بیز، بهادری یارادان فورصتدن داها چوخ فایدالانابیله ریک. چالیشاق، باشقا تورک نوماینده لری و تورک فراکسیونون دا بو یولا گتیرک و بو کیچیک قار توپونو، بویوک شه په یه چئویرک.
پبیز، بیز اولورساق، بو فورصتدن، بیر تاریخی اینقیلاب یارادیب و تاریخی بیر سونوج آلمالییق.
اگر بهادری نین بو ایشینه باشقا نوماینده لری و شهر شورا نامیزدلرینده قوشابیلسک، میللت و وطنیمیزین تاریخی طلب لریندن بیرینی، یئرینه گتیرریک.
دوستلاریم، ایستیراتژیک دوشونک.
ایستیراتژیک عمل ادک.
ایستیراتژیله ری، تاکتیکله ره و قیسسا و کیچیک فیکیرله ریمیزه فدا اتمییک.
روشنفیکری و ضیالیلیقا بنزر سورولار و دوشونجه لری دیله گتیرمک ایله، خالقیمیزی ظفردن و ظفره یورومک و حرکت اتمکدن ساخلامایاق.
بونون اوچون دور کی گرک، میللتیمیزی داها ایره لی آپارماقا و آتتیملاماقا تشجیع و جسارتلندیرک.
همیشه بیز اوزوموز، تاریخی فورصتلری یارادانماریق. بعضی زامانلار، دوشمن لر و بعضی زامانلاردا، بیزدن اولمالاریندا شک اولانلار، فورصتلری یارادارلار، بیز واختی میزی اونلارین نییتلرین آرئدیب، آختارمییاق.
یارادیلان فورصتلردن ان چوخ فایدالانماقی دوشونک!
یاشاسین آزربایجانیمیزین تورک خالقی
No comments:
Post a Comment