گونئی آزربایجان لیبرال دئموکرات پارتیاسی سورولاری جاوابلیر - بیراینجی بولوم
گونئی آزربایجان لیبرال دئموکرات پارتیاسی سورولاری جاوابلیر - بیراینجی بولوم
بو گون، بوتون گئچمیش «دوشونجه باغی» پوروقراملارینین ان چتین و زور گونو اولدو. سایین هاشم بئی بیلگین داها زوئر واونو چارچیوه یه سالماق داها چتین اولدو.
بللی اولور کی موطلق آزادلیقا عادت ادن بیریسی، حاقلاریندان بیر آز کسیب توپلوما وئرمکده چوخ زورلانیر و اونلارا دیزگین وورماق چتینله شیر.
بونلان بئله، بیزیم ایکیمیزین آراسیندا چوخ ماراقلی موباحیثه لر گئتدی. من، چوخ واخت مجبور قالدیم دفعه لرجه بیر سورونو تیکرار ادیب، جاواب آلمایا چالیشیم.
منیم الده اتدیگیم قضاوته گورا، سایین هاشم بیلگین جنابلارینین سوزلری چوخ یئرده بیربیرین نقض ادیردی آمما بونون تشخیصی سیز سایقیلی اوخوجولارا و توم گورنلرین عوهده سیسنه دیر. بلکه من سهو ادیرم.
اینانیرام؛ گئت گئده، بو آنلاشمامازلیق و زورلوقون سویّه سی آزالاجاق و بیز، بیر بیریمیزله دانیشماقا، اورتاق دانیشما-آنلاشما دیلین، یول یونته مین تاپاجایئق.
بونون اوچون دور کی دانیشماق، موذاکیره، دوشونجه آل وئری، فیکیرلرین گل گئدی چتین دیر. چون دانیشیقین هر طرفی اوزون موطلق و داها حاقلی بیلیر، گورور. اوندان دولایی دا، سورونو یا جاوابی و دلیل لری دینله مه دن ، ذهنینده قارشیداکی بیرئیی و اونون دوشونجه سویّه سین قضاوت ادیب، حوکوم وئریب، حوکمونه دایاناراق، ذهنینده جومله لر قورمایا، جاواب وئرمه یه، محکوم اتمه یه و ظفر قازانمایا چالیشیر. بودا سبب اولور کی قارشیداکینین سوزلرینه دیقّت اتمه سین. حتتا اونلاری بئله اشیتمه سین. اوندان دولایی دا، بحث و دانیشیق زینجیری و معناسی و آنلایئشی قئرئلیر. دوشونجه لر یاریمچیلیق قالیر. اورتایا ایسه، ایختیلافلار چیخیر.
خاطیرلادیم کی سایین هاشم بئی سوزلرینین ایچینده، سایین ماحمئد بیلگینین آدین چکدی گینه گورا بیر منفی نومره آلدی و «میللی اردملی" یئرینه، «ان اردملی» نیشانئنا لایق گوروندو. بو اوزدنف ماحمد بئی بیلگین جنابلارین جاواب وئرمه یه دعوت اتمه یه مجبوروق. بودا، طرفسیز قالمانین و سایقی چرچیوه سین ساخلاماق دئمک دیر.
سوردوقوم سورولارین بیر نئچه سین آشاغیدا گورورسونوز.
تشکیلاتلانما سیستیمی
- لوطفن، اوزونوزو و تشکیلاتینیزی تانیتدیرین؟
- تشکیلاتینیز هانکی تاریخده و شرطلرده و هانکی قونولارا جاواب وئرمک آماج اساسیندا قورولوب؟
- حیزب و تشکیلاتین آنلامی نه دیر؟
- حیزب و تشکیلاتین ضرورتی نه دیر؟
- حیزب و تشکیلاتین آماجی نه دیر؟
- نئجه تشکیلاتلانماق اولار؟
- سیزین تشکیلات نئجه قورولدو؟ نییه ایستیقلال؟ نییه فئدراال؟ یا نییه ... ؟
- تشکیلاتینیزین پرنسیپلری هانکی لار دیر؟
- هر بیر تشکیلاتین ان اونملی ایشلری نه لر دیر؟
- بیر تشکیلاتی قورماق اوچون اساسلار کی لازیم دیر، نه لردیر؟
- سیزین منصوب اولدوقونوز تشکیلاتین ایداره سیستیمی نئچه مرحله لی دیر؟
- سیزین تشکیلاتین مدرسه سی، اوکولو، تعلیم سیستیمی وارمی؟
- سیزین تشکیلاتین یازیلی ایدئولوژیسی وار می؟
- تشکیلاتینیز مالی اولاراق نئجه تامین اولور؟
- سیز اوزونوزو، آزربایجان پارتی و تشکیلاتلارینین بیرینین لیدئری گوروسونوز یوخسا ائوزونوزو گونئی آزربایجان لیدئری کیمی گوروسونوز؟
- لیدئرلیک حاقدا، نه لر دوشونورسونوز؟
- سیزین اونردیگینیز بایراق، پارتی بایراقی می دیر یوخسا گونئی آزربایجانین سیاسی بایراقی دیرمی؟
- گونئی آزربایجانلیلارا و تورکلره، سیزه و سیاسته ماراقلی اولانلارا، سیزین تشکیلات، تشکیلاتین آماجلارین، ایستک لرین، پئلانلارین و ... اوخویوب، تانیماسی اوچون، هانکی کاناللاری و یوللاری آچمیسینیز؟
- هانکی واسیطه لر و یوللارلا گونئی آزربایجانلیلار ایله گونده لیک علاقه ده سینیز؟
- سیزین تشکیلاتئنیز، اوزون، هارانین، کیملرین و هانکی جوغرافیانین سیاسی تشکیلاتی بیلیر؟
- سیزین اوچون؛ 1- ایران-ایرانلیلار، 2. ایرانداکی تورکلر-آزربایجانلیلار، 3. آزربایجانلیلار، بونلاردان هانکیسی ایستیراتئژیک اونم داشیر و سیاستیزین مرکزینده دیر؟
- سیزین ان اونملی سیاسی ایستیراتئژینیز یا ان اوستون آماجینیز نه لر دیر؟
دوولتلر، دوشمن، دوست و رقیبلر
- دوولتلر ایله سیزین تشکیلاتین ایلگیسی، هانکی اوصول اوزه رینه قورقولانیر؟
- دونیا اوزرینده اولان دوولت لره نئجه باخیرسینیز؟
- دوولتلرله اولابیله جک ایلگینیزی نئجه تعریف ادیرسینیز؟
- عجبا سیزین تشکیلات بیر دوولته باغلی دیر می؟
- تشکیلاتلارین هانکی بیر خاریجی دوولته باغلی اولماسینا نئجه باخیرسینیز؟
- تشکیلاتلارین و هر تورلو فعالیت ادنلرین خاریجی ائولکه لردن مالی یاردیم آلمالارینا نئجه یاخینلاشیرسینیز؟
- سیاسی اولاراق هانکی دوولتین سیاستلرینه یاخین سینیز؟
- ایدئولوژیک اولاراق هانکی دوولتین ایدئولوژیسینه یا هانکی ایدئولوژییه یاخین سینیز یا هانکی ایدئولوژینی اوزرینده قورولموسونوز؟
- حوقوقی اولاراق هانکی دوولته یاخین سینیز یا هانکی دوولتی حوقوقی اولگو سئچیرسینیز؟
- سیزین تشکیلات، تورک یا آزربایجان توپلومون ایداره اتمک آماجلا، بیر حقوق سیتیمی تعریف اتمیش می؟
- ایداره سیستیمی اولاراق هانکی دوولتین ایداره سیستیمینه یاخین سینیز؟
- هانکی دولت لره یا میللت لره یاخین اولماقی دوشونورسونوز؟
- هانکی دوولتلری دوشمن تانیرسینیز؟
- هانکی میللت لری و دوولتلری رقیب تانیرسینیز؟
- رقیب دوولت لره قارشی نئجه بیر سیاستلر و ایستیراتئژی لر دوشونورسونوز؟
- دوشمن تانیملادیقینیز دوولت لره قارشی هانکی ایستیراتئژی لر و سیاستلری گوتوره جکسینیز؟
- هانکی دوولت لری و میللت لری، دوست دوولت و میللت تانیرسینیز؟
- هانکی ائوزللیک لرله (خوصوصیات-ویژگی ها) بیر دوولتی دوشمن، او بیریسین دوست و او بیریسین ده رقیب سایئرسینیز؟
- تعریفینیز دوشمن دن، دوستدان و رقیبدن نه لردیر؟
- دوشمن تانیدیقینیز میللت لر و دوولت لرله، تشکیلاتلارلا بیر یئره گلمک ایمکانینیز وارمی دیر؟
- رقیبلرله امکداشلیقا نئجه باخیرسینیز؟
- سیز تشکیلاتدا، گونئی آزربایجانین سیاسی تشکیلاتلارین (ایستیقلالچی، فئدرالچی، ایرانچی، و ... لاری دوشمن گورورسونوز، رقیب یا دوست؟
اساسنامه و دئموکراسی
- سیزین تشکیلاتین یازیلی اساسنامه سی وارمی دیر؟
- تشکیلاتین اساسنامه سی علنی دیرمی؟
- سیزین اساسنامه نیز تورکلرین و گونئی آزربایجانلیلارین اوخوماسینا آچیق می دیر؟
- سیزین تشکیلات، ایندیکی آشامادا، دئموکراتیک بیر تشکیلات می دیر؟
- سیزین تشکیلات، دموکراتیک ائولکه و دوولت قورمایا نئجه باخیر؟
- سیزین تشکیلات، دئموکراسینی و دئموکراتیک سیستیمی نئجه تعریف ادیر؟
- سیزجه، دئموکراسی سیستیمی گونئی آزربایجانا ،نه زمان گلمه لی دیر یا نئچه مرحله و آشامالی اولمالی دیر؟
- دوشمن لرله ساواش چاغیندا، ایستیقلال آلیب، ایستیقلالی و امنیتی قُروما چاباسی چاغیندا، میللی حاکیمیتی قورماق زامانیندا و میللی حاکمیتی، ایچ و دئش دوشمن لره قارشی مودافیعه اتمک زامانین دا، دئموکراتیک تشکیلات اولمانی دیر؟
- سیز بو زاماندا دئموکراتیک دوولت و سیستیم قورمایا نئجه باخیرسینیز؟
- سیزجه دئموکراسی اونجه لیگی اولمالی دیر یوخسا میللی حاکیمیت؟
- دئموکراسی تعطیل اولابیلرمی؟
- هانکی شرطلر و دوروملاردا دئموکراسی تعطیل اولابیلیر؟
- سیزه گورا، دئموکراسی سیستیم دیر می؟ دوولت دیر می؟ دوشونجه دیر می؟ یاشام طرزی می؟ ایداره یول یونته می می؟
اویه لیک
- سیزین تشکیلات کیملری، هانکی شرطلر اساسیندا عوضو گوتورور؟
- عوضولرین یوکسلمه سی نئجه و هانکی شرطلره باغلی دیر؟
- عوضولرین تعلیم لری وارمی دیر؟
- هانکی ساحه لرده و قونولاردا، عوضولرینیزه تعلیم وئریرسینیز؟
- تعلیم سیستیمینیز، هانکی زاماندان باشلیر و هانکی مرحله ده دایانیر؟
- سیزین تشکیلاتین ایچینده، تشویق و جزا سیستیمی نئجه دیر؟
- سیزین تشکیلاتین ایچینده سئچیم وارمی؟
- سیزین تشکیلاتدا اوزمانلیقا یا تخصصوصه نئجه باخیلیر؟
- سیزین تشکیلاتین ایچینده لیاقته نئجه باخیلیر؟
- لیاقتی نئجه اولچورسونوز؟
رانتلار
رانت، نه دئمک دیر؟
- سیزین تشکیلاتدا رانتا نئجه باخیلیر؟
- رانتلا لیاقتی نئجه آیئرت ادیرسینیز؟
- رانتدان تعریفینیز و دوشونجه نیز نه دیر؟
- رانت، هانکی شرایطده و هانکی سیستیمده اورتا چیخار یادا رانت سیستیمینه چئوریله بیلیر؟
- سیزین تشکیلاتین ایچینده لیاقتلری نئجه و هانکی ایستانداردلار ایله ائولچورسونوز؟
- عجبا سیزین تشکیلاتدا ایستانداردلار هامی عوضولر اوچون ایستاندارد دیرمی یوخسا بعضی عوضولره اوستونلوک وئریلیر؟
- عاییله و اقربا عوضولرینین بیر تشکیلاتدا اولماسینی، رانت سیستیمینه باغلیرسینیز یا یوخ؟
- عجبا سیزین تشکیلات عاییله، اقربا و فامیللردن قورقولانیب می؟
- کانادا سیستیمینده، اگر سیزین باقّاللیق دوکانیز وارسا، لاتاریدا ساتیرسینز، الینیزده رانت ایمکانی وار. بونون اوچون سیزین اوزونوز و عاییله نیز و یاخین اقربانیز، سیزدن لاتاری آلامازلار. نییه؟ چون رانت حساب اولور. سیز بو سیستیمه گورا، رانتی و اوزللیک له ده سیاسی و ایداری رانتی نئجه دوشونورسونوز؟
- توپلومدا، گونئی آزربایجان تشکیلاتلارینا «عاییله تشکیلاتی» دییه بیر سوز یایقین دیر و حتتا سیاسی تشکیلات لیدرلرینین بعضی سی ده بو حاقدا سوز آپارمیشلیقلاری وار، سیز، سیاسی، ایداری و ایقتیصادی عاییله تشکیلاتینا نئجه باخیرسینیز؟
- عجبا بیر تشکیلاتدا عاییله عوضولری اولورسا، رانت اساسلی تشکیلاتا چئوریلر می؟
- عجبا بیر تشکیلاتدا عاییله عوضولری اولورسا، ایستانداردلار قورونابیلر می؟
- عجبا بیر تشکیلاتدا عاییله عوضولری اولورسا، یوکسلمک ایمکانی اونلارلا دیگر اویه لره آراسیندا برابر شانس اولابیلرمی؟
- سیزین تشکیلاتدا اویه لر آراسیندا، گوون سیستیمی نئجه یارانیب و قورونور؟
یاسالانما
- سیزین تشکیلات هانکی قانونا دایاناراق یارانیب؟
- سیزین تشکیلات هانکی ائولکه قانونو اساسیندا قورولوب؟
- سیزین تشکیلات هانکی ائولکه قانونلاری اساسیندا چالیشیر؟
- سیزین تشکیلاتین سیاست لری، هانکی ائولکه و هانکی قانونلارین اساسیندا دئییشه بیلیرمی؟
- طبیعی کی اساسنامه نیز حاقدا موباحیثه لر گئده جاق. اونون اوچون، دوشونجه باغی اوتاقئنا بیر نوسخه لازیم دیر.
مرامنامه، دوشونجه، فلسفه
سیزین تشکیلاتین یازیلی مرامنامه سی وارمی؟
- یول خریطه نیز وارمی دیر؟
- سیزین تشکیلاتین مرامنامه سی میللتیمیزین اوخوماسینا آچیق می دیر؟
- دوشونجه اولاراق، هانکی دوشونجه و فلسفه نی و ایدئولوژینی منیمسه میسینیز؟
- سیزین تشکیلاتین فلسفه سی نه دیر؟
- مرامنامه نیزین ان اونملی اون قونوسون بویورارمیسینیز؟ سیزین تشکیلاتین یول خریطه سینده کی آماجلاری نه لر دیر؟
وطن
- سیزین تشکیلات، وطنی نئجه تانیملیر؟
- وطنین آنلامی و اونمی سیزین تشکیلات و اویه لر ائوچون نه دیر؟
- سیزین تشکیلات وطن سرحدلرین نئجه تعیین ادیر؟
- سیزین تشکیلات وطنی قورومانی نئجه دوشونور؟
- وطن اوچون ساواشا گیررمیسینیز؟
میللت - قوم
- سیزین تشکیلاتین تعریفی میللت دن، هانکی ائوزللیک لری ایچینه آلیر؟
- سیزین تشکیلاتدا کیم لره «میللت» دئییلیر؟
- سیزین تشکیلاتین دوشونجه سی «قوم» سوزوندن، نه دیر؟
- سیزین تشکیلاتین سیاسی و ایدئولوژیک دوشونجه لرینده «قوم» سوزو کیملره دئییلیر؟
- سیزین تشکیلاتدا، میللت لر ایله قوملاری، هانکی معیارلار و ائولچولره اساسن بیربیریندن آیئرت ادیلیر؟
- سیز آزربایجانلیلاری، قشقایی لری، تورکمن لری، عربلری، بلوچ لاری و ... قوم حساب ادیرسینیز یوخسا میللت؟
- سیز فارسلاری میللت گورورسونوز یوخسا قوم، یوخسا فارسلارین و فارسلیقین باشقا بیر آنلامی وار سیزین ایچین؟
- فارسلارین وطنی وارمی دیر؟
- سیزجه، آزربایجانلیلار، قشقایی لر و تورکمن لر، تورک دورلر یوخسا باشقا کیملیکلری واردیر؟
میللی منافع
میللی قاورامی نه دئمک دیر؟
- میللی منافع و چیخارلاری نئجه تعریف ادیرسینیز؟
- میللی چیخارلار یا میللی منافع نه لر دیر؟
- میللی چیخارلاردان واز گئچرمی سینیز؟
- میللی چیخارلاردان هانکی دورملاردا و هانکی شرطلرده واز گئچرسینیز؟
- نه لر میللی منافع دئییل؟
- عجبا میللی منافع اولمایان قونولاردان واز گئچمه یه حاضیرسینیز می؟
- سیزین تشکیلات، میللی منافعی هانکی سیاستلر ایله و نئجه تامین اتمه نی دوشونور؟
- میللی چیخارلار یولوندا ساواشا گیررمیسینیز؟
- میللی منفعدن بیر نئچه میثال ووروب، سیاستلرینیزی اونلارین حاقین دا آچیقلارمیسینیز؟
ساقیلا ایله
دوشونجه باغی
انصافعلی هدایت
Comments
Post a Comment