریم وقتی دئیلدیر. ایندی پزشکیانین گلمه‌سیله بالاجا آزادلیق هاواسی گله‌جک و میللی حرکت جانلانابیلر. بونو دوشونمک لازیم دیر.
یازدیم:
منده اینانیرام کی هر بیر فورصتدن کی دوشمنده یارادابیلیر، تورک میللتینین ایستیکلری و ایراده‌سی یونونده، همده ان اوست درجه ده فایدالانماق لازیم دیر.
آمما سورولار وار: بویله اینانماق ایسته‌ییریک می یوخسا بویله اولابیلیر می؟
عجبا بیزیم اومدوقلاریمیزلا، خاریجی و گرچک وارلیقلاری عاینی توتماق دوغرو دور مو؟
ایران آدلانان سیاسال وارلیقدا، گرچکچی اولماق، قودرتین و قودرت شبکه‌لرینین ایلگیلرین و رابیطه‌لرین دوغرو گورمک و دوشونمک لازیم دیر.
یوخسا قودرت صاحیبلری و حتّا مافیالار، چوخ قولایجا، بیزیم ایچیمیزده‌کی آرزولاریمیزدان و ایستکلریمزدن فایدالانا بیلیر و اونلارا یاناشاراق، بیزی یونله‌درلر ده.
بونودا بیلیریک کی اومان اینسانلاری دا توپدوملاری دا، تاولاماق چوخ قولای دیر.
بیز میللتچی‌لر، بیر جومهور باشقانیندان بیر شئیلر اوموروق کی قانوندا و گرچک قودرت موعادیله‌سینده، اونون او قودرتی و گوجو یوخ دور.
بوندان علاوه بئله، آرخاسیندا گوج مرکزلریده یوخ دور.
عجبا، سپاهلا، ایطلاعاتلا، عدلیه ایله و بونلارلا عاینی (مووازی) اولان قارانلیق گوجلر ایله، پزشکیانین گولشمک گوجو مو وار؟
اونون اوچون، ان لازیم ایش بو دور کی سپاهی پادیگانلارا سوخوب، قاپیلاری کیلیتله‌سین.
قاچاق مافیالارینین یوللارین کسسین. فساد، ایختیلاس، روشوت مرکزلرین باغلاسین. اونلارا قوشولانلاری توتوب، جزالاندیرسین آمما گورونن اوکی پزشکیان جنابلاری اسکی ایصلاح طلب‌لرین بیر بولومو ایله امکداشلیق اده‌جک کی اونلارین اللری ده بو جورملره، جینایتلره بویانمیش دیر.
بو دورومدا، پزشکیان قوربانلیق گئچی گورونور کی یهودون، گوناه گئچیسی نقشین اویناداجاقلار اونا.
انصافعلی هدایت
Comments
Post a Comment