بوراسی کیمین وطنی؟ کیمین یوردو؟
کیملر آلمیش، کیملر قُروموش؛ قانلا، جانلا ...
وطن قُروموش
وئرمیش امانت
نسیلدن نسیله
سون، غئیرتسزلر نسلی
بئیین‌سیزلر نسلی،
ائوزلرین، تاریخ‌لرین، وطن‌لرین، دیللرین دانانلار نسلی،
ائوزلرین ایشه، گوجه، پولا، آدا، حتی سیقارت کولونه ساتانلار نسلی ...
وطنه،
نه قان وئرمیش، نه‌ده جان!
وطنسیز، یوردسوز، ... ایران وطن، جهان وطن اولموش
الینده ایسه بیر آووج وطن یوخ
یوخسول، دیلنچی، آشاغیلانمیش
اُلولر کیمی یاشارمیش توپراق ائوزرینده
جسارتی یوخ وطن دئسین آتا بابالار توپراغینا!
وطنسیزلیگی فخر سایماق
آشاغالیغینا چوکولموش بورونموش نسیل.
بو توپراغا آغلامایین
سیزین گوزیاشیزلا دولماز، قان ایستر قان.
گوز یاشی بهانه‌دیر وطن‌سیزلیگه
البت کی بیریسی آلار الیزدن،
قان وئرر، وطن ادر ائوزونه
توپراغی وطن ادن، یاشام دئییل، قان دیر.
هر توپراغا قان وئریبن ساخلارسان، وطن دیر وطن.
انصافعلی هدایت
تورنتو - کانادا
24.01.2023
No comments:
Post a Comment