آزربایجان مرکز پارتیسی سورولاری جاوابلیر - بیراینجی بولوم

-

 

آزربایجان مرکز پارتیسی سورولاری جاوابلیر - بیراینجی بولوم



گونئی آزربایجان سیاسی پارتیلرین دورداونجسو، «آزربایجان مرکز پارتیسی»، بو گون، انصافعلی هدایت-ین آپاردیقی "دوشونجه باغی"نین قوناغی اولدو.1

بو پارتینین لیدری (باشکانی) سایین «صالح بئی کامرانی» دیر کی عاینی زاماندا «آزنیوز.ت و» آدلی گونئی آزربایجان تی وی سی دیر. بو تی وی، دوشونجه باغینین آپاردیقی پروقراملارین هره سین، هر ایگیرمی دورد ساحاتدا، ایکی کره یایر.1

بوندان دولایی، صالح کامرانی جنابلارینا آیری آیری میننتدارلیقیمی و تشککورلریمی بیلدیریرم.1

صالح بئی «قاراداغ» ماحالینین »اهر» شهرینه یاخین بیر کندیدده آنادان دوغولموش. اهرده تحصیلین آلمیش آمما اونیوئرسیته سین فارس بولگه سینده اولان "شیراز" شهرینین اونیوئرسیته سینده لیسانس و یولسک لیسانس آلمیش. 1

سونرا، تهراندا عدلیّه وکیلی (آووکاتی) اولموش. سونرالار، میللی حرکتده چالیش دیقی ائوچون، دفعه لرجه توتوقلانیب، حبس اولموش. آردیندان وطندن قاچقین دوشمه یه و قاچقین یاشاماق زورلوقوندا قالمیش، اسوئچره یه سیغینمیش. اورادا دا حوقوق ساحه سینده تحصیلنه داوام وئرمیش. ایندی ایسه حوقوق دا دوکتوراسین بیتیرمک ائوزه ره دیر.1

بیر نئچه ایل ائونجه، «آزنیوز تی وی» نی یاراتمایا چالیشمیش و میللی حرکته بیر میدیا قازاندیرمیش. 1

بونون آردیجا، میللی فعاللاردان اولان بیر قوروپ ایله «آزربایجان مرکز پارتیسی» تشکیلاتین یاراتمیش دیر. گورونور کی گونئی آزربایجانین گله جه یی اوچون، ایسوئچره نین ایجتیماعی و سیاسی و حتّی حوقوقی سیستیمین داها موناسیب گورموش.1

سایین کامرانی حوقوق اوزمانی اولاراق، تعریفلرینده، سوز و جومله قورقولاماسیندا دیققتلی گورونور.1

آشاغیداکی سورولاری صالح بئی ایله موباحیثه یه قویدوم آمما سورقولار و جاوابلار، بو سورولارین سئنیرلارین آشدی و باشاق قونولارادا جاواب آختارمایا چالیش دی.1

بو پارتی، ایستیقلال و فئدرال سیستیمینه، تئورئیده، قارشی دئییل. بلکه اونلارین هر ایکیسینده، دستکله مکده دیر. نییه کی، اولوسلار آراسی، رسمییته تانینمیش «حق تعیین سرنوشت» یا "ائوز مقددراتینی تعیین اتمک" حاققینا دایانیر.حتّی ایستیقلالچیلار و فئدرالچیلار ایله امکداشلیق و بیر حرکت اتمه یه داها یاخین بیر فیکیر اورتایا سورور.1

عاینی زاماندا بئله گورونور کی ایستیقلالا داها یاخین بیر دورومدا دیرلار.1

سورولار بونلاردان عیبارت دیرلر:

تشکیلاتلانما سیستیمی

لوطفن، اوزونوزو و تشکیلاتینیزی تانیتدیرین؟
تشکیلاتینیز هانکی تاریخده و شرطلرده و هانکی قونولارا جاواب وئرمک آماج اساسیندا قورولوب؟
حیزب و تشکیلاتین آنلامی نه دیر؟
حیزب و تشکیلاتین ضرورتی نه دیر؟
حیزب و تشکیلاتین آماجی نه دیر؟
نئجه تشکیلاتلانماق اولار؟
سیزین تشکیلات نئجه قورولدو؟ نییه ایستیقلال؟ نییه فئدراال؟ یا نییه ... ؟
تشکیلاتینیزین پرنسیپلری هانکی لار دیر؟
هر بیر تشکیلاتین ان اونملی ایشلری نه لر دیر؟
بیر تشکیلاتی قورماق اوچون اساسلار کی لازیم دیر، نه لردیر؟
سیزین منصوب اولدوقونوز تشکیلاتین ایداره سیستیمی نئچه مرحله لی دیر؟
سیزین تشکیلاتین مدرسه سی، اوکولو، تعلیم سیستیمی وارمی؟
سیزین تشکیلاتین یازیلی ایدئولوژیسی وار می؟
تشکیلاتینیز مالی اولاراق نئجه تامین اولور؟
سیز اوزونوزو، آزربایجان پارتی و تشکیلاتلارینین بیرینین لیدئری گوروسونوز یوخسا ائوزونوزو گونئی آزربایجان لیدئری کیمی گوروسونوز؟
لیدئرلیک حاقدا، نه لر دوشونورسونوز؟
سیزین اونردیگینیز بایراق، پارتی بایراقی می دیر یوخسا گونئی آزربایجانین سیاسی بایراقی دیرمی؟
گونئی آزربایجانلیلارا و تورکلره، سیزه و سیاسته ماراقلی اولانلارا، سیزین تشکیلات، تشکیلاتین آماجلارین، ایستک لرین، پئلانلارین و ... اوخویوب، تانیماسی اوچون، هانکی کاناللاری و یوللاری آچمیسینیز؟
هانکی واسیطه لر و یوللارلا گونئی آزربایجانلیلار ایله گونده لیک علاقه ده سینیز؟
سیزین تشکیلاتئنیز، اوزون، هارانین، کیملرین و هانکی جوغرافیانین سیاسی تشکیلاتی بیلیر؟
سیزین اوچون؛ 1- ایران-ایرانلیلار، 2. ایرانداکی تورکلر-آزربایجانلیلار، 3. آزربایجانلیلار، بونلاردان هانکیسی ایستیراتئژیک اونم داشیر و سیاستیزین مرکزینده دیر؟
سیزین ان اونملی سیاسی ایستیراتئژینیز یا ان اوستون آماجینیز نه لر دیر؟
دوولتلر، دوشمن، دوست و رقیبلر

دوولتلر ایله سیزین تشکیلاتین ایلگیسی، هانکی اوصول اوزه رینه قورقولانیر؟
دونیا اوزرینده اولان دوولت لره نئجه باخیرسینیز؟
دوولتلرله اولابیله جک ایلگینیزی نئجه تعریف ادیرسینیز؟
عجبا سیزین تشکیلات بیر دوولته باغلی دیر می؟
تشکیلاتلارین هانکی بیر خاریجی دوولته باغلی اولماسینا نئجه باخیرسینیز؟
تشکیلاتلارین و هر تورلو فعالیت ادنلرین خاریجی ائولکه لردن مالی یاردیم آلمالارینا نئجه یاخینلاشیرسینیز؟
سیاسی اولاراق هانکی دوولتین سیاستلرینه یاخین سینیز؟
ایدئولوژیک اولاراق هانکی دوولتین ایدئولوژیسینه یا هانکی ایدئولوژییه یاخین سینیز یا هانکی ایدئولوژینی اوزرینده قورولموسونوز؟
حوقوقی اولاراق هانکی دوولته یاخین سینیز یا هانکی دوولتی حوقوقی اولگو سئچیرسینیز؟
سیزین تشکیلات، تورک یا آزربایجان توپلومون ایداره اتمک آماجلا، بیر حقوق سیتیمی تعریف اتمیش می؟
ایداره سیستیمی اولاراق هانکی دوولتین ایداره سیستیمینه یاخین سینیز؟
هانکی دولت لره یا میللت لره یاخین اولماقی دوشونورسونوز؟
هانکی دوولتلری دوشمن تانیرسینیز؟
هانکی میللت لری و دوولتلری رقیب تانیرسینیز؟
رقیب دوولت لره قارشی نئجه بیر سیاستلر و ایستیراتئژی لر دوشونورسونوز؟
دوشمن تانیملادیقینیز دوولت لره قارشی هانکی ایستیراتئژی لر و سیاستلری گوتوره جکسینیز؟
هانکی دوولت لری و میللت لری، دوست دوولت و میللت تانیرسینیز؟
هانکی ائوزللیک لرله (خوصوصیات-ویژگی ها) بیر دوولتی دوشمن، او بیریسین دوست و او بیریسین ده رقیب سایئرسینیز؟
تعریفینیز دوشمن دن، دوستدان و رقیبدن نه لردیر؟
دوشمن تانیدیقینیز میللت لر و دوولت لرله، تشکیلاتلارلا بیر یئره گلمک ایمکانینیز وارمی دیر؟
رقیبلرله امکداشلیقا نئجه باخیرسینیز؟
سیز تشکیلاتدا، گونئی آزربایجانین سیاسی تشکیلاتلارین (ایستیقلالچی، فئدرالچی، ایرانچی، و ... لاری دوشمن گورورسونوز، رقیب یا دوست؟

دوشونجه باغی
انصافعلی هدایت


Comments

Post a Comment