آجیلاری آچیقلامانین زامانی دئییل می؟
آجیلاری آچیقلامانین زامانی دئییل می؟
یاشاااااااا دوستوم!
هله، دونن بیر نئچه نفر، ایچریدن، منه یازیبلار کی "سیز خاریجده اوتوروب، بیزه یول گوسترمئیین."
بس، کیم، سیزه یول گوسترسین؟
ایرانچیلار می؟
یوز ایلدیر کی سیزین گوروشلریزی، اویرندیکلریزی، آنلادیقلاریزی، دوشوندوکلریزی، سیاستلریزی و ... فارسلار و ایرانچیلار گوستریرلر دا.
یوز ایل بس دئییل می؟
باخ، گور، نئجه بیر میللتین دوشونورلرین "ایچه‌ری"و "دئشاری" دییه، بولموشلر.
بیر میللتین ایچه‌ری و دئشاری دوشونورلرین، بیر بیریندن آیئریب، بئله، بیر بیرلرینه قارشی قارشییا گتیرمیش‌لر. ستارخانلا، شجاع الدوله کیمی. قاجارلا، تبریز کیمی.
آمما تورکلرین ایچینده کی داوا و قارشی دورما، فراماسونلار و اینگیلیس نوکلگرلری اولان فارسلارا یارامیش.
نئجه‌کی باشاریبلار، توپلوملارین هر بیر بولومون، داها کیچیک بولوملره بولوب، قودرتسیز اتسینلر. بئله‌لیکله ده، بوتونلویوموزو، الیمیزدن آلیبلار.
ائله بیل کی بیز؛ خاریجده یاشایانلار، بو میللتدن دئییلیک.
ائله بیل کی خاریجده اوتورانلار، وطنی و میللتی دوشونمورلر.
ائله بیل کی خاریجده‌کیلر، کور-کار دیلار و دونیانی، وطنی، وطن و میللتیمیزین باشینا گلنی و گله‌جه‌یی گورمورلر.
دئدیم؛ ایچه ریده‌کیلر، داییما ایران-فارس یاراتدیقی و مهندیسلیک اتدیگی آتموسفر و جوّین ایچینده قالمیشلار.
او یالان دولان آتموسفردن دئشاری چیخماق، ایچه‌رینی دئشاریدان گرومه‌نی، ایچه‌ریده‌کیلرین شانسلاری یوخ دور.
ایچه‌ریده، داها چوخ، ایرانچیلیق و فارسچیلیق دوشونجه‌سی حاکیم دیر.
ایچه‌ریده، دوستدان چوخ، نوفوذی و دوشمن، ساتقین، دوشمه‌نین موزدورو وار.
حرکتچی و تورکچو گوروننلرین بیر آزی، دوشمندن پول آلیب، حرکتین ایچینده، دوشمنین، فارسلارین، فارس دوولتی و حاکیمیّتینین منافعین قورورلار.
او حالدا کی ائشیکده‌کیلرین بیر چوخو، وطن و میللت اوغوروندا آغیر هزینه‌لر وئرمیش، ایران-فارسلارین یاراتدیقی آتموسفردن، جوّدن، دونیا گوروشوندن، تبلیغاتیندان و ... آزاد اولموش، آیئلمیش و میللی گوزلوکلر ایله آزربایجانا و تورک دونیاسینا باخیرلار.
همده یاخینی یوخ، اوزاقلاری گوره بیلیرلر. نییه کی داغ باشیندا دوران بیر اینسان، داها چوخ اوزاقی گوره‌بیلیر آمما شهرین اورتاسیندا، بیر خییاواندا یا بیر مئیداندا دوران اینسانلار، داها دار و داها یاخینی گوره بیلیر.
حادیثه‌نین ایچینده اولانلار، دار گوروشلو اولمایا محکوم دورلار.
اگر ایچه‌ریده‌کیلرین گوزلوکلرین و منافعین، ایران-فارس دوشونجه‌لری، دوشمنه تاولانمیش اینسانلار و میدیالار آچیقلرسا، ایچه‌ریده، داها پیس دوروم حاکیم دیر.
ایچه‌ریده اوتوران هئش کیم، اوزون دئشاریدا اولاندان داها درین گوره بیلمز. داها اوزاق گوروشلو اولابیلمز. داها ایران-فارس اتکیسیندن قورتارمیش و داییما ایران- فارس میدیاشیندان دونیانی تانیین، میللی منافعی ایران گوزوندن گورر. یعنی، تام میللی گوره بیلمز.
دیشاریداکیلار، کئیف اوچون، دئشاری چیخمامیشلار. خوشلاریندان چیخمامیشلار. بلکه وطن اوچون، زجر و ایشکنجه چکیب، ائشیکده یاشامایا زورلانیبلار.
دئشاریداکیلارین ان دوغال حاقلاری، دوشونجه‌لرین ایچه‌ریده‌کیلر ایله پایلاشماق، خطر و تهلوکه‌نی اوزاقدان گوروب، قئرمئزی چیراقلاری یاندیرماق و سیقناللاری چالماق دیر.
میللتیمیز، تهلوکه دن اوزاق دورارسا، اودار. تهلوکه ایله قول بویون اولارسا، گئچمیش یوز ایله تای، اودوزمایا محکوم اولار.
آمما ان آجی، بو دور کی، اودوزمالاری، میللی حرکتین، آزربایجانین و تورکلرین میللی چیخارلاری آدینا حسابا قویار و فاکتور دا یازالار.
طبیعی کی من، وطنه و میللته ان یاخجیسین، آرزولورام.
بیز، گئچن یوز ایلده، بو دسته‌لرین الیندن زهر ایچیب، کئفله‌نیب، فارسلارین قولونا چئوریلمیشیک. ایشعال اولموشوق. تالان اولموشوق.
فارسلارسا، گیچن یوز ایلده، بیزی تاولاماقدا، بیز ایسه تاولانماقدا اوستالاشمیشیق.
فارسلارین الی و اعتیراضی ایله، میللی دوشونجه‌لری قئراغا قویوب، میللی دوولتلریمیزی و میللی حاکیمیّتلریمیزی الدن وئرمیشیک.
فیکیر ادیرسیز، مشروطه دن و مشروطه ایصلاحاتیندان سونرا نئجه ایرانچی اولدوق؟
هی یالاندان اومود باغلامیشیق. هی رای وئرمیشیک. راییمیزه دایاناراق، هر گون بیزه داها چوخ باسقی قویوبلار.
سایقیلاریملا
انصافعلی هدایت
Comments
Post a Comment