آزربایجان میللی دیرنیش تشکیلاتی سورولارا جاواب ویرمه دی
مجید بئی جوادی جنابلاری، «آزربایجان میللی دیرنیش تشکیلاتی» باشکانی اولاراق، ایکی آی یازیلاشمادان سونرا، بیر نئچه ایراد اورتایا قویاراق، سورولارا جاواب وئرمکدن قاچدی.
بو گون و بو ویدئودا، هم جوادی جنابلارینین سوزلرینه و یازلارینا، همده سایین هاشم بئی بیلگین جنابلارینین بیر جانلی یایئندا کی دارتیشمالارینا جاواب وئردیم.
کوچه لره سو سپمیشم دوست گلنده توز اولماسین ائله گلسین ائله گئتسین، آرامیزدا سوز اولماسین
اومارام، جاواد بئی فیکیرین دئییشدیرسین و سورولارا جاواب وئرمه یه چالیشسین. حتتا سورولارا ائوز زامانلاریندا، واختلاری اولاندا، یازیلی، یا سسلی یادا گورونتولو جاواب وئریب، دوشونجه باغینین آپاریجیسی: انصافعلی هدایت-ه گوندرسین لر و آزربایجان سیاسی پارتی لرین دوشونجه لری حزینه سینین زنگینلشمه سینده یئر آلسینلار.
عاینی حالدا، بو پروقرامدان سونرا، حاشم بئی بیلگین جنابلاری ایله اینیستاقرامدا، همده اوز اوزه، گوروشدوک و بو قرارا گلدیک کی جوما ایله شنبه (جوما ائرتسی) یوح، پازار (یکشنبه ) گونوندن جانلی یایئندا قوناقیمیز اولسون و سورولاریمیزا جاواب وئرسین لر. سایقیلاریم ایله دوشونجه باغی انصافعلی هدایت
Comments
Post a Comment