گونئی آزربایجان ایستیقلال پارتیسی سورولاری جاوابلیر -
سگگیزاینجی بولوم
گورونور، بئله بیر دوشونجه وار کی بو سیاسی وارلیقدا، تورکلرین میللی حرکتی «سوسقونلوق» چاغیندا دیر.1
بیر آیری یوندن، بیر عیدده ایددیعا ادیر لر کی میللی حرکتین «تیئوریسی" یوخ دور یا تیئوری بوشلوقو وار.1
سورو بودور کی، اینسانلاریمیز، بیلگینلریمیز، دوشونورلریمیز کی بو «یوخلوق» و «بوشلوقون» فرقینه چاتمیشلار، تئوریک اولاراق بو یوخلوقو و بوشلوقو تاپمامییشلار می؟
بو یوخلوقو و بوشلوقو نئجه دولدورماق اولار؟
دئمک، توم دوشونورلریمیز، تئوریک اولاراق، بو سورویو جاوابلاماقا چالیشیرلار.1
منه بئله گلیر کی، بلکه یوخلوق و بوشلوق دئدیگیمیز و ایناندیقیمیز، یانلیش بیر آلقی دیر. بلکه بو اینانجین کوکو، بیربیریمیزی تانیماماقدان و تانیمایا چالیشماماقدان قایناقلانیر.1
نییه کی اینانیرام، بیز، میللی فعاللارین بیر چوخوموز، اوروپالی، آمریکالی، یهودی، روس و ... دوشونورلرین و حتتا فارس و ایرانچی دوشونورلرین دوشونجه لرین داها چوخ تانیریق تا اوزوموزدن اولانلارین دوشونجه لرین.1
اصلینده، بو دوروم، ایشغال و سومورگه دن قایناقلانان، قالان و یایقین اولان بیر دوروم، دویوم و دویقو دور.1
ایشغال و سومورگه اینسانی، ائوزونه، ائوزونون دوشونجه سینه، ائوزونون دوشونورلرینین دوشونجه لرینه اینانماق ایسته مز.1
چون ائووزون و ائوزونون توپلومون، چوخ آشاغی گورر. تحقیری و آشاغالیقی یاشیر دا اوندان.1
اونون ائوچونده، ائوزوندن اولانلارین سوزلرین دینله مز. ائشیتمز. گورمز. اوخوماز. نیه؟
چون تحقیر اولوب، آشاغالانیب. اوندان دیر کی ائوزونه، ائوزونونکولره، ائوزوندن اولانلارین دوشونجه لرینه گوونی یوخ دور.اوندان دیر کی اینانمیر کی ائوزوده، ائوزلریده یارادیجی اولابیلیر.1
بوندان دولایی دیر کی توم دونیانین، خوصوصی ایله ده ایشغالچی و ایستعمارچی میللتلرین و دوولتلرین توم تئوری لرین بیلیر. ازبر اولور. آمما حفصه له سی یئتمز کی اوزوندن اولان دوشونورلرین سوزلرینه قولاق وئرسین. دین له سین. اوخوسون. بیلسین. اورگنسین. یایسین. 1
من بو آچییه چاتمیشام و اوزومدن سورورام:1
عجبا بیزیم دوشونوروموز یوخ دورمو؟
عجبا دوشونوروموز وار آمما بیز اونلاری تانیمیریق می؟
عجیا دوشونوروموز وار آما بیز اونلارا اینانمیریق می؟
عجبا دوشمنه، ایشغالچییا، سومورگه چییه داها چوخ اینانیریق می تا اوزوموزونکوله ره؟
عجبا تئوری هاردان چیخار؟
تئوری نه زامان اورتایا چیخار؟
تئورینی کیم چیخاردار؟
هانکی دورملاردا تئوری چیخار؟
بیلیرم کی تئوری اولمازسا، بیر حرکت ده اولماز. بیر دوشونجه ده اورتایا آتیلماز، چیخماز.1
اگر بیر فرقیلی دوشونجه توپلومدا یایقین اولموشسا، اونون آرخاسیندا بیر تئوری یاتمالی دیر.1
اگر بیرعیدده اینسان، بیر یئره توپلانمیشلارسا و بیر سیاسی، حوقوقی، توپلومسال، یاشام و ایداره یول یونته میندن دانیشیرلارسا، یعنی، اورادا بیر تئوری وار. اورادا بیر تئورینی یاشایانلار و یاشادانلار وار.1
آمما ندنسه، من، سن، او، بیز، سیز، اونلار، او فرقیلی دوشونن، فرقیلی یاشایان، فرقیلی داورانان اینسانلاردان، قاچیریق.
نییه قاچیریق؟
نییه اونلاردان قورخوروق؟
کیم بیزی اونلاردان قورخودور؟
بو قورخو کیمین چیخارینا یارارلی یدر؟
نییه و نه دن و هانکی سببلره گورا اونلاری تانیماق ایسته میریک؟
نه دن، اونلاردان، اوزاق دوروروق؟
عاینی حالدا، نئجه ایددیعا ادیریک کی تئوری یوخ دور؟
اگر گونئی ازربایجاندا و آزربایجانلیلار آراسیندا اوندان چوخ سیاسی دوشونجه وار، اگر ایستیقلالا، اگر فدرالیسمه، اگر آزربایجانا، اگر تورک دونیاسینا، اگر ایشغالا، اگرسومورگه یه اینانانلار وارسا، اگر ایرانا، ایرانچیلیقا، فارسچیلیقا، قارشی دورانلار وارسا، دئمک اورادا بیر تئوری لر ده وار.1
اولابیلر تکمیل یا داها آیدین تئوری اورتادا یوخ دور کیمی گورونور آمما بیزیم او توپلوما، او بیرلیگه، او اینسانلارا یاخینلاشمامیزلا، اونلاری تانیمامیزلا، اونلاری اوخومامیزلا، اونلارلا امکداشلیقیمیزلا، و ... اولان اسگیکلیکلر وارسا دا گئدیرمک اولار.1
او گونه دک کی بیز، تئوری آختاریریق آمما او تئورینی ائوز ائویمیزده یوخ، دوشمنین ائوینده، دانیشگاهیندا آختاریریق، او گونه دک، بیز، دوغرو دوزگون بیر وطنچی، میللتچی، ایستیقلالچی و ... دئییلیک.1
بو دورومدا، وظیفه میز بو دور کی اوزوموزه ایناناق. اوزوموزه دونک. اوزوموزون، آزینا، دویاق.1
چون، اوزوموزون آزیمیز، بیزیم خیلاص و قورتولوش یولوموز دور. دوشمنین چوخو ایسه، بیزیم، زینجیرلنمه میزین یولو دور.1
اگر ایستیقلالچیلار بیر نئچه قوروپ و تشکیلاتلارسا، دئمک، دوشونجه لر، گوردویوموزدن داها درین دیر. دوشونجه لر، داها فرقیلی دیرلر. دوشونجه لر داها زنگین دیرلر.1
دئمک کی اورادا، تئوریلر وار. فرقیلی تئوری لر اولدوقوندان، بو ظاهرده گورونن آیریلیقلار گورونور. 1
دئمک کی تئوری لر بیر بیرلری ایله توققوشورلار. گوله شیرلر. یاریشیرلار. 1
بو تئوریلردن بیری یا بیر نئچه سی داها گوجلو اولوب، شراییطه گورا، ایمکانلارا گورا، یاردیملارا اساسن، اوسته چیخاجاق.
آمما بو تئوریلرین اساسیندا، نه اوتورور؟
اونلاری تانیماق. اونلارلا یول بیر اولماق. اونلارلا امکداشلیق. اونلارلا ال اله وئریب، هر بیر گورونمز یول یونته می، آیدانلاشدیرماق. تئوریلری شفاف اتمک و ... لازیم دیر.1
بو سئری دانیشیقلاردا، گونئی آزربایجان پارتی لرین سیاسال، ایستیراتئژیک، حوقوقسال، توپلومسل، ایداره سال، خریطه سل، و ... دوشونجه لری ایله، یول یونتم لری ایله، فلسفه لری ایله یا همن تئوری لری ایله تانیش اولمایا چالیشیریق. تانیش اولاجاییق.1
سونوج نه اولمالی؟
منجه، سونوج دا، بیز، ائوز اینسانلاریمیزلا، تشکیلاتلاریمیزلا، دوشونورلریمیز ایله، چالیشقانلاریمیزلا، تشکیلاتلاریمیزلا و ... باریشمالی و دوشمنین تله سیندن قورتارمامیز لازیم اولاجاقدیر.1
سایقیلاریملا
انصافعلی هدایت
No comments:
Post a Comment