من عاشق مزاریام

من عاشق مزاریام

من ،

عاشق مزاری

مقدس بیر مزارام

عاشق لارین مزاری

هئچ عاشقئنا چاتمامیش بیریسی.

ایکی عاشقی

بو 46 ال ده

باس میشدیم بو مزارا

و سنین عاشقین

اوچونجوسو

بو قبریستان دا.

داها ...

عاشیق اولوب

عاشقیما چاتمامادان یورولموشام

داها ...

بو قارانلیق دا

عاشقی قویلاماقدان

یورولموشام

آند ایچیرم ...

بیرده بو مزاریستان دا

داشیماسین قلبیم

بیرینی

ینی مزارا

قلبیم

"یئر یوخدو"

"باغلاندی"

یازسین

و هئش کیمه

"سنی سئویرم"

دئمه سین

آمما ...

گوزلریم باخیرسا

گورورسه گوزه للری

شانسی سیز بیریسی یم

خسته لنسم

عاشیق اولورسام؟

آمان بو باخانلارین الین دن

...

یا من اوللم

یادا اوزومو اولدوررم

بیرده عاشیق اولسام.

اولسم ...

آغیر

سویوخ

داش یا قارا بتون اولماسا

اوستوم

عاشقئما تای

اوستوم ده حتمن بیترجک بیر شئی

نه اولار او بیتگی لر؟

ماراقلی یام گورم

لاله؟

قاران فیل؟

شققه نه؟

ساری، آغ، یاشئل، چوهرایی، ...

هر الوانلی گوللر؟

هر نه بیتیر سه

حتا تیکان

گون و پئتراق کولو

کامئنا

چاتمامئش عاشقلارین

عاشقلاریمین

هزیانلاری دیر

دردی دیر

هیجری دیر ...

اونلارین سسین دینله سن اگر.

نازلیم ...

سنه اولان عاشقمی دا

همن مزاریستانا

مقدس مدفن گاها

و همن بو گون

دفن ادیرم

هم ده اوز الیم

اوز اورگیم له

و سنین ایستگسن اساسئنا

...

هاراا اا ا ا اااااااای ی ی ی ی ی

دردیمی بیلن وارمی؟

بالامی،

ازومو ...

قویلورام

هم ده دیری

جانلی جانلی ...

سئزیلتیسین دینله ییرم آخی

یالوارماسین اشیدیرکن همده

و ...

من ده

و یئنی مزاریم اوستونده

بیر "الفاتحه!"

... بیت ...دی می؟ ...

راحات اولدون مو؟

راحات نفس چک

قورتاردین مندن

و سن بو گوندن گومولدون

بو قبریستاندا

کندی مزارینا

بو مقدس و عاشقلار توپراغین دا

و داها ...

ایکی گئچمیش عاشقیما تای

عمروم ده هئچ بیرده گئتمه دیم اونلارا یاخین

گورمک ایسته مه دیم

اونلاری

چوخ سئودیگیم دن دولایی

و آزاد ادیم اوزومو و اونلاری

و داها ...

بیرده

سنه ساری گلمم

سن ده اونوت منی

منه عاشقین وارمیش سا

بو،

منیم،

اولدور دویوم و ترک اتدی ییم

عاشقلاریملا اولان موعامیلم دیر.

سن و من

بوردا

بو آن دان

بیتدیک

تامام اولدو

تاریخه باتدی

بیزیم عاشق افسانه میز

و تاریخ، شیرین و فرهادی

سنله مندن

سوراغلاماز داها ...

سن بیر مقدس مزاری دا یاتدین

دوستوم.

انصافعلی هدایت

14 May 2012

آشغال داشییرکن یازدیم دونن و بوگون (ماین 15) ساحات 9:56 دا یازیب و ادیت اتمه سین قوتاردیم