سالاملار حئورمتلی دوستوم.
چوخ حئییف اولسون‌کی اللی‌بئس ایل عومرومو فارس
دیلینده ایتیرمیشم.
مدرسه ده، دانیشگاهدا، تکجه بو کیتابدا یازدیغی قه‌در توپلومسال و تاریخسل معلومات آلمامیشدیم.
باشقا طرفدن ایسه، منیم تورکجه‌م، کوچه-بازار
تورکجه‌سی دیر. بیلگیسل تورکجه دئییل. بئله بیر باتلاقدا یاشامیشام.
بیر نئچه گوندور‌کی بیلگی و فلسفه یا
دوشونجه‌لی تورکجه کیتاب اوخوماغا باشلامیشام. چابالیلارم. منه چوخ دادلی‌و سئویملی
گلدی. اوشاقلیق چاغی کیمی، ائویرنمه‌یه چابالیلارم.
بو تجروبه‌دن و منیم بو ده‌نه‌ییمدن، سونوج
آلاراق، منیم، تورکجه اوخویا‌ن-بیلن دوستلاردان، سیاسی، مدنی، تاریخی، توپلومسال،
و ...دوستلاردان بیر ریجام وار.
توم‌دوستلار و بیلگی اولانلار اورتایا
چیحسینلار. بیلگینین هر هانسی مئیدانلاریندا ساوادلاری اولانلار، چاغیریرام کی
گلسین‌لر و تورکجه کیتابلاری، بیلدیکلری آلاندا اوخوسونلار.
بیلیرسیز کی بیر چوخوموز، میللتیمیزی، تورکجه‌نی یازئب اوخوماماقدا گوناهلاندیریریق.
حالبوکی، کیم اونلارا یازماق‌و اوخوماق اویره‌دیب‌دیر؟
کیم میلله‌تین بالالارینا ات وئریب ده، کوفته
ایستیر؟
گلین، تورکجه و علم دیلینده، فلسفه،
تاریخ و توپلومسال و باشقا ساحه‌لرده، کیتاب اوخوماقلا، وطنداشلاریمیزا، دیلداشلاریمیزا،
قانداشلاریمیزا، یول یولداشلاریمیزا و ... تورکجه‌نی، لاتین آلفابئسی ایله، اوخوماغی
و هابئله، اوخویارکن، دریندن دوشونمه‌گی،
یازارین فیکیرینه تسلیم اولماماغی، فیکیر و کیتاب صاحیبیندن تقلیدچی اولماماغی،
هر بیر سوزون دیبین، کوکون بیلدیگیمیز قه‌در آچئب و گوسترمه‌گی و ... پایلاشاق.
بلکی سوسیال شبکه‌لر بیزیم اوچون اونیوئرسیته
اولوب، لیسانس، یوکسک لیسانس و حتتا دوکتورا وئره‌بیلر.
سیزلر نه دوشونورسونوز؟
انصافعلی هدایت
تورنتو - کانادا
اوچ (03) آگوست 2021
hedayat222@yahoo.com
No comments:
Post a Comment