گونئی آزربایجان قورتولوش پارتیسی سورولاری جاوابلیر - بیراینجی بولوم

 گونئی آزربایجان قورتولوش پارتیسی سورولاری جاوابلیر - بیراینجی بولوم

بو گوندن، «گونئی آزربایجان قورتولوش پارتیسی» لیدئری؛ سایین ائلدار بئی قاراداغلی جنابلاری ایله بو پارتینین سیاستلری، دوشونجه لری، تعریف لری، ایدئولوژیسی، فلسفه سی و دونیا گوروشلری ایله تانیش اولمایا چالیشاجایئق.1

 سایین قاراداغلی بیزیم یوزلر سوروموزا جاواب وئره جک دیر. بو سورقو سوواللارین آراسیندان، بیر سیاسی و دونیا گوروشو اورتایا چیخابیلیر.1

اومارام، سیزلرین اوخوماسی و حاللاجلاماسی آردیجا، بو دانیشیقلارین سونوندا، آزربایجانیمیز اوچون یئنی بیر ایدئولوژی و حرکته گتیریجی دوشونجه لر اورتایا چیخسین.1

منجه، بو گونکو دانیشیقدا چوخ اونملی و ایلگینج قونولار اورتایا دوغدو. سایین قاراداغلی جنابلاری چوخ دا سیاستی گوز اونونده توتاراق، بعضی قونولاری و سوزلری پرده آرخاسیندا توتسون، اونلاری بزه ئییب، گوزل گوسترمه چاباسیندا دئییل. بلکه دوشوندویونه دایاناراق، گوردویو دونیانین رسمینه باشلامیش دیر.1

بو گونکو بیر چوخ قونولارین، منیم اوچون تازالیقی وار ایدی.1

ائلدار بئی 1955 ده، تبریزده، آناسیندا دونیایا دوغولموش. اورادا درسلرین اوخویاندان سونرا، اونیوئرسیته ده «ایقتیصاد مودوریّتی» اوخوموش. 1979 اینجی «ایران-ایسلام دئوریم»یندن سونرا و عاینی زاماندا، «زهتابی» رحمتلینین سیفاریشی ائوزرینه هم «توده" و شورویچی پارتینین عوضوو اولموش، همده «آزربایجان موستقیل دئموکرات فیرقه سی" نین عوضوو اولموش کی پورفسور ذهتابی جنابلارینین باشکانلیقی ایله قورولموش. سونرا، همن پارتینین «آزربایجان جاوانلاری دئموکرات داغچیلاری» قوروپوندا چالیشمیش دیر.1

گل زامان - گئت زامان، 1986 «آزربایجان ایستیقلال شوراسی» آدلی بیر تشکیلاتی قورموشلار کی بیر زامان سونرا «آزربایجان آزادلیق جبهه سی» آدین آلمیش. سونرا بیر نئچه یولداش اولاراق، قرار وئرمیشلر کی ایکیسی رقیب کیمی گورونسه لرده، بیریسی «ایستیقلاچی» و اوبیریسشی ایسه «فئدرالچی» سیاستین آپاراراق، سیاسی پارتی یاراتسینلار. حتتا بئله بیر قرارا گلمیشلر کی بیر بیرلرینه دانیشمانلیق وئرسین لر تا آزربایجاندا کی سیاسی حرکاتی کونترول آلتیندا ساخلاسین لار.1

 سون دفعه زینداندان آزاد اولاندان سونرا، وطنی ترک اتمک زوروندا قالمیش. قوربتده «آزربایجان گونئی تشکیلاتی»ن، یولا سالمیشلار. بیز زامان سونرا، اونون آدین «آزربایجان قورتولوش تشکیلاتی» قویموشلار و گونئی آزربایجانین ایستیقلالین، یئنی تشکیلاتا اساس آلمیشلار.1

سورولاری آشاغیدا اوخویابیلیر و چاوابلارلا بیرلیکده ویدئدودا ایزله یه بیلیرسینیز.

تشکیلاتلانما سیستیمی 

لوطفن، اوزونوزو و تشکیلاتینیزی تانیتدیرین؟

1. تشکیلاتینیز هانکی تاریخده و شرطلرده و هانکی قونولارا جاواب وئرمک آماج اساسیندا قورولوب؟
2.  حیزب و تشکیلاتین آنلامی نه دیر؟ 
3. حیزب و تشکیلاتین ضرورتی نه دیر؟ 
4. حیزب و تشکیلاتین آماجی نه دیر؟
5.  نئجه تشکیلاتلانماق اولار؟
6.  سیزین تشکیلات نئجه قورولدو؟  نییه ایستیقلال؟ نییه فئدراال؟ یا نییه ... ؟ 
7. تشکیلاتینیزین پرنسیپلری هانکی لار دیر؟
8. هر بیر تشکیلاتین ان اونملی ایشلری نه لر دیر؟ 
9. بیر تشکیلاتی قورماق اوچون اساسلار کی لازیم دیر، نه لردیر؟
10.  سیزین منصوب اولدوقونوز تشکیلاتین ایداره سیستیمی نئچه مرحله لی دیر؟ 
11. سیزین تشکیلاتین مدرسه سی، اوکولو، تعلیم سیستیمی وارمی؟ 
12. سیزین تشکیلاتین یازیلی ایدئولوژیسی وار می؟
13.  تشکیلاتینیز مالی اولاراق نئجه تامین اولور؟ 
14.  سیز اوزونوزو، آزربایجان پارتی و تشکیلاتلارینین بیرینین لیدئری گوروسونوز یوخسا ائوزونوزو گونئی آزربایجان لیدئری کیمی گوروسونوز؟
15.  لیدئرلیک حاقدا، نه لر دوشونورسونوز؟
16.  سیزین اونردیگینیز بایراق، پارتی بایراقی می دیر یوخسا گونئی آزربایجانین سیاسی بایراقی دیرمی؟
17.  گونئی آزربایجانلیلارا و تورکلره، سیزه و سیاسته ماراقلی اولانلارا، سیزین تشکیلات، تشکیلاتین آماجلارین، ایستک لرین، پئلانلارین و ... اوخویوب، تانیماسی اوچون، هانکی کاناللاری و یوللاری آچمیسینیز؟
18.  هانکی واسیطه لر و یوللارلا گونئی آزربایجانلیلار ایله گونده لیک علاقه ده سینیز؟
19.  سیزین تشکیلاتئنیز، اوزون، هارانین، کیملرین و هانکی جوغرافیانین سیاسی تشکیلاتی بیلیر؟
20.  سیزین اوچون؛ 1- ایران-ایرانلیلار، 2. ایرانداکی تورکلر-آزربایجانلیلار، 3. آزربایجانلیلار، بونلاردان هانکیسی ایستیراتئژیک اونم داشیر و سیاستیزین مرکزینده دیر؟ 
21. سیزین ان اونملی سیاسی ایستیراتئژینیز یا ان اوستون آماجینیز نه لر دیر؟ 

دوولتلر، دوشمن، دوست و رقیبلر 

دوولتلر ایله سیزین تشکیلاتین ایلگیسی، هانکی اوصول اوزه رینه قورقولانیر؟ 

1. دونیا اوزرینده اولان دوولت لره نئجه باخیرسینیز؟ 
2. دوولتلرله اولابیله جک ایلگینیزی نئجه تعریف ادیرسینیز؟
3.  عجبا سیزین تشکیلات بیر دوولته باغلی دیر می؟
4.  تشکیلاتلارین هانکی بیر خاریجی دوولته باغلی اولماسینا نئجه باخیرسینیز؟
5.  تشکیلاتلارین و هر تورلو فعالیت ادنلرین خاریجی ائولکه لردن مالی یاردیم آلمالارینا نئجه یاخینلاشیرسینیز؟ 
6.  سیاسی اولاراق هانکی دوولتین سیاستلرینه یاخین سینیز؟
7.  ایدئولوژیک اولاراق هانکی دوولتین ایدئولوژیسینه یا هانکی ایدئولوژییه یاخین سینیز یا هانکی ایدئولوژینی اوزرینده قورولموسونوز؟
8.  حوقوقی اولاراق هانکی دوولته یاخین سینیز یا هانکی دوولتی حوقوقی اولگو سئچیرسینیز؟
9.  سیزین تشکیلات، تورک یا آزربایجان توپلومون ایداره اتمک آماجلا، بیر حقوق سیتیمی تعریف اتمیش می؟
10.  ایداره سیستیمی اولاراق هانکی دوولتین ایداره سیستیمینه یاخین سینیز؟
11.  هانکی دولت لره یا میللت لره یاخین اولماقی دوشونورسونوز؟
12.  هانکی دوولتلری دوشمن تانیرسینیز؟
13.  هانکی میللت لری و دوولتلری رقیب تانیرسینیز؟
14.  رقیب دوولت لره قارشی نئجه بیر سیاستلر و ایستیراتئژی لر دوشونورسونوز؟
15.  دوشمن تانیملادیقینیز دوولت لره قارشی هانکی ایستیراتئژی لر و سیاستلری گوتوره جکسینیز؟
16.  هانکی دوولت لری و میللت لری، دوست دوولت و میللت تانیرسینیز؟
17.  هانکی ائوزللیک لرله (خوصوصیات-ویژگی ها) بیر دوولتی دوشمن، او بیریسین دوست و او بیریسین ده رقیب سایئرسینیز؟
18.  تعریفینیز دوشمن دن، دوستدان و رقیبدن نه لردیر؟
19.  دوشمن تانیدیقینیز میللت لر و دوولت لرله، تشکیلاتلارلا بیر یئره گلمک ایمکانینیز وارمی دیر؟
20.  رقیبلرله امکداشلیقا نئجه باخیرسینیز؟
21.  سیز تشکیلاتدا، گونئی آزربایجانین سیاسی تشکیلاتلارین (ایستیقلالچی، فئدرالچی، ایرانچی، و ... لاری دوشمن گورورسونوز، رقیب یا دوست؟ 

اساسنامه و دئموکراسی  

1. سیزین تشکیلاتین یازیلی اساسنامه سی وارمی دیر؟
2. تشکیلاتین اساسنامه سی علنی دیرمی؟ 
3. سیزین اساسنامه نیز تورکلرین و گونئی آزربایجانلیلارین اوخوماسینا آچیق می دیر؟
4. سیزین تشکیلات، ایندیکی آشامادا، دئموکراتیک بیر تشکیلات می دیر؟
5. سیزین تشکیلات، دموکراتیک ائولکه و دوولت قورمایا نئجه باخیر؟
6.  سیزین تشکیلات، دئموکراسینی و دئموکراتیک سیستیمی نئجه تعریف ادیر؟
7.  سیزجه، دئموکراسی سیستیمی گونئی آزربایجانا ،نه زمان گلمه لی دیر یا نئچه مرحله و آشامالی اولمالی دیر؟
8.  دوشمن لرله ساواش چاغیندا، ایستیقلال آلیب، ایستیقلالی و امنیتی قُروما چاباسی چاغیندا، میللی حاکیمیتی قورماق زامانیندا و میللی حاکمیتی، ایچ و دئش دوشمن لره قارشی مودافیعه اتمک زامانین دا، دئموکراتیک تشکیلات اولمانی دیر؟

سایقیلاریملا

دوشونجه باغی

انصافعلی هدایت