گونئی آزربایجان ایستیقلال پارتیسی سورولاری جاوابلیر - آلتینجی بولوم
گونئی آزربایجان ایستیقلال پارتیسی سورولاری جاوابلیر - آلتینجی بولوم
دوشونجه باغی فیکیر و دوشونجه اوتاقینین "گونئی آزربایجان ایستیقلال پارتیسی سوزجوسو ایله اولار گوروشوموزون سون بولومونه چاتدیق. بلیرلندیییمیز کیمی، گونئی آزربایجان سیاسی پارتیلرین هر بیرینه آلتی گون فورصت تانیمیشیق کی بیزیم بئش یوزه یاخین سورولاریکیزا جانلی یایئندا جاواب وئرسین لر.
صالح بئی ایلدیریم جنابلاری بو آلتی گونده بیر چوخ سورویا جاواب وئردیلر آمما سورولارین آلتمیش بئش فایئزی، واختین آز اولدوقوندان دولایی جاوابسیز قالدی.
ایلدیریم جنابلاری ایله بو قرارا یئتیشدیک کی قالان سورولار حاقدا، گونئی آزربایجان ایستیقلال پارتیسینین دوشونجه لرین یازیلی، سسلی یادا ویدیو شکلینده حاضیرلایئب، زامان ایچینده بیزه وئرسینلر تا بو بولومو تکمیل اده بیلک.
گونئی آزربایجان ایستیقلال پارتیسی سورولاری جاوابلیر و اونون سایقیلی سوجوسونون حوضوروندان، درین شوکرانلاریمی بیلدیریرم
آزادلیق حاقداکی سورولارین داوامی:
اگر بیرئی لر و قوروملار یا ان.جی.او لار فیکیر و دوشونجه لرین یایماق ایمکانینا صاحیب اولمازسالار، آزادلیقین هانکی آنلامی قالار؟
آزادلیقدان فایدالانماق ائوچون، نه جور ایمکانلار یارانمالی دیر، بو ایمکانلاری کیم یا هانکی قووه یاراتمالی دیر؟
عجبا هر جور دوشونجه نین یارانماسی و یایئلماسی آزادلیقین ایچینده یئر آلارمی؟ (تئرور، شوریش، عوصیان، و ...)
آزادلیقین بیر باشی توهینه، بیر باشی ایسه ایفشاگرلیقا گئدیر. آزادلیقی نئجه اورتادا ساخلاماق اولار کی ایستیبداد و دیکتاتورلوقا گئچمه سین؟
دوغرودان و حقیقی آزادلیق وار؟ او حالدا کی بیرئیلرین و اینسانلارین حاقین آلیب، دوولته ویریرلر؟
دوولت
سیزین تشکیلاتا گورا دولت نه دیر؟
دوولتین ایشی هاردان باشلار، هاراجان گئدر؟
دوولت انحیصارچی و تک الچی دیر. دوولتین تک الچی یاله نئجه موقابیله اتمک اولار؟
نورمالدا، دوولتین قوروملاری، احتیاج دویدوقلاری قانونلاری یازیب، حاضیرلیرلار و مجلیس اونلاری بیر آز اویوز بویوز تصویب ادیر. یعنی مجلیس دوولتین الینین آچار و گیلیدی دیر می؟
دوولتی کیم یا کیم لر قورار؟
دوولتی کیملر کونترول اده بیلیر؟
دوولتین کونترولو میللی گوونه و میللی چئخارلارا ضرروئره بیلیرمی؟
دوولتین خدمه لرین، هانکی سویّه یه دک میللت سئچمه لی دیر؟
عجبا میللت دوولتین مودورلرین ده سئچمه لی دیر می؟ یوخسا اونلاری پارلیمان سئچمه لی، یوخسا پارلیمان عوضولریندن دوولتین خده مه سی سئچیلمه لی دیر؟
دولت ایله حاکیمیتین فرقی نه لر دیر؟
دوولتی نه زامان قورماق اولار؟
عجبا وطن ایشغالدا اولورسا، یا دوولت میللتین ایراده سینه، حوقوقونا، ایسته یینه و ... یوخ دئییرسه، میللتین دوولت قورما حاقی می وار؟
دوولت، مجلیس و عدلییه نی بیر گوروسونوز یوخسا آیری آیری گورمه لی دیر؟
سیزجه، نه دن سورگونده اولان اینسانلار و تشکیلاتلار، سورگونده میللی و گئچیجی دوولت قورماقدان عاجیزلر؟
عجبا ایران آدلی دوولتین گیزلی و پوللو آداملاری، میللتین بو ایراده سینه مانع دئییل لرمی؟
عجبا، سورگونده یاشایان میللتلر آراسیندا دوشونجه، آنلایئش و ایراده قئط لیقی حاکیم دیر و هله ده بو اینسانلار و میللت لر صغیر دیرلرمی؟
سورولاری سونان
انصافعلی هدایت
Comments
Post a Comment