یوللا یولداشلیق
یوللا یولداشلیق
بورا قارانلیق دیر، قارانلیق
فانیسلار چوخدان آسلانیب،
کیرپیکلرین قئرپیر آتش بوجک‌لری،
دالبادال گوز وورور، دوداق امیر،
اولدوزلار،
اوزاقدا دئییل دئدیکلری کیمی،
بورادا، یاخینیمدا دیر دان اولدوزو،
الینی اوزالتسا، الیمی، توتار قارانلیقدا،
من،
بیر اوپوجوک حسرتینده،
الیندن،
آلوولانیرام، خبرسیز.
دویونجا باخاجایام،
گوزلرین قارا گیله‌سینه،
بو گیجه‌نی.
صاباحا دک گوزلرینین خییالیندا،
جوماجایام ایچینه روحونون،
بیرلشمک زامانی دیر، دورما اوزاقدا،
گل، قارئشاق،
بیر چیچک آچالیم،
یاشام قوخوسون، سئوگی یارانسین، عاشق دوغسون ایچیمیزدن،
یئنیدن، گنجلیگیمیزی یاشایالیم
بیرلشمک‌ده،
بو گئجه، قورتاراجاق، ائشیق باساجاق قارانائقلارین بور بوجاقین،
اود یاندیریب، منی،
سنین قوجاغیدا،
بیر دینچی گوناهکار کیمی دارا آساجاقلار.
من ایسه سنین روحوندا دوغاجایام یئنیدن،
پاییزین سون دوشن یاپراقی،
من سنین گوزلریندن آخان دنیزلرده
بوغولاجایام سن گولرکن.
یولوم ایسه، ایچینده کی سودلو یول،
منیم قالکسیم، سن ایمیش سن،
منه یانلیس یول گوسترمیش‌لر دئمک
نه دن یوز ایل آزدیریلدیم سندن
همده یوز ایل.
سنه،
سنه، بیر گوز قئرپئمی گئچسه‌ده،
منه، اوجسوز بوجاقسیز حپیس.
ایندی،
گیلایه یوخ،
هر اوپوجوکو یاشامام گرکیر،
یوز ایل اُلدویوم اوچون.
من،
بیر یولچولوقا آیاق باسمیشام
منله یولونو بیرلشدیریرمیسین سئودیگیم.
اینصافعلی هیدایت
18 Aug 2024
Comments
Post a Comment