قورخو؛ یاشام دیر یوخسا دویغو دور؟

 

قورخو؛ یاشام دیر یوخسا دویغو دور؟

تورکجه ده "قورخو"، "اوشنمک"، "چکینمک"،هابئله "دیسکینمک" و ... بونلار تای سوزلر وار. بونلارین بیر پاراسی گئچیجی، بیر پاراسی احتیاط و بیریده یاشام یول یونتمی دیر.

دیسکینمک ده، هوشون باشین باشقا بیر شئی ایله قاتئشیق دیر. بیردن و خاپاخاپدان بیر شئی یا بیر سس سنی دیسکیندیریر. بیردن بیره، اونو قارشیندا گوروسن یا سسی اشیدیرسن. سنی بوروین دوشونجه یا خئیرتدن آمما چوخ خیزلا چیخیب، اوروما دونورسن. حتتا بدنینی، آنی بیر دونوش، قالخیش، دا اولور. دیسکینمک، همن، او سسی یا قارشیدندا کین گورر گورمز گئچیر. اولابیلر چکینمه یه، اوشنمه یه یادا قورخویا دونوشسون.

قورخولار:

قورخو بیرئی سل

قورخو توپلومسال،

گئچیجی قورخو

قالارقی و داواملی قورخو

جان قورخوسو

ناموس قورخوسو

ائولاد و عاییله قورخوسو

مال قورخوسو

اقربا و توپلوم قورخوسو

کیم دن قورخور؟

دوشمندن

ائوز توپلوموندان آتیلماقدان

موجازات اولماقدان

یئنی تجروبه لردن

دین موجازاتیندان

گوزدن دوشمک دن

گله جکدن

بللی اولمایان موجازاتلاردان

ذهن یارادان یارادیقلاردان

قورخونون سونوجلاری نه اولابیلیر؟

قورخو یاشام طرزینه دونه رسه

دوشونجه و دوشونجه گوجو اُلر

جسارت اورتادان قارخار

ریسک اتمک و ریسک آلماق ایسته مز

ایراده پوزولار

ایستک یاتار

آرزولار قئسسالار و کیچیکلشیر

یاشاما اومودو آزالیر

آلتیرناتیو یوللار آرانماز

هر دوشونجه نی، مالی، ایلگیلری گیزلر

گیزلی یاشاما اوز چئویرر

اُلوم کولگه سینده کولگه له نیر، دالدالانیر

اُلومو گوزلور کی هانکی زامان و نئجه عذابلی اذیتلی اولاجاق

ایبتیکار، یارادیجیلیق، دونیانین کشفینه چیخاماز

سفر یا موهاجیرت اده بیلمز

آیاقا قالخیب، ساواشابیلمز

اُلوم وار و حاق دیر، سونوندا هامی اُله جک دییه بیلمز. همده اُلمک ایسته مز.

هر یئردن الی اوزولور ایسه، دوعادان باشقا بیر یول تاپماز

اومودسوز اولدوقوندان، او بیری دونیایا، قیامه تهف آلله ها تاپشیرار

اُزو آیاغا قالخاماز، اوندان همیشه او بیریلری گوزلر کی آیاغا قالخسینلار

داییمن شیکایت، گیلایه، ناله، نیفرین و قارقیش، ان چوخو بو دور کی سویوش وئریر و ایچین ده کی عوقده لرین بوشالدار.

بیر ناجی و نجات وئریجی آختارار

نجات وئریجی عیسا، اون ایکینجی ایمام، یا ... اولابیلیر.

زورو چاتان بیریلری اولورسا، اونلاردان خینچین چیخاردار.

اُز عاییله سی، اقرباسی، همکووشنی همشهریسی و حتتا عاشیق اولدوقونا بئله قان قوسدورار

توهین اتمک، تحقیر اتمک، کوچولتمک، اله سالماق، آد قویماق، اونون یاشام یول یونتمی اولار.

قورخونون کوکو هادا دیر؟

اوزونون خیالیندا قوخونون نئجه لیگی یارادیر.

قورخونو، باشقالاریندان ناغیل و حیکایه لر شکلینده آلیر.

قتل لردن و ایشکنجه لردن حیکایه لر اشیدیر.

قتل لره، ایشکنجه لره شاهید اولور.

اینسانلارین، اُزللیک یاله عاییله عوضولرینین ایشکنجه و قتلینه شاهید اولور.

نوجه و مرثیه لردن اشیدیر.

قتلی عاملاری گورور یا سویقیریم حیکایه لرین اشیدیر.

قورخولو فیلیم لر گورور.