آزربایجان دئموکرات پارتیسی سورولاری جاوابلیر - دورداینجی بولوم
آزربایجان دئموکرات پارتیسی سورولاری جاوابلیر - دورداینجی بولوم
بو گون، سایین یونوس بئی شامیلی ایله آشاغیدا کی سورولاردان داها چوخ، همده درین موباحیثه لر آپاردیق. 1
اوجومله دن ایستیقلال قونوسوندا، ایستیقلالچیلیقین «یاسال» و «یاسادئشی» یوللاری حاقدا جیددی جدله گیردیک.1
طبیعی دیر کی «فدئرالچی» بیر دوشونجه صاحیبیندن ایستیقلال و ایستیقلالچیلیق حاقدا سورو سورارسانیز، درین چکیش بکیش اورتایا چیخار.1
بو دورومدا، اونملیسی بو دور کی ایستیقلال و فدئرال کیمی بیر حسّاس بیر قونولار حاقدا، بیر بیریمیزی باغیرمادان، موتتهم اتمه دن، توهین و تحقیره معروض قویمادان، ارتیدادی حوکمون وئرمه دن، خایین-دوشمن دئمه دن، و ... دینله مک دیر. 1
بیز، بیر بیریمیزین سوزلرینه دیققت ایله قولاق آسماقدیق.1
دانیشیقلاردا، موباحیثه دوروم حاکیم اولور ایسه، هم دوشونجه لر آچیقلانار همده اورتایا اورتاق یوللار، امکداشلیق، بلکه ده یئنی یول یونتم چیخار.1
بیز، هم ایکی دوشونجه اولاراق، همده ایکی قارشی دورومدا گورونن بیرئی اولاراق، بونو باشاردیق. 1
چکیش بکیشلرین اوزون سورمه سیندن دولایی، بیر چوخ سورو سورابیلمه دیم و جاوابدا آلامادیم. 1
یعنی، نئجه لییی (کیفییتی)، کمییته یا (آز-چوخلئقا) قوربان وئرمه دیک.1
قئید اتمه لییم کی اوزون دانیشیقلار، تکجه ایستیقلال و فئدرال حاقدا گئتمه دی بلکه
میللی منافع بولومو، اونون تعریفی، میصداقلاری و کیملر میللی منافعی تعریف ادیر و میللی منافعین فرقیلی تعریفلری و ... حاقدا دا آت سوردوک.1
بو گونون سورولارین آشاغیدا گوره بیلیرسینیز.
میللی منافع
میللی قاورامی نه دئمک دیر؟
میللی منافع و چیخارلاری نئجه تعریف ادیرسینیز؟
میللی چیخارلار یا میللی منافع نه لر دیر؟
میللی چیخارلاردان واز گئچرمی سینیز؟
میللی چیخارلاردان هانکی دورملاردا و هانکی شرطلرده واز گئچرسینیز؟
نه لر میللی منافع دئییل؟
عجبا میللی منافع اولمایان قونولاردان واز گئچمه یه حاضیرسینیز می؟
سیزین تشکیلات، میللی منافعی هانکی سیاستلر ایله و نئجه تامین اتمه نی دوشونور؟
میللی چیخارلار یولوندا ساواشا گیررمیسینیز؟
میللی منفعدن بیر نئچه میثال ووروب، سیاستلرینیزی اونلارین حاقین دا آچیقلارمیسینیز؟
ایستیقلال
ایستیقلالی نئجه دوشونورسونوز؟
ایستیقلالدان تعریفینیز نه دیر؟
ایستیقلالی، هانکی ساحه لرده گورور، دوشونورسونوز؟
موطلق ایستیقلالا اینانیرمیسینیز؟
سیزین تشکیلاتین یول خریطه سی، گونئی آزربایجانین ایستیقلالینا یورومه نی نئجه ترسیم ادیب؟
بو دانیشیق یاریمچیلیق قالدی. گلن گون، ایستیقلال، ایران و فئدرالیسمی دارتیشمایا حاضیرلانیرام.
سایقیلاریملا
دوشونجه باغی
انصافعلی هدایت
Comments
Post a Comment