بوزلوقدان گئچیله‌جک
بوزلوقدان گئچیله‌جک
بوراسی،
چوخ گئنیش دیر
توتار،
توم اینسانلاری
اولمازسا،
گوزلری دار آدامجیقلار
بوراسی،
چوخ گئنیش دیر
یاشادار هر کسی
دوغولموشلاری، دوغولاجاقلاری دا
هامییه یئروار
گوزو دارلار قویسالار
بوراسی،
چوخ گئنیش دیر- یاشامالی
آخار چایلاری - چیممه‌لی
الی سیلاحلی قانا باتمیشلار قویسالار
چایلاری‌دا گُل‌لری ده چوخ گینیش دیر
هر کسین اوزمه‌سینه، باشاریرسئنا آچیق دیر
میلیونلارین قاتیللری قویسالار
چایلاریندا،
گئنیش - اوزون گیمیلر سوزور
همده داغ یوخاری
منیم کیمی سودا بوغولانلار اولمازسا
تامارزی قالیر چایلاردان گئچمه‌یه
بُلور عاشیقی عشقی ایله
معشوقه‌نی یاریسی ایله
جسورلار وار، گئچن‌لر وار،
بو آخار دنیزلری
ناققالار قویسالار
بوراسی یام یاشیل
هر کسین سئوینجینه یئروار
قئش، قار، بوز گلیب قویورسا
قئش گلیر اونوموزدن
دوناجاقلار
بو چایلار، بو گُللر، بو یاشیللیقلاردا
دونموش دره‌لر، چایلار، گُللر یول اولاجاق بوتون
گئچه‌جکلر اینانانلار، آیریلیقدان دویانلار، کوسلر
دوشمه‌نه، رقیبه، خایینه اینانمازلارسا
آداملار، جئیرانلار، آیئلار بئله
یول سالاجاقلار
قورخولو سولار، دونوبان یول اولاجاقلار
گئچمک اوچون
هر نه دونورسا، دون آچیلار ایچیندن
یولسوزلوقلاردان،
یول آچار
ناچارلیقدان،
آچار چیخار
قفیلچیلار قوسارلار
بوزلوق، زیندان دئییل
گورن اولورسا
"توم صناعت اونا قارشی" یول آلمیش
جسورلار، فورصتچی‌لر،
دوشموش لر یولا
بوزلوقدان گئچمه‌یه کُچ اتمیش
قالیم قه‌ییم بوزلاری دلیب، بالیق توتار
بوزلاق، یئنی مئیدان دیر
اویناشار سئوگیلر، اوشاقلار،
گولوشلرده پارتلار
قوشولار ایکی‌یه بولونموش
اینسانلار، قورخاقلار، آغاجلاردا
ایکی‌یه بولونموش باجیلار، قارداشلار دا
دوغرو باخارساق
بیزده قاووشاریق قارداشلیقلا
یول کسمه‌یی باجاریرساق.
انیصافعلی هیدایت
23 / اکتوبر / 2024
Comments
Post a Comment