سیاسی آزربایجانچیلیق و میللتچیلیق درسلری
سیاسی آزربایجانچیلیق و میللتچیلیق درسلری
من، هر گون، تبریز واختی ایله آخشام، ساحات دوقّوزدان تا اون‌ایکییه دک، اینستاگرام‌دا، درین سیاسی-فلسفی-حوقوقی و توپلومسال موباحیثه‌لر آپاریرام.
اگر میللتچی سینیزسه، سیزین بو سئری موباحیثه‌لری، درس کیمی قولاق گورمه‌نیزی و دوشونمه‌نیزی ریجا ادیرم.
بو ویدئولار و موباحیثه‌لر، گونئی آزربایجان و مصنوعی ایران حاقدا، ان درین دوشونجه و سیاستلری آراشدیریر کی ایران آدلانان سیاسی وارلیقین، آزربایجان، هابئله تورکلرین سیاسی، حوقوقی، توپلومسال گله‌جگین و وارلیقین موباحیثه ادیرلر.
اگر دوغرودان سیاسته ماراقلی‌سینیز، سیاستی اوخوماق و دوشونمک ایستیرسینیز یا سیاستی ایش کیمی گورورسونوز، بو سئری سیاسی درسلری الدن وئرمئیین.
منجه، بو درسلرین هرسی، دانیشگاه اولچوسو ایله، ایکی واحید سیاست درسیندن، داها درین، داها قیمتلی دیر.
منجه، اگر بیر گونئی آزربایجانلی و جعلی ایراندا یاشایان بیر تورک ایستیرسه دوغرودان میللتچی و وطن سئور اولسون یا میللی قونولاری، میللی حرکتین قونولارین دوشونسون، گورسون، میللی قاوراملاری آنلاسین، بو سئری دانیشیقلاری اشیتمه‌لی و گورمه‌لیدیر.
یوخسا میللی قونولار حاقدا بو قدر چوخ درین و فرقیلی سوز-صوحبتلری الدن ویریر و بیر چوخ ساحه ده ساوادسیز قالیر.
سایقیلاریملا
انصافعلی هدایت
Comments
Post a Comment