گونئی آزربایجان میللی قورتولوش پارتیسی سورولاری جاوابلیر - دورداینجی بولوم
گونئی آزربایجان میللی قورتولوش پارتیسی سورولاری جاوابلیر - دورداینجی بولوم
Güney Azerbaycan Milli Qurtuluş Partisi 500 sorunu cavablir
بو گونده، سایین ائلدار بئی قاراداغلی جنابلاری ایله درین و گئنیش دانیشیقلاریمیز و دئییشمه لریمیز اولدو. اول سببدن ده منیم اوچون بیر نئچه باخیش پئنجره سی آچیلدی.
اونلاردان بیری ایسه ایشغال اولموش گونی آزربایجاندا وطنداشلیق قاورامی ایدی که قاراداغلی جنابلاری، وطنداشلیقی »بیرئیین دوولتی قبول اتمه سینه»، یعنی بیر بیرئیین ایراده سینه باغلاماسی ایدی. عاینی زاماندا، شیرکتلری، همده هئش بیر ائولکه ده و میللت و دوولت ده «وطنداش اولاراق قبول» اتمه دیرلر.
بونلارین آرخاسینجا «حاق و حاقسیزلیق" دارتیشمالاری اورتایا چیخدی. قاراداغلی جنابلاری ایله برابر، «حاقی پوزان» عونصورلری بئله سادئلادیق: سومورگه چیلیک دوشونجه لری و سومورگه چیلیک، دوشمنچیلیک قاورامینین بویوتلاری، سیاسی آماجلار، ساواشلار، ایستیلاچیلیق ایستیراتئژی لری، اکونومیسل سومورگه چیلیک، گوجلنمک و گوجون هر طورون اله گئچیرمک چابالاری، یایئمچیلیق سیاستلری و چابالاری (توسعه طلبی) و اومّتچیلیک کیمی حاق و حاقّی پوزانلار اورتایا چیخدی.
حاق قاورامی ایسه، بیزیم هر ایکیمیزی ده ائوز درینلیکلرینه چکیب، سورودو. اوزون اوزون دارتیشمالاری یاشادیق. منجه ده فایدالی اولدو.
بونون آرخاسینجا «اخلاق» قاورامینا دالاشدیق و اخلاقین یئنی آنلایئشیندان اوستلره دیرماشمایا چابالادیق. بو اوزدن ده اخلاقی ایکی یئره بولدوک: بیر- میلی اخلاق کی«میللی منفعتلره، همده هئیش بیر شرایئطده موخالیفت اتمه مک»، «ایچ و میللی سئرلاری باشقا یئرلره و تشکیلاتلارا داشیماماق»، «دوشمنه و رقیبلره جاسوسلوق اتمه مک»، «میللی دوشونجه لر و ایستکلره قارشی هئش بیر سندی ایمضالاماماق» و ... دن عیبارت اولدو.
بیرئی سل اخلاق ایسه: «عاییله ایچینده حورمتلری ساخلاماق و برابرچیلیگی یاشاماق» کیمی قونولاری ایچینه آلدی.
آردینجا میللی اخلاقا بیر نئچه میثال ووراراق، قونونو آنلامایا چالیشدیق. «فارس و تهران حاکیمییت و دوولتینه قارشی عوصیان بایراقین همده هر بیر ساحه ده قاوزاماق میللی و بیرئیسل اخلاق دیر»، «ایران -فارس دوولتینه وئرگی وئرمه مک»، «تورک و گونئی آزربایجان دوولتچیلیک یولوندا، گوجوموز قدر،هر بیر ایشه ال قویماق»، «آزربایجان و تورکلرین میللی اکونومیلرین گوجلندیرمک»، «اگر بازاردا بیر مالین تورک اورونو وار ایسه، اونون فارس اورونون آلماماق (فارس مالین و بازارین تحریم اتمک)» و «هر او شئی، دوشونجه، ایش، و ... کی تورکلرین میللی چیخارلارینا اویقو دور، اونلاری حیمایت و مودافیعه اتمک» میللی و بیرئیسل اخلاق میثاللاری اورتایا چیخدی .
آشاغادا، سوردوقوم سورولارین بیر نئچه سینی گورمک اولار. البت کی سورولار، بونلاردان داها اوزاقلارا بئله گئتدی و درین و گئنیش دارتیشمالاری اورتایا قویدو.
وطنداشلیق
سیزین تشکیلاتین آنلامی «وطنداش» دان نه دیر؟وطنداشی
و وطنداشلیقی علمی، سیاسی و حوقوقی اولاراق نئجه تعریف ادیرسینیز؟ وطنداش اولمانین اوزللیکلری و شرایئط لری نه لر دیرلر؟
کیملر وطنداش حساب اولور؟ کیملری وطنداش تانیمیرسینیز؟
- وطنداشلیق حاکیمیت طرفیندن وئریلن و رسمیله شن بیر گئچیجی سیاسی-حوقوقی دوروم دور یوخسا ازلی و ابدی بیر حاق می دیر؟
- دوولت وطنداشلیقی وطنداشلاردان آلابیلرمی؟
- وطنداش، وطنداشلیق حاققین آتابیلرمی؟
- یوخسا وطنداشلیق او حاقلاردان دیر کی هئش بیر شرایئطده سلب اولوناماز؟
- چیفته وطن و وطنداشلیقا نئجه باخیرسینیز؟
- وطنداش قاورامی کیملری ایچینه آلیر؟
- وطنداشین هانکی حاقلاری وار؟
- وطنداش و وطنداشلیق حاقلاری بیرئیسل یا فردی می دیر یوخسا وطنداشلیق توپلومسال و میللی می دیر؟
- اگر بیر گون، بیزله قونشو میللتلردن و توپلوملاردان بیر ایله ساواش چیخدی، اوندا او توپلومدان اولان وطنداشلاریمیزین وطنداشلیقینا نئجه باخیرسینیز؟
حاق
حاق قاورامیندان دوشونجه نیز نه لردیر؟
- حاقین منشایی و کوکو نه دیر؟ یعنی، نه لر حاقی یارادیر؟
- حاق قاورامین کیم تعریف ادیر؟
- بیلیریک کی حاقدا و حاقلی اولمادا بیرئیلر و توپلوملار آراسیندا درین ایختیلافلار وار، بو ائوزدن، حاقلی اولماق نه یه باغلی دیر؟
- حاقین دایاناجاقی نه لر دیر؟
- نه لر حاقی، حاقلاری پوزا بیلیر؟
- نه لر حاقلینی، حاقسیز ادر؟
- حاق قاورامی پوزولان بیر قاورام می دیر؟
- کیم (کیملر) حاق و حاقلی دیر؟
- کیم (کیملر) حاق دئییل و حاقسیزدیر؟
- موطلق حاق وار می دیر؟
- اوزونوزو و تشکیلاتینیزی حاق و حاقلی بیلیرسینیز؟
- موخالیفلرینیزی حاقلی بیلیرسینیز می؟
- عجبا موخالیف لرینیزی نه قدر حاقسیز بیلیرسینیز؟
- حاقی و حاقلینی ائولچمک ائوچون ائولچونوز نه دیر؟
- سیزین تشکیلاتین دوشونجه لرینده ان اونملی «میللی حاقلار» هانکی حاقلار دیر؟
- سیزین تشکیلاتین دوشونجه لرینده ان اونملی «بیرئیسل حاقلار» نه لردن عیبارت دیر؟
- هانکی حاقلاری پوزولمایان بیرئیسل و میللی حاقلار بیلیرسینیز؟
- حاق و حاقلی، تعطیل گوتوررمی؟
- حاق و حاقلی یا ائوزون حاقلی بیلن بیرئی و توپلوم، حاقی یا حاقلاری ائوچون سیلاحلی ساواش حاقی وارمی دیر؟
عدالت
سیزجه عدالت نه دیر؟
- عدالت موطلق بیر قاورام دیرمی؟
- عدالتین ترازیسی نه دیر؟
- عدالتی کیم تعریف ادر؟
- عدالتین ائولچولری نه لردیر؟
- عدالتی نئجه ساغلاماق اولار؟
اخلاق
سیزین تشکیلاتین آنلایئشی اخلاق دان نه دیر؟
- اخلاق قاورامیندان نه لری آنلیرسینیز؟
- سیزین تشکیلات، اخلاقا و اخلاقلیقا اینانیر می؟
- نه لر اخلاق دیر؟
- نه لر اخلاق دئییل؟
- اخلاقلی بیرئی، اخلاقی توپلوم، نه دئمک دیر؟
- موطلق اخلاق وار می دیر؟
- اخلاقلی اولمانی، اخلاقلی یاشامانی، نه یا نه لر پوزار؟
- اخلاق قاورامی، اونملی، قاورام می دیر؟
- اخلاقین توپلومسال دوروملارلا، سیاستله، ائکونومیله، آزادلیقلا، باسقیله، ظولومله، و ...نه ایلگیسی وار؟
حاکیمیّت - دئموکراسی
- سیزین تشکیلاتین باخیشینا اساسن حاکیمیت نه دئمک دیر؟
- سیزین تشکیلاتین باخیشینا گورا حاکیمیت اونملی دیر یا دئمورکراسی و آزادلیق؟
- دئمورکراسی نه دئمک دیر؟
- دئمورکراسی اوچون هانکی شرایئط لازیم دیر؟
- هانکی شرایئط ده دئموکراسینی تعطیل اتمک لازیم گلیر؟
- دونیادا بیر چوخ دئموکراسی اورنکلری وار. سیز نئجه بیر دئموکراسینین طرفداریسینیز؟
- سیزین دوشونجه ده کی دئموکراسیده، ان اونملی وارلیق و ایراده، میللتین ایراده سی دیر یوخسا دوولتین، مجلیسین و قانونون ایراده سی دیر؟
- دئموکراسینین ضامینی کیم دیر یا نه دیر؟
- دئموکراسینین نئجه اولچمک اولار کی دئموکراسی اولسون و دئموکراسی آزاولماسین؟
- سیزین دئموکراسی ده فردین ایراده سی، جمعین ایراده سی، دوولتین ایراده سی، مجلیسین ایراده سی و قانونون ایراده سی آراسیندا هانکیسینا اونم وئریلیر؟ هانکیسی او بیریله رینه اوستون توتولور؟
- دئموکراسی یه قارشی موباریزه ایله نئجه سینیز؟
آزادلیق
آزادلیق نه دیر؟
نه لر آزادلیق حساب اولور، نه لر آزادلیق دئییل؟
آزادلیقی قانونلا، پولیس له، مافیا ایله ازمک ایسته یه بیلرلر، آزادلیقین ضمانتی نه اولمالی دیر؟
آزادلیق کیمین ایرادهسینه و ایسته یینه باغلی اولمالی دیر؟
آزادلیقین سئنیرلارین کیم تعیین ادیر؟
آزادلیقین سرحددی می وار یا سربست بیر آزادلیق دوشونورسونوز؟
Comments
Post a Comment