گونئی آزربایجان ایستیقلال پارتیسی سورولاری جاوابلیر - ایکینجی بولوم
صالح بئی ایلدیریم جنابلاری دونندن قالمیش قونونو آچیقلامایا داوام وئردی. بیر اینجی بولومون سونوندا "فئدرالیسم" و هابئله دوکتور ضیاء صدرالاشرافی جنابلارینین بارماق باسدیقی "بیسمارک"دان بیر جومله حاقدا دانیشیق یاریم قالدیقیندان دولایی، آچیقلاماق گتیردی.
فئدرالیسمی رد اتدی و آمریکا، کانادا، هیندوستان کیمی فئدرال سیستیملردن سوزلرینه شاهید گتیردی. اونجا، اگر سیاست ایمکانلارا باغلی اولور ایسه، یبایتده هئش بیر یئنی ایش یئرینه گتیرمک اولماز.
منجه ده، دوغرو دوشونجه دیر. چون، اگر گئچن سکسن اسلده ایستیقلال آلمیش مللتلر ایمانلار داییره سینده داورانیرسالاردی، ایستیقلال آلابیلمه میشلر دی و حالادا ایشغال آلتیندا قالمیشلار. اصلینده، سیاست، ایمکانسیز گورونن یئرلرده، ایمکان یاراتماق و یئنی یوللارین آچیلماسی دیر.
پروقرامدا، منله ایلدیریم جنابلاری آراسیندا سیجاق موباحیثه لرده اوز وئردی آمما اوست اوسته، آشاغی داکی قورولارا و سورولارا جاواب آلدیق.
تشکیلاتینیزین پرنسیپلری هانکی لار دیرهر بیر تشکیلاتین ان اونملی ایشلری نه لر دیر؟
بیر تشکیلاتی قورماق اوچون هانکی اساسلارلازیم دیر؟
سیزین منصوب اولدوقونوز تشکیلاتین ایداره سیستیمی نئچه مرحله لی دیر؟
سیزین تشکیلاتین مدرسه سی، اوکولو، تعلیم سیستیمی وارمی؟
سیزین تشکیلاتین یازیلی ایدئولوژیسی وار می؟
تشکیلاتینیز مالی اولاراق نئجه تامین اولور؟
سیز اوزونوزو، آزربایجان پارتی و تشکیلاتلارینین بیرینین لیدئری گوروسونوز
یوخسا ائوزونوزو گونئی آزربایجان لیدئری کیمی گوروسونوز؟
لیدئرلیک حاقدا، نه لر دوشونورسونوز؟
سیزین اونردیگینیز بایراق، پارتی بایراقی می دیر یوخسا گونئی آزربایجانین سیاسی بایراقی دیرمی؟
گونئی آزربایجانلیلارا، تورکلره، سیزه و سیاسته ماراقلی اولانلارا، سیزین تشکیلات و تشکیلاتین آماجلارین، ایستک لرین، پئلانلارین اوخویوب، تانیماسی اوچون، هانکی کاناللاری و یوللاری آچمیسینیز؟
هانکی واسیطه لر و یوللارلا گونئی آزربایجانلیلار ایله گونده لیک علاقه ده سینیز؟
سیزین تشکیلاتئنیز، اوزون، هارانین، کیملرین و هانکی جوغرافیانین سیاسی تشکیلاتی بیلیر؟
سیزین اوچون؛ 1- "ایران-ایرانلیلار"، 2. "ایرانداکی تورکلر-آزربایجانلیلار"، 3 "آزربایجانلیلار"، بونلاردان هانکیسی ایستیراتئژیک اونم داشیر و سیاستیزین مرکزینده دیر؟
سیزین ان اونملی سیاسی ایستیراتئژینیز یا ان اوستون آماجینیز نه لر دیر؟
دوولتلر، دوشمن، دوست و رقیبلر
دوولتلر ایله سیزین تشکیلاتین ایلگیسی، هانکی اوصول اوزه رینه قورقولانیر؟
دونیا اوزرینده اولان دوولت لره نئجه باخیرسینیز؟
دوولتلرله اولابیله جک ایلگینیزی نئجه تعریف ادیرسینیز؟
عجبا سیزین تشکیلات بیر دوولته باغلی دیر می؟
تشکیلاتلارین هانکی بیر خاریجی دوولته باغلی اولماسینا نئجه باخیرسینیز؟
تشکیلاتلارین و هر تورلو فعالیت ادنلرین، خاریجی ائولکه لردن مالی یاردیم آلمالارینا نئجه یاخینلاشیرسینیز؟
سیاسی اولاراق، هانکی دوولتین سیاستلرینه یاخین سینیز؟
ایدئولوژیک اولاراق، هانکی دوولتین ایدئولوژیسینه یا هانکی ایدئولوژییه یاخین سینیز یا هانکی ایدئولوژینی اوزرینده قورولموسونوز؟
حوقوقی اولاراق هانکی دوولته یاخین سینیز یا هانکی دوولتی حوقوقی اولگو سئچیرسینیز؟
سیزین تشکیلات، تورک یا آزربایجان توپلومون ایداره اتمک آماجلا، بیر حقوق سیتیمی تعریف اتمیش می؟
ایداره سیستیمی اولاراق هانکی دوولتین ایداره سیستیمینه یاخین سینیز؟
هانکی دولت لره یا میللت لره یاخین اولماقی دوشونورسونوز؟
هانکی دوولتلری یا میللت لری دوشمن تانیرسینیز؟
هانکی میللت لری و دوولتلری رقیب تانیرسینیز؟
رقیب دوولت لره قارشی نئجه بیر سیاستلر و ایستیراتئژی لر دوشونورسونوز؟
