دوشمنله ساواشی قازانمانین آشامالاری

دوشمنله ساواشی قازانمانین آشامالاری

سوروشدو:

وطن و میللت یولوندا اُلومو شرافتلی و قهرمانجا تانیرسان، آمما ندنسه، وطنه دونوب، ساواشمیرسان؟

یازدیم

بیر ساوشدا قازانماق اوچون، نئچه آشامانی آشمازسان، بوش، یئره کندینی و میللتینی سویقئریما وئررسن.

بو آشامالار، بونلاردان عیبارت دیرلر:

۱.

میللت بیلمه‌لی و اینانمالی دیر کی اونوتوپراقی، وطنی و هر بیرئیین عاغیل گوجو ده، دوشمه‌نین الی ایله ایشغال اولوب.

یعنی ایشغالچی‌نی و دوشمه‌نی تانیمالی دیر.

۲.

هر بیرئی و وطنداشیمیز، وطنین، میللتین و کندی عاغلینین ایشغال اولماسینا اینانمالی دیر.

۳.

اگر میللتدن بیریلری ایشغالی آنلادی، وطنین، میللتین و بئیین‌لریت ایشغال اولماسینا ایناندی، اوندا او بیرئی، بیر دوشونور آیدینا دونوشه‌بیلیر.

۴. 

 بو آشامادا، او دوشونور آیدینین وظیفه‌سی اودلو سیلاحلا ساواشماق دئییل، بلکه اونون ان اونملی ساواشی، باشقا اینسانلاری دا، وطن، میللت و بیرئی‌لرین عاغیل گوجلرینین ایشغالینا آیدینلاتماق و ایناندیرماق دیر.

۵.‌

 سونرا، بو اینانجی، گونلوک یاشامین هبپربیر آنیندا دا یاشاماق لازیم دیر. یوخسا دوغرو و درین اینانمامیش دیر.

۶.

 دوشمه‌نین ایشغالیندا کی عاغلیمیزدا یاراتدیقی یالانلارلا ساواشماق و اونلاری وطنچیلیگه، میللتچیلیگه، آزادلیقا، ایستیقلالا، و … چئویرمک گرکیر.

۷.

وطن و میللتین آزادلیقی و ایستیقلالی، هر بیرئیین و توم توپلومون ایچینده، دین کیمی حورمت و قداست قازانمالی دیر. ان سون حوکمو، دین یوخ، وطن و میللتین چیخارلاری وئرمه‌لی دیر.

۸. 

هر کس، بو حوکمه‌، سورقوسوز، سووالسیز، ایطاعت ادیب، باش اگمه‌لی و امیرلری، سورمادان، یئرینه گتیرمه‌لی دیر.

۹.

 وطن، میللت، آزادلیق و ابستیقلال یولوندا هم اُلمه‌یه همده اُلدورمه‌یه، روحسال و فیزیکسل (بدنسل) حاضیرلانماق گرکیر.

۱۰

 بو آشامادا، هر بیرئی، اُزو بیر لیدر دیر و کندی چئوره‌سینده، وطن و میللت اوغوروندا، جان آلیب، جان ویرمک اوچون، بیر اوردو توپلامالی دیر.

۱۱. 

بو اوردونون ان گرکلی ایشی، یاتانلاری و عاغئل‌لاری ایشغال اولان بیرئی‌لری آیدینلاشدیرماق دیر.

 اونلاری وطن، میللت، آزادلیق و ایستیقلال اوغروندا شرفلی اُلمه‌یه و اُلدورمه‌یه حاضیرلاماق دیر.

۱۲.

 بو آشامادا، دوشمانین یول یونته‌مین، سیاستین، نقشه‌لرین و گیزلی، آیدین اویونلارین، آنلاماق، تانیماق، آنلاتماق گرکلی دیر.

۱۳.

 بو آشامادا، دوشمه‌نین گیزلی مامورلارین، پارالی، پاراسیز جاسوسلارین، ایچیمیزده‌کی ساتقینلاری و … تانیماق، اونلاری اتکیسیز اتمک گرکیر.

۱۴. 

 میللت و توپلوم ایله بیر حالا و دوروما گلمه‌لی و بیرلیک اولمالی دیر کی اگر بیر وطن و میللت عاشیقی، دوشمه‌نه اُلدوروجو ضربه ووروب، قاچیرسا، توم قاپیلار اونون اوزونه آچیلمالی و او ساواشچینی، بیر ائولاد کیمی دوشماندان و دوشمانین ایچیمیزده‌کی جاسوسلاریندان قورومالی و ساخلامالی دیر.

۱۵. 

بو آشامایا دک، میللی و گیزلی دوولتین قوروملاری قورولمالی و گیزلی ساواشا قوشولانلاری یوروتمه‌لی دیر.

 مومکون دور، گیزلی دوولت، ایللر بویو، گیزلی دورومدا یاشامایا زورلانسین. حتتا یوخ کیمی گورونسون. بو،گیزلیلیک زورونلوقو دور.

۱۶.

 بو آشامادا، اوردونون یانی‌سئرا، میللی ثروتلی‌لره، میللی گوجلولره احتیاجیمیز وار کی اونلارین پول و ثروتلری ایله، سیلاحلی اوردو قورالیم.

۱۷. 

منجه، بیزیم توپلومون دوروموندا، بیرئی‌لرین و عاییله‌لرین وار- ماللاریندان گئچمکلری، جاندان گئچمکله‌ریندن داها زور بیر دوروم دور. 

 میللتیمیز، اوزللیکله‌ده ثروتلی، وارلی میللی اینسانلاریمیز، ثروتلری ایله، وطن و میللت اوچون جان آلیب-جان وئرنلری سیلاحلاندیرمایا گیرمه‌لی‌لر‌. میللی ثروت صاحیبل بو ساواشین بیر پارچاسینا چئویرمک زوروندایئق.

۱۸.

 ثروتلی و وارلی میللتچی‌لریمیزی، هم دوشمه‌ندن همده ایچیمیزده کی قئت آنلایئشلی کسیملردن قورومالییق. اونلاری، سولچو، هابئله یانلیش عدالتچی دوشونجه‌لی کسیملردن قوروماق زوروندایئق.

۱۹.

 وطنده یا باشقا ائولکه‌لرده، میلی اوردوموزون کامپلارین یاراتمالی، ساواشین هر ساحه سینده و اوزمانلیق آلانلاریندا، تعلیم‌لر قورولمالی دیر.

۲۰.

 هر کیم، گیزلی دوولتین ویردیگی امیرلری اوزمانلیق آلانلاریندا، ویریلن امیرلری بوینونا آلیب، دوغرو دوزگون یئرینه یئتیرمه‌ای دیر.

۲۱.

 من (انصافعلی هیدایت) بو گونه‌دک گیزلی دوولتچیلیگین امیرلری اوچون باشدان جاندان گئچمیشم و گئچمه‌یه ده حاضیرام.

۲۲.

 منیم اوزمانلیق آلانیم بللی، یاشیم، یاشیم بللی دیر آمما بونلارا باخمایاراق، منه هر نه اویقون گورونورسه و امیر وئریلیرسه، باشلا جانلا امیره باش اگیب، اورکدن، همن امیرلری یئرینه گتیرمک آماجلا چالیشیرام، چالیشارام.

۲۳. 

منیم ایندیکی گوره‌ویم، بیر چوخ میللی دوشونورلره تای، یازماق، دانیشماق، آیدینلاشماق، آیدینلاتماق، دوستو، دوشمانی آنلاماق و آنلاتماق، سیاستلری، ایستیراتئژی‌لری، تاکتیکلری، روحسال ساواشلاری و … آنلاماق و آنلاتماق دیر.

۲۴.

 هر کیم اوز آلانیندا و اوزمانلیقیندا، ساواشدا اولمالی دیر. من ایسه، مین اوچ‌یوز یئتمیش دن سکسن آلتی‌یه قدر، ایچه ریده ساواشمیشام. ایشکنجه اولموشام. حبس اولموشام. قاچماق زوروندا قالمیشام. آمما بیر آن وطن، میللت و دوولتچیلیک اوغوروندا اولان اینانجیمدان و یولومدان دونمه‌میشم. گونئی آزربایجان میللی آزادلیق، ایستیقلال، میللی دوولتچیلیک، میللی حاقلار یولوندا جاندان باشدان گیچمه‌یه حاضیرام.

۲۵.

 وطنه دون! ساواش امری گلیرسه، بیر آن شک اتمه‌دن، امیرلری یئرینه یئتیررم. 

سایقیلاریملا

انصافعلی هیدایت