ENSAF

Saturday, January 3, 2026

Friday, January 2, 2026

لوطفن، میللی ایستکلری باغیر!

لوطفن، میللی ایستکلری باغیر!

... قارداش!

اگر ایندی ایچه‌ریده ایستیقلالدان دانیشابیلمیرسیزسه، هیچ اولمازسا فدرالیسم، آنا دیلی، تورکون دیلینین رسمی اولماسیندان دانیشمالی دیر. بونو‌لار کیمی آماجلاری، میللی‌ شوعارلارلا ایستکلره چئویرمه‌لی دیر.

نییه؟ چون، ایران-فارس دوولتی، ان ضعیف‌ گونله‌رینده‌ دیر. اگر میللته‌ تسلیم اولاجاقسا، ایشی ایونومیک ایستکلرله‌ بیتیرمه‌سینلر.

البته‌، بو یازیق‌ پزشکیانی‌ اولدوره‌جکلر.

چون تورک اوغلو تورک پزشکیان، ایران-فارس مافیالارینا ساواش آچیب. بو گوجلو مافیالاردان ان گوجلوسوده، فارس دیلی مافیاسی دیر.

فارس دیلی مافیاسی، بیر ایقنیصادسل-پولسل- سیاسال، بانکسل، تعلیمسال، پروپاقانداسال و ... چوخ گئنیش و قانادلی مافیادیر.

فارس دیلی مافیاسی، ان‌ بویوک مافیالاردان بیری دیر کی اوزونه باغلی، یوزلر کیچیک مافیالاری ییتیشدیریب تا سیاسال ایراندا یاشایان میللت‌لرین مال-پوللارین سورسونلار.

کیچیکلی-بویوکلو بو مافیالار، ایرانین دوولت و خصوصی بولومله‌رینین بودجالارینین‌ یاریدان‌ چوخون‌، اوز آماجلارینین خیدمه‌تینه‌ آلئرلار.

بو بودجالار، ساده جه آموزش و پرورش، وزارت آموزش عالی، وزارت بهداشت، ارشاد و سانسور، عدلیه ایله باغلی سیستیملر، اوردو ایله امنتیه باغلی تشکیلاتلار، فارس دیلین قورویان بنیادلار -سازمانلار، موسسه‌لر، موزه‌لر، کیتابخانالار، چاپخانالار، رادیولار، تیلویزیونلار، روزنامه‌لر، مجله‌لر، فیلیم-سینما، تاتر، موسیقی، کنکور و کنکورلا باغلی لوازیملر، مدرسه ایله باغلی دفتر دستکلر هابیله پالپارتار همیده یئییم گئییملر، ایش‌یئرلری، اوره‌تیملرین‌ تبلیغی (تبلیغ تولیدات) و ...‌ دیییل.

فارس دیلی مافیاسینین ایش وایله چالچاپ آلانی چوخ چوخ گئنیش دیر.

بیزلرین (دیشاریدان باخانلارین) او مافیانین ایش آلانلاریندان‌ آیدین و بوتون بیر گوروشوموز - آنلاییشیمیز یوخ‌دور.

باشقا سوزله، هیش بیر باشقا ایران-فارس مافیالاریندا، فارس دیلی قدر گوج ایله ثروت یوخ‌دور.

بو‌مافیا، هر ایل میلیاردلار دولار میللت‌لرین‌، چتینلیکله‌ قازاندیقلاری‌ ثروتلری‌ ایله عومورلرین، یوزلر باهانه ایله آدلارلا، اونلارین اللریندن چکیب، چیغادیر، آلیرلار.

اونلارین ثروتلرینین غارتینه قارشی، فارس دیلین، او میللتلرله‌ اینسانلارا زورلا باسیرلار.

بو مافیا، اینسانلارا، هیچ بیر ساحه ده، آزادلیق کی یوخ، نفس چکمک اوچون بئله، ان کیچیک هاوا یولو بوراخمیر.

انصافعلی هدایت