خیانت دئمهسکده، خیانت دیر
خیانت، بیله بیله اوزون مودّتلی میللی چیخارلارین ترسینه حرکت اتمک دیر، منجه.
کیمی بیلمز، آنلاماز، میللی چیخارلاری تانیماز، میللی دوشونجهسی اولماز، بئینی یئخانمیش و مانقورتلاشمیش اولار، خیانت اوچون دوشمندن بیر شئی آلار یا بیر شئی اومسار، و ... اونا خیانت ادیرسن دئمک زور دور آمّا اگر بیریلری، پارتیلرین سسین اشیدیر، یازارلارین، دوشونورلرین سسین اشیدیر کی میللی چیخارلاری تانیدیرلار و گئنه ده ترسه گئدیرسه، خیانت اوزره "اولابیلیر".
"اولابیلیر" چون؛ میللی چیخارلاری هر بیر یازار، دوشونور و پارتی، مومکون دور فرقیلی آنلاسین و آنلاتسین.
بو دورومدا، خیانتدن دانیشماق چوخ زور و اینصافسیزلیق اولار.
ایران-فارس اویونوندا ایشتیراک ادن و سس وئرمهیه چاغیرانلاری ایستهمیرم اوزون مودّتلی میللی چیخارلارا خیانت ایله اتّیهاملایام.
منجه، هر کس، هر بیر دلیله گورا، فارسلیقا رای و مشروعیت وئریرسه، یا مشروعیت وئرمهیه چاغئریرسا، آزربایجانین و میللی حرکتین اوزون وعدهلی میللی منافعینه خیانت اتمک ده دیر.
چون توم کاندیدلر و پزشکیان دا، میللی حرکتین کاندیدی، دوشونورو و سیاستچیسی دئییل.
پزشکیان دا، ایران-فارسین سیاستچیسی دیر و اونلارا یاراماق اوچون میدان ایذنی وئریلمیش.
زامان سوزگهجی گوستهرهجک خیانتی ایله خیدمتی و آیئراجاق بوغدا ایله آرپانی. لاکن چوخ گئج و آغیر هزینهلی اولاجاق.
انصافعلی هدایت
No comments:
Post a Comment