گونئی آزربایجان ایستیقلال پارتیسی سورولاری جاوابلیر - دوققوزاینجی بولوم

 گونئی آزربایجان ایستیقلال پارتیسی سورولاری جاوابلیر -  دوققوزاینجی بولوم

سایین صالح بئی ایلدیریم، پارتی سوزجوسو (لیدیری) اولاراق، قیمیتلی واختین قویوب، آلتی جلسه، حوضورو ایله  «دوشونجه باغی» اوتاقی و انصافعلی هدایت-ین سورولارینا جاواب وئرمیش دیر آمما چوخ بویوکلوک ایله، قالان یوزلر سورولارا، واخت بولدوقجا، ائوز خلوتینده ن کسیب، یا ایش یئزی و زامانیندا، سسلی جاواب وئریبن، منه لوطف ادیر. منده او سسلری بیر ویدئو شکلینه سالمایا جهد ادیب، آزربایجان و تورک دوشونجه اهالیسینه تقدیم ادیرم.1

بو ویدئودا، منیم و صالح ایلدیریم جنابلارینین  ویدوئوسو، سس سیز اولاجاق دیر. یانی سس لریمیز، اونجه کی ویدئولارین اوزینده میندیریلیب دیر. سس اوریجینال آمما گورونتولر اسکی دیرلر.1

بو ویدئودا دا، بیر چوخ مسئله لره، گونئی آزربایجان ایستیقلال پارتیسی دوشونجه سی، فلسفه سی، ایدئولوژیسی طرفیدن بارماق قویولوب و ذهینلری آچماقا چالیشیلیب دیر. بونلان بئله، من (انصافعلی هدایت ائوچون) داها چوخ سورولار اورتایا گتیریبدیر کی اومارام گلن زامانلاردا، فورصت بولوب، اونلارا جاواب آلمایا چالیشیم.1

اولابیلر کی بو دوشونجه لرین بعضی لری ایله من یا سیز عالیجنابلار و خانیملار یولبیر اولمییاق یا اولمایاسینیز آمما منیم و سیزین بئینیمیزده، یئنی سورولارین و دوشونجه لرین چاخماقین چکیر و بیزیم دوشونجه لریمیزین دوراقلیقیندا طوفان یارادیر.1

منجه، بیز آنلایابیلیر و گوروروک کی میللی حرکت ده تئوریلر وار. چالیشمالار دا وار. یانی آزربایجانلی تورکلر و سیاسی وارلیق اولان ایراندا، تورکلرین حرکتی، برهوتدا، چولده، کویرده، یوخلوقدا و پوچلوقدا یول یورومور.1

سیزلرین دوشونجه نیزی و نقد گوجونوزو، بو دانیشیقین دینله مه سینه، نقدینه و تکمیللشدیرمه سینه چاغیریرام.1

سایقیلاریم ایله

دوشونجه باغی آپاریجی سی

انصافعلی هدایت