تازا، دئییشیک و ترسه‌ فیکیرلر و دوشونجه‌لردن‌ قورخمامالی، سئوینمه‌لی‌ییک

تازا، دئییشیک و ترسه‌ فیکیرلر و دوشونجه‌لردن‌ قورخمامالی، سئوینمه‌لی‌ییک

سعید بی مینایی جنابلاری آدلا شخصله اینترنت ساحه سیده و تازالیقدا تانیش اولموشام. ساوادلی، فیکیرلی، دوشونجه لی، تورکچو و آزربایجانچی گورونور. من، سون گولرد، اونون دقیق نقدلرین، باخیشلارین، کیتابلارا ده ییشیک باخمالارین و ده ییشیک اوخوماقلارین و ده ییشیک دوشونجه له رین، یازئلاریندان اوخورام. گول یازیر. ده ییشیک یازیر. ملی دوشونجه لی گورونور.

یازئلارین و دوشونجه له رین سئویرم. اوخورام. و هردن ده، اوندان یئنی سوزلر اورگه نیرم. بو جور باخان، اوخویان، دوشونن و ... آز اینسانیمیز وار. بونون اوچونده، هردن اونا سسلی مساژ یادا یازی ایله تشککورومو بیلدیریرم. باشاردیقیم قدر چالیشیرام کی اونو داها میللی دوشونجه لر یازماقلارا تشویق ادیم. بیزلر، ایللر بویو تک قالمیشیق. بوجو دوشونور یئنی نسیلیمیز تک قالمامالی دیر. 

اگر یئنی نسیلیمیز،؛ بیزدن اوته یه چئچمزایسه، بیزلر موقللید تیئتیشدیرمیشیک، موحققیق و آراشدیریجی یوخ. بونلان بئیله کی ایمکانی چوخ دور، سعید جنابلاری کیمی چوخ دوستوموز اولسون کی بیزلرین بیر چوخوندان تاثیر آلمامیش اولسونلار. اوندا، نه موتلو بیزه کی یئنی نسلیمیز، بیزدن داها عاغیللی و میللی دوشونجه لی دیرلر.

من سعید بئیین بیر تاریخی فارسجا تحلیلین اوخودوم و اونا فارس دیلینده بیر شیلر یازدیم. طبیعی کی من اوندان فرقیلی دووشونور و بعضن ده، ادبله، معریفتله، دوشونجه ایله، اینجیتمه دن، اونا دئییشیک دوشونجه له ریمی یازیر یا سسله ایله تیرم.

من او یازیمدان شکیل چکیب، موستقیل اولاراق یایدیم. بو یازییا بیر دوستوموز، بیر نقد کیمی یازیب. بللی کی بو دوستوموزدا میللتچی و دوشونجه صاحیبی دیر. من، اونادا تورکجه میزده بیر جاو.اب یازدیم و شکیلین ده سالیب، یایدیم.

ایندی بورادا ایستیرم، منیم سون ایکی یازیمی و بو خانیم دوستوموزون یازیسینین هامیسین یازیب، یاییم.

من، بیر اتینجی سینده، اونون "تبریزلی علی حاقدا" یازدیقی ایکینجی یازیسینا بئیله بیر سوزلر یازدیم:

متشکرم. مقاله تان بسیار عالی است. این، معنی واقعی شستشوی مغزی توسط سیستم حاکم است. آن ها با همین شیوه همه ما را شستشوی مغزی کرده اند تا جایی که افراد کتابخوان جامعه هم از وجود چنان افراد ملی تور (علی تبریزی) در بی خبری مطلق بوده اند و هستند. خود من هم با نام علی تبریزی آشنا بوده ام ولی هیچ وقت با کتاب او آشنا نشده ام و یا به خود جرات نداده ایم تا کتاب و نوشته های چنین افرادی را بخوانیم. شستشوی مغزی با ما کاری کرده است که از نزدیکی به افراد ملی و کتاب هایی که از ما سخن می گویند و مسایل ما تورک ها را مطرح می کنند هم می ترسیم. در عین این که این معنی دقیق شستشوی مغزی است، بیانگر روحیه ملت شکست خورده هم هست.

اینستاقرامداکی بیر دوستوموز، سئودا. ب.7373 تورکجه میزده منه لوطوفده بولوناراق، بئیله بیر سوزلر یازمیش:

هدایت بی بو مینایی بیزیم اسطوره لریمیزه .... س=تارخان و مشروطه چی لر و پیشه وری و بیوک انسانلاریمیزی، تورکچ.لوک و انتقاد آدینان سفسطه الماغینان، تخریب الیر .... بوجور انسانلارین تورونا دوشمیز .... بیز نقد الماغا چوخ قونوموز وار"

بو دوستوموزون چوخ حاققی وار دئسین کی بیزیم نقد اتمک اوچون بیر چوخ موضوعلاریمیز وار. آمما ترسه سوزلر اشیتمه سک، قولاقلاریمیز تاققالاماز. بئینیمیزه شوک گلمز. دئییشیک اوخویوب، دئییشیک باخیب، دئییشیک دوشونمه ریک. بو جور اینسانلار حتی اگر خطا ادسه لر بئله، بویوک نعمت دیرلر. چون بیزه، سوننتی باخماقدا، بیر نشتردیرلر. بیز سوننتی باخیشا عادت اتمیشیک. سوننتی باخیریق. سوننتی گوروروک، سوننتی دوشونوروک و بو سوننتله ری، پانفارسیسم یارادیب، پانفارسیسم ایرلی آپاریب، پانفارسیسمین منافعینه خدمت ادرلر. بو سوننتی باخیشلاردان نئچه قورتارماق اولار؟ ساده جه، فرقی لی و حتتی ضیدلی باخیشلارلا. سعید بی بو فرقیلی باخیشا صاحیب بیریسی دیر.

منیم بو دوستوموزا یازدیقیم جاواب ایسه بئله دیر:

سالاملار سئودا خانیم! دوغروس.،% بو دور کی تانیدیقیمیز و پانفارسلارین و حتی پان روسلارین تانیتدیردیقلاری ضیالی آزربایجانلی اینسانلارین هامیسی تورکله رین منافعی اوچون چالیشمامیشلار. بلکه اونلارین ایچیندن، پیشه وری کیمی بویوک اینساندا تورکچولوکدن و آزربایجانچیلیقدان چوخ، پان ایرانیست (پانفارس) اولوب دور.

اونلاری آراشدیرماق، یئنی نسل له ره گوسته رر کی یول یولاغا نه دیر؟ خطا نه دیر؟ میللت نه دیر؟ میللتچیلیک نه دیر؟ میللی منافع نه دیر؟ میللی منافعیمیز نه دیر؟ آزربایجانلیلارین میللی منافعی نه دیر؟ تورکله رین میللی منافعی نه دیر؟

بیرده کی یئنی فیکیرلر کی بیزیم عادت اتدیگیمیز فیکیرلر ایله فرقیلی دیر، اونلار ایله موخالیفت اتمه مه لی ییک. چونکو بیزلرین هامیسی و هامیمیزین بئینیمیز یئخانمیش. هر نه کی اورگنمیشوخ، اورگه دیبلر، یالان، ترسه و تورکله رین میللی منافعینه ضررلی ایمیش.

هر فیکیر کی بئینیمیزده کی ساختا دیوارلاری ده له، یادا بئینیمیزده کی مضنوعی دیوارلاری یئخماغا باشلایا، گوزل دیر.

گرک کی یئنی و ترسه فیکیرلردن و دوشونجه لردن قورخمایاق، یئنی بیر میللتی یئنی و ترسه دوشونجه لر دوغابیلرلر.

بو یئنی و حتتا بیزه عجیبه قریبه گلن دوشونجه لره بیر نئچه کره باخئب دوشونک.

بیر سورو: اگر پیشه وری نین صلاحییه تی مجلیسده تصویب اولسایدی، (چهره گانلی دا) میللی بیر آزربایجانلییا دونوشه بیلرمی دی؟ یوخسا داها ایتی و باسقیچی (گئچمیشینه تای) بیر پانفارس و پان ایرانیست کیمی داوام ادرمیش؟

علاوه اتمه لییم کی پیشه وری بیزیم اوچون چوخ بویوک و حورکتلی بیر اینساندیر آمما اونون حایاتینا درین باخمالییئق. او، عومرونون بیر اوزون بولومون، فارسچیلیق و ایرانچیلیق یولوندا گئچیرمیش بیر اینسان دیر. حتتا پالانچی رضانین زیندانیندان قورتاراندان سونرا بئله، بیز نئچه ایل تورکچوولوکدن و آزربایجانچیلیقدان اوندا بیر اثر گورموروک. اوندا آزربایجانچلیق سئوگیسی (تورکچولوک یوخ) تبریزدن مجلیسه سئچیلیر آمما مجلیس اونون نوماینده لیک صلاحییه تین رد ادن دن سونرا دیر کی تبریزه دونرکن، آزربایجانچی دونور. 

یعنی بیزله رین بیر چوخو، عکس العملی و ریاکشنری اولاراق، آزربایجانچی اولموشوق. بلکه پیشه وری و چهرگانلی و انصافعلی کیمی انسانلاری سیستیمه آلسایدیرلار، بونلاردا پانفارس و پان ایرانیست اولارمیشلار.

حورمتله

انصافعلی هدایت

تورنتو - کانادا

اون دوققوز (19) جولای 2021

hedayat222@yahoo.com