رئژیمی یوخ، میللی فعاللاری محکوم ادن دوحتورلر وار
رئژیمی یوخ، میللی فعاللاری محکوم ادن دوحتورلر وار ایمیش
بیر دوحتور تاپیلیب، مدنی فعاللارین بیرینین دویغو ایله دولو سوزلرینین ایچیندن به "ایغراق" (شیشیرتمه) تاپیب، اونا حمله ادیر کی نییه دییر، فارس رئژیمی طهراندا "خلیج ووروب" آمما آزربایجانین اورمو گولون قورودوب؟
جاواب:
سن، اونون توتولماسین، جسارتین، میللتی، وطنی قوروما چاباسین گورمورسن، بیر جوغرافییا اویزتمنی تک ایمتاحان آلیرسان؟
منه گوره، اونون گنجین، ان اونملی ایشی، اونون میللی فعال اولماسی، رئژیم یاراتدیغی پرابلئمی تانیماسی، پرابلئمی تجروبی اولاراق گوزو ایله گورمه‌سی، رئژیمدن قورخماماسی، اورمو گولونه گئتمه‌سی، گوردوکلرینی دیله گتیرمه‌سی، ایران فارس رئژیمینی هئچه سایئب، بین المیلل سوییه‌ده یاردیم طلبی، گوردوکلرین و دویغولارین ویدئویلا چکیب پایلاشماسی دیر.
علاوه اولاراق، داها اونملیسی، اونون جسارتی دیر.
طبیعی که او، بو ایشین اوستاسی دئییل. سنین کیمی نئچه دوکتورده، مهندیسده، و ... اونون جسارتی وار کی توتوقلانمانی گوزونه آلیب، اورمو گولونه گئدیب، فیلیم چکیب، بو سوزلره تای سوزلری دیلینه گتیرسین؟
اونون دویغولاری ایله موخالیف اولان هر کس ایسه، "یا آللاه!" دئسین و داها یاخشی و داها علمی سوزلر و ویدئولارلا اونه چیخسین. ایراد توتماق راحات دیر. ایش گورسون.
وطنین و میللتین بو دوروموندا، دوکتور اولماق، مهندیس اولماق، ساوادلی اولماق، وطنه و میللته یارارلی اولمازسا، میللی دوشونجه‌یه و میللی ایشه یاراماز.
میللی ایشه و دوشونجه‌یه یاراماق اوچون، جسارت لازم دیر. دردلری بیلمک، گورمک، گوسترمک، یول و چیخیش آختارماق لازم دیر. توتولماقی قبول ادیب، وطن و میللت ائوچون چالیشماق لازیم دیر.
دوحتور! سن، جسارت ائله، رئژیمین اورمو گولو قوروتما سیاستین محکوم ائله، قالان شئیلر پئشکش.
انصافعلی هدایت
Comments
Post a Comment