آزربایجان دئموکرات پارتیسی سورولاری جاوابلیر - آلتی اینجی بولوم
آزربایجان دئموکرات پارتیسی سورولاری جاوابلیر - آلتی اینجی بولوم
یونوس بئی شامیلی جنابلاری ایله بو گونکو صوحبتیمیز «فئدرالیزم» حاققیندا ایدی و چوخ چوخ اوزونا چکدی. فئرالیسم ده، چکیش بکیشیمیز چوخ اولدو.
بلکه بیر سببی بو اولموش اولسون کی من «ایستیقلالچی»یم و فئودرالیسمه قارشی، ایستر ایسته مز بیر جیبهه توتموشام. آمما اوزوم بئله پورورم کی چالیشیردیم تا فدرالیسم حاقدا و "آزربایجان دئموکرات پارتیسی"نین فئدرالیم دوشونجه سی حاقدا داها چوخ درین معلومات توپلایم.
نییه کی آزربایجان پارتی لرین چوخو "ایستیقلالچی" دیرلار و دوشونجه لری آز چوخ، بیر بیرلرینه بنزیر آمما فئدرالیسم دوشونجه سی طرفداری اولان پارتی بلکه بیر ایکی دن چوخ اولماسین. بو دا بونو لازیم گتیریر کی بو دوشونجه نی داها درین و گئنیش دوشنه لیم.
هر حالدا، بونلان بئله کی من فئدرالیسم ایله قارشییم آممات اولاسیلیقی وار کی فئدرالیسم بیر سئچیم حالینا گلسین. فئدرالیسم ایله موخالیفتین هئش ده بیر دوغرو آنلامی اولماسینا اینانمیرام. چون سیاسی بیر دوشونجه، هر طورلو شراییطه و هر حال و کارا حاضیر اولمالی دیر.
مثلن اگر اولوسلار آراسی سیاسی دوروم و گوجلر، ایستیقلالین یولون باغلار ایسه که باغلایابیلرلر، و اگر فئدرالیسمه بیر قاپی آچیق قالار ایسخه، نه دن او قاپینی چکیب باغلییه لیم.
سیاسی دوشونجه صاحیبی، گرک کی هر طورلو دوروما حاضیر اولوب، و دوروما باخاراق، ایستیراتئژیسین دئییشدیرسین و ان چوخ میللی فایدانی، میللتینه قازاندیرمایا چالیشسین.
بو دانیشیق، آزربایجان دئموکرات پارتیسینین سون حوضورلو دانیشقلاری ایدی و بئله لیک ایله ده آلتی اوتوروم سونا چاتدی. سوزلر اوزون اولدوقوندان و منده موباحیثه لره قاتیلیب، دلیل اورتایا آتدیقیمدان، سورولارین یوزده اون بئشیه جاواب آلابیلدیم. اومارام کی سایین شامیلی جنابلاری یا دیگر پارتی اویه لری، قالان سکسن بئش فایئز سورولارا، گلن گونلرده، یازی ایله، یادا سس یادا ویدئو ایله جاواب وئریب، منه گوندرسین لر تا یایاق.
خاطیرلاتمالییم کی دونندن، آز نیوز تی وی کی صالح کامیرانی جنابلارینا باغلیدیر، دوشونجه باغینین گئچیردیگی دانیشیقلارین یایماسینا باشلامیش دیر و ان بیر اینجی گونون صوحبتلری ایله ده باشلامیشلار. صالح کامرانی و اونلا ایشبیرلیک آپارات توم امکداشلارینا سایقیلاریمی و حورمت لریمی سونورام و اومارام کی بو ایشه دیگر بیرئیلر و دوشونجه صاحیبلری ده قاتیلسین.
فئدرالیزم
- فئدرالیزمی نئجه تعریف ادیرسینیز؟
- ایراندا بئدرالیزم اولابیلرمی؟
- هانکی فئدرالیزمدن سوز پئدیر؟
- سیزین ایسته دیگینیز فئدرالیزیمین موشخّصه لری نه لر دیر؟
- فئدرالیزم ایراندا ال وئریشلی می دیر؟
- ایراندا اوزلرین اوستون گورن و قودرتی الده توتان فارسلار و فارسچیلیق فئدرالیزمه نئجه یاناشیر؟
- فارسلیقین جور به جور قانادلارینین دوشونجه لری فئدرالیزمدن نه دیر؟
- مشروطه ایصلاحاتیندان و ریفورملاریندان دن بوگونه دک، فارسلار توم یازیلی و سوزلو موقاویله لری آیاقلاری آلتینا آلمیشلار. عجبا فارسلارا گوونمک اولابیلرمی؟
- فئدرال سیستیمده، آزربایجانین سرحدلری نئجه تعیین اولار؟
- فئدرال سیستیم ده، آز نوفوسلو توپلوملار یا توپلولوقلارین آلین یازیلارین کیم و نئجه یازاجاقلار؟
- فئدرال ایراندا، توکلرین و آزربایجانلیلارین تورک دونیاسی ایله ایلگیلری نئجه تعریف اولار؟
- فئدرال سیستیمده، فارسلاردان هانکی حوقوقی، ایجرایی تضمینلر الماق اولار کی زورلاری چاتان زمان، فئدرال سیستیمین داغیتماسینلار؟
- عجبا فئدرال سیستیمده میللت لرین حاقی اولاجاق، قونشولاری اونلارین توپراقلارین ایشغال اتمه سین دییه، سیلاحلی اوردولاری و گوجلری اولسون؟
- عجبا فئدرال سیستیم ده، فئدراللاشما داوطلبانه و میللی گونوللوک اوستونده دیر یوخسا زورلار دیر؟
- عجبا فئدرال سیستیمده، میللت لرین و مملکتلرین آیریلماق و موستقیل اولماق حاقلاری دا اولاجاق می؟
- ایرانی فئدرال اتمکدن آماجلار نه لر دیر؟
- فئدرال سیستیم ده، ایرانی بوتون ساخلامانین هانکی فایدالاری وار؟
- فئدرال سیستیم ده، ایرانی بوتون ساخلامانین هانکی ضررلری وار؟
- هانکی سببلر و چیخارلارا گورا، ایرانی فئدرال سیستیم ایله قوروماق و ساخلاماق ایستیرسینیز؟
- فئدرال ایران قوراندا و ایرانی قورویاندا، آماجلار، میللت لرین ایراده لرین یوروتمک، ایستک لرین ایشله مک، میللی یاشاملارینا یول وئرمک، اوزلرینه لاییق گوردوک لری و تعریف اتدیکلری حاقلاری یاشاماق می دیر؟
- فئدرال سیستیمین ایراندا قورولماسینا، یئر و ماجال، ایستیقلال ایله موقاییسه، ده نه قدر گوروسونوز؟
- هانکی گوجلر فئدرالیزم ایله موخالیف لر؟
- فئدرالیزم، بیر سیاسی، اولوسلار آراسی و حوقوقی بیر میللی حاق می دیر یوخسا بیر ایداره سیتیمینین سئچیمی و داوطلبانه دیر؟
- فئدرالیزمه یئر اولمازسا، یوخسا فئدرالیزم مومکون اولمازسا، ایستیقلالا نئجه یاناشیرسینیز؟
- ایستیقلالچیلارا نئجه یاناشیسینیز؟
البتته، فئدرالیزمین قئراغیندا «حاق» قونوسوندا اله آلدیق و بونوندا اوزرینده درین و گئنیش بحثلره یول سالدیق آمما حایئف اولسون کی یولموز تئز سونا چاتیلدی.
منجه، سایین شامیلی ایله درین بحث لر داها فایدالی اولابیلردی اگر حوضورو بحثه داها چوخ زامان وئریلسه ایدی.
اومارام، اونلارین گونده ره بیله جکلری قونویا درین ایدین لیقلار گتیرسین.
سایقیلاریملا
دوشونجه باغی
انصافعلی هدایت
Comments
Post a Comment