گونئی آزربایجان میللی آزادلیق جبهه‌سی سورولاری جاوابلیر - بیراینجی بولوم
گونئی آزربایجان میللی آزادلیق جبهه‌سی سورولاری جاوابلیر - بیراینجی بولوم
بو گوندن باشلانان و گلن آلتی گونده داوام ادن "دوشونجه باغی"یندا سایین صادق بئی عیسا بیلی جنابلاری " گونئی آزربایجان میللی آزادلیق جبهه‌سی" مرکزی شورا و قوروجو عوضوو اولاراق ایشتیراک ادیب، سورولاریمیزا جاواب وئره جک دیر.
بو گون، منیم سهویمدن دولایی، بیر ساحات گئج باشلادیق آمما چوخ صمیمی و درین دانیشیقلار آپاردیق.
رسمی و یازیلمیش سورولارین قئراغیندا، اونلاردان چوخ، یازیلمامیش سورولارا جاواب آختاریب، تاپمایا چالیشدیق.
منجه، بو سورولارین هامیسی بیر پارتینین «دوشونجه لری» یا «ایدئولوژیسینین» ایچینده اولمالی دیر. منجه، ایدئولوژی ده، هر بیر پارتی، حرکت یا بیرئی، هر بیر کلمه نی، قاورامی،، قونونو، سورونو، آچیقلامالی دیر.
یونرا دا او دوشونجه لرین بوتونون (ایدئولوژی دئسم) کیتله یه وئرمک دیر تا کیتله او بیرئیین یا پارتی و حرکتین دوشونجه لری یا ایدولوژی لری ایله تانیش اولسون.
بو اوزدن دیر کی من یوزلر سورونو، حتتا بعضن باشقا باشقا باشلیقلار آلتیندا تیکرا ر تیکرار سورورام تا پارتیلرین دوشونجه لری یا ایدئولوژیلرینین اولوب اولماماسینا همده هر ساحه ده تانیش اولاق.
بیلیرم کی پارتیلرین ان اونملی ایشی، ایدئولوژی یا دوشونجه اورتمک و اونا دایاناراق، حاکمییتی و دوولتین ایداره سیستیمین اله گئچیرمک دیر.
اینانیرام کی اگر گونئی آزربایجان تشکیلاتلارینین بو حاقلاردا بوشلوقلاری اولارسا، اونلاری گئدرمه یه هابئله گونجللشدیرمه یه چالیشاجاقلار. بئله لیک ایله بیر نئچه دوشونجه و ایدئولوژی اورتایا چیخاجاق دیر.
سون ایران سئچگیسی بیزه گوستردی کی گونئی آزربایجانلیلارین و تورکلرین درین و گئنیش دوشونجه و ایستیراتئژی موشکوللری وار.
ایدئولوژینین یوخلوقوندا، ضعیفلیگینده یا توپلوما یانساماماسئندان دولایی، توپلوم، ایران-فارس و فورصتچیلرین اللرینین اویونجاقی اولابیلیر و میللی حرکت آدینا میللتی یولوندان چاشدیرابیلیرلر.
بو ضعفه سون قویمالی و ایدئولوژی اوزرینده داها چوخ و داها جیددی دوشونوب، داشیمالییق. یوخسا هر یئل گلنده، میللتیمیزی بولوب، آپارابیلیر.
آشاغیدا گلنلر، یازیلی سورولاردی آمما یازیلمامیش سورولارین اونمی بونلاردان داها دا چوخ دور.
تشکیلاتلانما سیستیمی
لوطفن، اوزونوزو و تشکیلاتینیزی تانیتدیرین؟
- تشکیلاتینیز هانکی تاریخده و شرطلرده و هانکی قونولارا جاواب وئرمک آماج اساسیندا قورولوب؟
- حیزب و تشکیلاتین آنلامی نه دیر؟
- حیزب و تشکیلاتین ضرورتی نه دیر؟
- حیزب و تشکیلاتین آماجی نه دیر؟
- نئجه تشکیلاتلانماق اولار؟
- سیزین تشکیلات نئجه قورولدو؟ نییه ایستیقلال؟ نییه فئدراال؟ یا نییه ... ؟
- تشکیلاتینیزین پرنسیپلری هانکی لار دیر؟
- هر بیر تشکیلاتین ان اونملی ایشلری نه لر دیر؟
- بیر تشکیلاتی قورماق اوچون اساسلار کی لازیم دیر، نه لردیر؟
- سیزین منصوب اولدوقونوز تشکیلاتین ایداره سیستیمی نئچه مرحله لی دیر؟
- سیزین تشکیلاتین مدرسه سی، اوکولو، تعلیم سیستیمی وارمی؟
- سیزین تشکیلاتین یازیلی ایدئولوژیسی وار می؟
- تشکیلاتینیز مالی اولاراق نئجه تامین اولور؟
- سیز اوزونوزو، آزربایجان پارتی و تشکیلاتلارینین بیرینین لیدئری گوروسونوز یوخسا ائوزونوزو گونئی آزربایجان لیدئری کیمی گوروسونوز؟
- لیدئرلیک حاقدا، نه لر دوشونورسونوز؟
- سیزین اونردیگینیز بایراق، پارتی بایراقی می دیر یوخسا گونئی آزربایجانین سیاسی بایراقی دیرمی؟
- گونئی آزربایجانلیلارا و تورکلره، سیزه و سیاسته ماراقلی اولانلارا، سیزین تشکیلات، تشکیلاتین آماجلارین، ایستک لرین، پئلانلارین و ... اوخویوب، تانیماسی اوچون، هانکی کاناللاری و یوللاری آچمیسینیز؟
- هانکی واسیطه لر و یوللارلا گونئی آزربایجانلیلار ایله گونده لیک علاقه ده سینیز؟
- سیزین تشکیلاتئنیز، اوزون، هارانین، کیملرین و هانکی جوغرافیانین سیاسی تشکیلاتی بیلیر؟
- سیزین اوچون؛ 1- ایران-ایرانلیلار، 2. ایرانداکی تورکلر-آزربایجانلیلار، 3. آزربایجانلیلار، بونلاردان هانکیسی ایستیراتئژیک اونم داشیر و سیاستیزین مرکزینده دیر؟
- سیزین ان اونملی سیاسی ایستیراتئژینیز یا ان اوستون آماجینیز نه لر دیر؟
دوولتلر، دوشمن، دوست و رقیبلر
دوولتلر ایله سیزین تشکیلاتین ایلگیسی، هانکی اوصول اوزه رینه قورقولانیر؟
- دونیا اوزرینده اولان دوولت لره نئجه باخیرسینیز؟
- دوولتلرله اولابیله جک ایلگینیزی نئجه تعریف ادیرسینیز؟
- عجبا سیزین تشکیلات بیر دوولته باغلی دیر می؟
- تشکیلاتلارین هانکی بیر خاریجی دوولته باغلی اولماسینا نئجه باخیرسینیز؟
- تشکیلاتلارین و هر تورلو فعالیت ادنلرین خاریجی ائولکه لردن مالی یاردیم آلمالارینا نئجه یاخینلاشیرسینیز؟
- سیاسی اولاراق هانکی دوولتین سیاستلرینه یاخین سینیز؟
- ایدئولوژیک اولاراق هانکی دوولتین ایدئولوژیسینه یا هانکی ایدئولوژییه یاخین سینیز یا هانکی ایدئولوژینی اوزرینده قورولموسونوز؟
- حوقوقی اولاراق هانکی دوولته یاخین سینیز یا هانکی دوولتی حوقوقی اولگو سئچیرسینیز؟
- سیزین تشکیلات، تورک یا آزربایجان توپلومون ایداره اتمک آماجلا، بیر حقوق سیتیمی تعریف اتمیش می؟
- ایداره سیستیمی اولاراق هانکی دوولتین ایداره سیستیمینه یاخین سینیز؟
- هانکی دولت لره یا میللت لره یاخین اولماقی دوشونورسونوز؟
- هانکی دوولتلری دوشمن تانیرسینیز؟
- هانکی میللت لری و دوولتلری رقیب تانیرسینیز؟
- رقیب دوولت لره قارشی نئجه بیر سیاستلر و ایستیراتئژی لر دوشونورسونوز؟
- دوشمن تانیملادیقینیز دوولت لره قارشی هانکی ایستیراتئژی لر و سیاستلری گوتوره جکسینیز؟
- هانکی دوولت لری و میللت لری، دوست دوولت و میللت تانیرسینیز؟
- هانکی ائوزللیک لرله (خوصوصیات-ویژگی ها) بیر دوولتی دوشمن، او بیریسین دوست و او بیریسین ده رقیب سایئرسینیز؟
- تعریفینیز دوشمن دن، دوستدان و رقیبدن نه لردیر؟
- دوشمن تانیدیقینیز میللت لر و دوولت لرله، تشکیلاتلارلا بیر یئره گلمک ایمکانینیز وارمی دیر؟
- رقیبلرله امکداشلیقا نئجه باخیرسینیز؟
- سیز تشکیلاتدا، گونئی آزربایجانین سیاسی تشکیلاتلارین (ایستیقلالچی، فئدرالچی، ایرانچی، و ... لاری دوشمن گورورسونوز، رقیب یا دوست؟
اساسنامه و دئموکراسی
سیزین تشکیلاتین یازیلی اساسنامه سی وارمی دیر؟
- تشکیلاتین اساسنامه سی علنی دیرمی؟
- سیزین اساسنامه نیز تورکلرین و گونئی آزربایجانلیلارین اوخوماسینا آچیق می دیر؟
- سیزین تشکیلات، ایندیکی آشامادا، دئموکراتیک بیر تشکیلات می دیر؟
- سیزین تشکیلات، دموکراتیک ائولکه و دوولت قورمایا نئجه باخیر؟
- سیزین تشکیلات، دئموکراسینی و دئموکراتیک سیستیمی نئجه تعریف ادیر؟
- سیزجه، دئموکراسی سیستیمی گونئی آزربایجانا ،نه زمان گلمه لی دیر یا نئچه مرحله و آشامالی اولمالی دیر؟
- دوشمن لرله ساواش چاغیندا، ایستیقلال آلیب، ایستیقلالی و امنیتی قُروما چاباسی چاغیندا، میللی حاکیمیتی قورماق زامانیندا و میللی حاکمیتی، ایچ و دئش دوشمن لره قارشی مودافیعه اتمک زامانین دا، دئموکراتیک تشکیلات اولمانی دیر؟
- سیز بو زاماندا دئموکراتیک دوولت و سیستیم قورمایا نئجه باخیرسینیز؟
- سیزجه دئموکراسی اونجه لیگی اولمالی دیر یوخسا میللی حاکیمیت؟
- دئموکراسی تعطیل اولابیلرمی؟
- هانکی شرطلر و دوروملاردا دئموکراسی تعطیل اولابیلیر؟
- سیزه گورا، دئموکراسی سیستیم دیر می؟ دوولت دیر می؟ دوشونجه دیر می؟ یاشام طرزی می؟ ایداره یول یونته می می؟
Comments
Post a Comment