گونئی آزربایجان ایستیقلال پارتیسی سورولاری جاوابلیر - بیراینجی بولوم
گونئی آزربایجان ایستیقلال پارتیسی سورولاری جاوابلیر
بیراینجی بولوم
دوشونجه باغی نین (دوشونجه اوتاغینین - اتاق فکر) بیراینجی ایجلاسی "گونئی آزربایجان ایستیقلال پارتی" سوزچوسو؛ سایین صالح بئی ایلدیریم جنابلارینین حوضورو ایله باشلاندی.
بو، بیر اینجی گون ایسه، گلن بئش گونده، هر گون و دالبا دال، ایجلاسلار گئچیریله جک دیر.
هر پارتینین آلتی گون واختی وار کی توم سیاستلرین، ایستیراتئژیلرین، آماجلارین، و دوشونجه لرین آچیق آیدین اورتایا قویسونلار.
بو یونده، صالح بئی ایلدیریم، بیر چوخ قاوراملاری، سوزلری، کلمه لری، تعریف ادیب، پارتیسینین گوزوندن، آچیقلادی. ایستیراتئژیلریندن ده سوز آچ دی.
سایین صالح بئی ایلدیریم جنابلاری، آشاغا دا کی سورولاردان و قونولاردان علاوه داها بیر چوخ قاوراملار و دوشونجه لری حاقدا دا آچیقلامالار اورتایا قویدولار:
حیرب و پارتی نه دیر؟
پارتی نئجه قورولار؟
پارتینین قورولماقینین ضرورتی هاردان گلیر؟
ایستیقلال پارتیسی هانکی ضرورته و هانکی شرایئطه جاواب وئرمک اوچون قورولدو؟
میللتین آنلامی نه دیر؟
میللتچیلیکدن نه دوشونمه لی دیر؟
ایرانین آنلامی نه دیر؟
قیسا زامانلی، اورتا زمانلی و اوزون موددتلی ایستیراتئزیلریز نه دیر؟
آیدین، نه دئمک دیر؟
آیدین کیم یدر؟
میللی آیدین وارمی دیر؟
پان ایرانیستلر ده آدین دیرلامی؟
پان، نه دئمک دیر؟
سیز پان می سینیز؟
پان ایرقچیلیق (نژاد پرستی) دئییل می؟
میلتچی لیک ندیر؟
میللت ایله وطن آراسیندا بیر آیریلیق گوروموسونوز؟
پان آزربایجانیسم و پان تورکیسم ندیر؟
فارسلار و ایرانچیلار طرفیندن وورولان تجزیه طلب ایتهامینا نئجه باخیرسینیز؟
داخلی استعمار یا داخلی استثمار نه دئمک دیر؟
گونئی آذربایجان موستعمیره دیر یوخسا ایشغال آلتیندا دیر؟
گونئی آذربایحان، ایرانین بیر حسه سیدیر؟ یوخسا ایران، آزربایجان و تورک حاکمیتلرینین بیر پارچاسی اولموش دور؟
گلن گونلرده، بو سورولارا و جاوابلارا داوام وئریله جک دیر.
دوستلارین، دوشونورلرین بو ایجلاسلاردا اولمالاری و بو دوشونجه لر حاقدا اوزلرینین انلایئشلارینین یازماسین چوخ ایستیرم.
چون میللتیمیزی و ایران آدلی سیاسی وارلیقدا یاشایان توم میللت لری، یئنی آمما بیر بویوک سیاسی دوشونجه و یارادیجیلیق (ابتکار) دونه مینه گئچیره بیلیر.
سایقیلاریملا
انصافعلی هدایت
Comments
Post a Comment