بئیین موهندیسلیگینه قارشی تورکجه اسکی کیتابلار 283
https://youtube.com/live/W7Mtd9uhAig
Monday, January 26, 2026
Sunday, January 25, 2026
Saturday, January 24, 2026
Satqınlar Birliyi – Millətçilərin Ayrılığı
Satqınlar Birliyi – Millətçilərin Ayrılığı
Salam dostum,
Məqaləni oxudum, çox sevindim.
İllərdir ki, biz bu düşüncələri eyni düşüncələrlə düşünüb, daşıyıb, topluma yükləməyə çalışmışıq və çalışırıq.
İranda yaşayan türklərin ictimai kəsimləri, sənin qeyd etdiyin iki bölümü – can azərbaycançılar və “mərz-pərgövhərçilər”i – ilə məhdudlaşmır; eyni zamanda rejimçi, dinçi, hətta solçu kəsimləri də əhatə edir. Bunları da görməliyik.
Amma heyif ki, ən önəmli və dərin təsiri olan bir kəsimin mövcudluğunu görsək də, onların media və sosial media gücünü yetərincə nəzərə almamışıq.
Bu qrupun sayı 3–4 min nəfər ola bilər, ya da olmaya bilər, amma olduqca güclü hərəkət edirlər. Hətta bəzən milli hərəkatın tanınmış yazarlarından belə daha təsirli görünürlər.
Bu qrup “satqınlar” qrupudur. Onlar özlərinin, vətənlərinin, millətlərinin, türklərin milli maraqlarını; vətənin milli qaynaqlarını; eləcə də bütün tarixi, torpaq və insani dəyərlərimizi İran–Fars dövlətindən aldıqları çox az imkanlar qarşılığında pula satırlar.
Bu qrupun nəzarət nöqtələri İran–Fars dövlətinə bağlı olan gizli və açıq qurumların əlindədir.
Onların 3–4 min nəfər olmasına baxmayın. Onlar bir mərkəzdən idarə olunurlar.
Buna görə də bir ordu kimi mediada və sosial mediada birlikdə, eyni zamanda, müəyyən məqsədlər üzərində hərəkət edib təbliğat aparırlar.
Təəssüflə demək lazımdır ki, bu qrupun birlikdə çıxardığı səs çox güclü görünür. Elə bil ki, millət daxilində bu 3–4 min nəfərlik ordunun səsi milyonlardan daha çox eşidilir.
Onların məqsədi bəllidir.
“Azərbaycan” və “Türk” sözləri ilə bağlı adlar və başlıqlar altında yazır, danışır, xəbərlər, gülməcələr və videolar yayırlar.
Onların iki mərhələli taktikası var.
Birinci mərhələ – gündəlik fəaliyyət
Böhransız günlərdə hər mövzuda yazır, danışır və paylaşırlar. Amma onların qırmızı xətti İran-farsçılıqdır. Buna görə də İrana və iranşçılığa ciddi şəkildə toxunmurlar.
Ara-sıra tənqidə bənzər sözlər də deyə bilirlər. Urmu gölü, kürd məsələsi, adların dəyişdirilməsi və s. mövzulara birbaşa və ya dolayı yolla toxuna bilirlər.
Amma ideoloji xətti keçmirlər.
Rejimə qarşı bu azacıq mövqe göstərmələrinin səbəbi, millət içində nüfuz və hörmət qazanmaqdır. Məqsəd odur ki, əgər bir gün İran–Fars məmləkətinin daxilində və ya ətrafında dərin və geniş böhranlar yaranarsa, onlar “alternativ qüvvə” kimi ortaya çıxa bilsinlər.
İkinci mərhələ – böhran dövrü
Böhran və qarışıqlıq çağlarında bu qrup daha sistemli, daha ordusal şəkildə, rejimçi və iranşçı mövqelərlə önə çıxır.
Onlara verilən əsas əmr dəyişməzdir:
nə bahasına olursa-olsun türk toplumunu susdurmaq, hərəkətsizləşdirmək, qorxutmaq və evlərə qapatmaq;
böhranın dərinləşməsinə və genişlənməsinə imkan verməmək;
rejimə vəziyyəti toparlamaq üçün zaman qazandırmaq.
Bu məqsədlə bir neçə açıq taktika tətbiq edirlər:
A) Pəhləvi qorxusu
“Pəhləvi gəlir”, “Pəhləvidən çox qorxun”, “Pəhləvi çox pisdir” deyərək etirazlardan çəkindirməyə çalışırlar.
“Küçəyə çıxmayın”, “hərəkət etməyin”, “inqilab etməyin” deyirlər.
Onların iddiasına görə, əgər türklər də etirazlara qoşularsa, İran–Fars zəifləyər və Pəhləvilər hakimiyyətə gələr.
Guya türklərin Pəhləviyə qarşı seçimi yoxdur, çarəsizdirlər və Pəhləvini qəbul etməlidirlər.
B) Kürd mövzusu
Türk-kürd qarşıdurması ehtimalı, torpaq məsələləri, kürdlərin silahlı olması qabardılır.
Məqsəd türklərin etirazlarının digər xalqlarla birləşməsinin qarşısını almaqdır.
Kürdlər türklərin ən təhlükəli düşməni kimi təqdim edilir.
“İran–Fars dövləti (hətta Sepah) olmasa, kürdlərin qarşısında kim dayanacaq?” kimi qorxu dolu düşüncələr yayılır.
C) Qorxu və passivlik təlqini
Türk toplumu tutulmaqdan, öldürülməkdən, müharibədən qorxudulur.
“Yaxşı ki, ağıllı azərbaycanlılar ayağa qalxmadı” fikri təlqin edilir.
Beləliklə, etirazların mənasız olduğu düşüncəsi yaradılır.
D) Qoşulmamaq strategiyası
“Azərbaycan heç bir hərəkata qoşulmasın, gözləsin” deyilir.
“Qoy farslar, kürdlər mübarizə aparsın, qalib gəlsələr, biz sonra hərəkət edərik” məntiqi yayılır.
E) Tarixin təhrif edilməsi
Səttarxan, Bağırxan kimi adlar önə çıxarılır, amma
Pişəvəri, Xiyabani və on minlərlə şəhid fədainin adı çəkilmir.
Çünki onlar türkçülük, azərbaycançılıq və müstəqillik ideyalarının daşıyıcılarıdır.
F) Yayındırma siyasəti
Böhran dövrlərində türkcə musiqi, rəqs, dil hüquqları, Urmu gölü mövzuları qabardılır.
Əsas siyasi məqsədlər arxa plana atılır.
Boş ümidlər satılır, qorxu yayılır.
G) “Şəhidlik” təbliğatı
İran uğrunda ölən əsgərlər “Azərbaycan şəhidi”, “Türk şəhidi” kimi təqdim edilir.
Türk toplumunun etiraz potensialı zəiflədilir.
Bu proseslər fonunda milli düşüncəli fəalların vahid mərkəzi və komandanlığı yoxdur.
Halbuki İran–Fars sistemində yaranan böhranlardan istifadə edərək müstəqil Güney Azərbaycan, Güney Türkmənistan və Qaşqayistan dövlətlərini qurmaq tarixi bir imkan ola bilər.
Türklər öz millətlərini və dövlətlərini qorumaq və qurmaq məsuliyyətini daşıyırlar.
Bu məsuliyyəti başqa xalqlardan gözləmək doğru deyil.
Ənsafəli Hidayət
24 yanvar 2026
ساتقینلار بیرلیگی -میللتچیلر آیریلیقی
ساتقینلار بیرلیگی -میللتچیلر آیریلیقی
سالام دوستوم
مقاله نیزی اوخودوم. چوخ سئویندیم.
ایللردیر کی بیزلر، بو دوشونجهلریه تای دوشونجهلری دوشونوب داشئنیب، توپلوما یوکلهمهگه چالیشمئشئق، چالیشیریق.
ایراندا کی تورکلرین توپلوملاری، سیز بویوران ایکی بولوم (جان آزربایجانچیلار و مرز پر گوهرچیلر)ین یانیسئرا رئژیمچی، دینچی، حتتا سولچو کسیملریده ایچینه آلیر.
اونلاریدا گورمهلییک. آمما حایئف اولسون کی ان اونملی هابئله درین اتکیسی اولان بیر کسیمی گورسکده، اونلارین میدیا-سوشیال میدیا گوجلرین گورمهدیم توتوروق، توتموشوق.
بو قوروپون سایی ۳-۴ مين نفر اولا اولمایا آمما چوخ گوجلو حرکت ادیرلر. حتتا میللی حرکتچیلرین یازارلاریندان دا بئله گوجلودولر.
بوقوروپ، "ساتقینلار" قوروپو دور. بونلار، اوزلرین، وطنلرین، میللتلرین، تورکلرین میللی چئخارلارین، وطنین میللی قایناقلارین ... هابئله توم تاریخسل، توپراقسل، اینسانسل وارلیقلاریمیزی، ایران-فارس دوولتیندن آلیدیقلاری بیز آز ایمکانلا پولا ساتیرلار.
بونلارین نوخداسی، ایران-فارس دوولتینه باغلی اولان گیزلین هابئله آشکار قوروملا قورولوشلارین الینده دیر.
بونلارین ۳-۴مین اولمالارینا باخمایین. بونلار، بیر مرکزدن یونهتیلیرلر.
اوندان دولایی، بیر اوردو کیمی میدیادا-سوشیال میدیادا بیرلیکده، بیر زاماندا، بیر بللی آماجلار اوزهرینده حرکت ادیب، تبلیغ ادیرلر.
تاسسوفله بونلارین بیرلیکدهکی سسلری، چوخ گوجلو گورونور. گور چیخیر. میللتیمیزده بو اوردوسال ۳-۴مین نفرین سسین داها چوخ ایشیدیر.
بونلارین آماجی بللی دیر. اونلار، چوخلو "آزربایجان"لا "تورک" سوزلری ایله باغلی آدلارلا باشلیقلارآلتیندا یازیرلار، دانیشیرلار، خبر یایئرلار، گولمهجه، ویدیولار یایئرلار.
بونلارین ایکی آشامالی تاکتیکلری وار. بیری، گوندهلیک دیر. یعنی، بوحرانسیزلیق گونلرده، هر شئی دن یازیرلار، دانیشیر، یائیرلار آمما اونلارین قئرمئزی جیزگیلری ایران-فارساچئلیق اولدوقوندان، ایرانا، ایرانچیلیقا چوخدا توخونمورلار.
البته آرادا برهده نقد، اینتیقاد کیمی سوزلرده آپارابیلیرلر. اورموگولو، کورد مسئلهسی، آدلارین دئییشیلمهسی، .... کیمی قونولارادا موستقیم یادا غیری موستقیم توخونابیلیرلر.
رئژیمه قارشی آزاجیق دورمالاریدا اولسا، میللتیمیزین ایچینده آبئری، حورمت همیده یئر قارانماق اوچون دور کی اگر بیر زامان ایران-فارس ممالیکین ایچهریسینده یادا ایشیگینده درین-گئنیش بوحرانلارلا قارشئلاسیرسا، مئیدانا گیرسینلر.
بونلار، بوحران ایله قارماقاریشیقلیق چاغلاریندا، بونلار، ان سیستیماتیک، اوردوسل، رئژیم همیده ایرانچی توتوملاری ایله اوزه چیخیرلار.
بونلارین آلدیقلاری امیر، هر نهتهر اولور اولسون، میللتی سوسدورماق، حرکتسیز اتمک، قورخوتماق، ائولرده ساخلاماق دیر، بوحرانی درینلشدیرمکدن، گئنیشلشدیرمکدن اوزاق توتماق، رئژیمی بوحرانین ال ایاغین یغماقا زامانلا ایمکان یاراتماق دیر.
بونلارین بیر نیچه اوستو آچیق تاکتیکلهری وار کی بوحران چاغلاریندا اونلاری جامتاییلاریندان چئغادیرلار.
الیف - پهلوی گلیر. پهلوی-دن چوخ قورخون. پهلوی چوخ پیسدیر. اوندان دولایی، اعتیراضلارا قوشولمایین. اونو درین، گئنیش اتمهیین. آائودن ائشیگه چیخمایین. حرکت اتمهیین. اینقیلاب اتمهیین. چون، اگر سیزده اعتیراضلارا قوشولارسیز، ایران-فارس ضعیفلر، اوندا دا پهلویچیلر گلر.
اونلارا گورا، تورکله.رین، پهلویه قارش سئچیملهری یوخ دور. چارهز یوخدور ایللا کی پهلوی-نی قبول اده سیز. پهلویده، پیشه وری چاغیندان داها قددار داوراناجاق.
ب - کورد قونوسو. کوردلرین قونوسو، تورک-کورد اولابیلیر-اولابیلمز ساواشی، کورد-تورک آراسیندا کی توپراق چوزولهبیلیر-چوزولهبیلمز قونولاری، کوردلهرین سیلاحلی اولمالاری ... اورتایا آتئب، اعتیراضلارا آلتیرناتیو یارادیرلار تا اگر تورکلرین اعتیراضلاری اولورسادا، اونلارین گوجلری، باشقا اعتیراضچیلارلا بیرلشمهسین بلکه اعتیراضچی میللتلرین گوجلری آیریلاسینلار، حتتا قارشی دوروب، بیربیرلرینین گوجون آرادان آپارسینلار تا ایران-فارسا نفس ایمکانی یارانشین تا یارانمیش هر بیر ایچ- دئش بوحراندانلاردان باشی اوجا چیخسین.
اونلار، کوردلری ایران-فارسدان داها قورخمالی گوستهریرلر. کوردلری، تورکلرین ان قورخمالی دوشمنی کیمی گوستهریرلر.
اونلارا گورا، ایران-فارس (حتتا سپاه) اولمازسا، "کوردلرین قارشیسیندا کیم دوراجاق" کیمی دوشونجهلری یایارلار.
هر هانکی بیر قونودا کی کوردلرله یاناشی، فارسلار، عربلر، بلوچلار دا اورتایا چئخسالار و ایران-فارسلیقا بوحران یاراتسالار، اونلار، پهلوی قورخوسو، کورد قورخوسو ایله، تورکلری دالی اوتورتمایا چابالارلار.
تاسسوف ایله، میللی فعاللارین بیرلیک مرکزینین اولمادیقیندان، ساتقینلارین چابالاری سونوج وئریر. ایران-فارسلار، ان گوجسوز زامانلاریندا بیله، ایاقدا قالمانی داوام اتدیرهبیلیرلر.
میللی دوشونجهلی یازارلارین بیر مرکزی اولمادیقیندان، بیر گوج مرکزینه باغلی اولمادیقلاریندان دولایی، ههرهسیندن بیر سس چیخیر. اونلارین هرهسی فرقیلی زاماندا، جوربهجور تحلیللرله آماجلارا گورا یازیرلار. حتتا بیربیرلرینین گوجون پوزقونا ایتهلیرلر.
یعنی میللی حرکتلی دوشونجهلیلرده، دارماداغینلیق، قارماقاریشیقلیق گورونور. میللت بیلمیر کی بو قارماقاریشیقلیقدا کیمین یانیندا دورسون. نئجه داورانسین.
دوشمن (ایران-فارسلا ساتقینلار لشگری) بیلیر، ایچینده، جبهه سیندن تکجه بیر سس چیغارتمالی تا کی توپلوما درین، گئنیش اتکی بوراخا بیلسین تا ائلییه بیلسین کی بوحرانی، آز خسارتله ماهار اتسین (نوحرانین ال آیاغین توپلاسین).
ج - ساتقینلار لشگری، داییما تورکلری توتوقلانماقدان، ائولومدن، ساواشماقدان، ائولدورمکدن قورخودورلار.
اونلار، داییما غیری موستقیم اولاراق تورک توپلوموندان سوروشورلار کی پهلوی یا کوردلر میللتی آیاغا قالدیریب، اولومه وئردیرلر، نه اولدو؟
بئلهلیکله ده تورک توپلومونا تلقین ادیرلر؛ نه یاخجی کی "عاغئللی" آزربایجانلیلار (تورکلر) آیاغا قالخئب، پهلوی یا کوردلر اوچون ائولومه گئتمهدیلر.
ساتقینلار تورکلرین ایچینده بو دویغونو یارادیرلار کی؛ بو اعتیراضلار، بو عوصیانلار، بو قانلار نهیه یارادی. اگر بیزده اونلارلا بیر زاماندا آیاقلانسایدیق، باشیمیزا همن موصیبتلر گلردی.
ساتقینلار، همیشه آزربایجانین سوکوتون، حرکتسیزلیگین، قئراخدان باخماسین، قاریشماماسین هابئله ... چوخ تعریف ادیب، عاغئللی داورانیش گوستهریرلر. ایفتیخار اتمهلی کیمی بویوک بیر قونو گوستهریرلر.
ساتقینلار دئمیزلر کی تورکلر، آزربایجانچیلار، ایستیقلالا گیدن یولو هابئله موستقیل و میللی دوولت قورما فورصتین نئجه الدن وئردیلر. دیمیزلر کی قازانان ایران-فارس دوولتی اولدو. اودوزان ایسه تورک میللتی.
چ - ساتقینلار داییما دییرلر کی آزربایجان و تورکلر، تهرانا، فارسا، کورده، ... قوشولمییجک. نییه کی آزربایجان هر دفعه بیر حرکته قوشولوب، شهیدلر وئریب، هئش بیر چئخار الده اتمئییب.
ایندی گرک هئش بیر حرکته قوشولمایا، گوزلویه گوره نه اولور.
ساتقینلار آرتیریرلار؛ فارس، کورد، ... گئتسینلر، قئرئلسینلار. اگر اونلار، ظفر الده ادرلرسه، رئژیم یئخئلارسا، اوندا، بیزده آیاغا قالخئب، ایشیمیزی گورهریک.
س - ساتقینلار داییما "ستارخان"، "باقیرخان"، "باکری" کیمی کیشیلهرین آدلارین سسلندیریرلر. ساتقینلار او آدلاری، آزربایجان میللی قهرمانی کیمی گوستهریرلر.
آمما بیلینمهلیدیر کی ستارخان، باقیرخان، باکری-لره تای آداملار، ایرانچیایمیشلر. ایرانچیلیق یولوندا جاندان باشدان گیچیب، فداکارلیقلار اتمیشلر.
اونلارین توم چابالاری ایرانین گوجلنمهسی، فارسلیقین زوربالانماسئنا سونوجلانمیشدیر.
ساتقینلار، هئش بیر زامان، پیشهوری، خیابانی، ایگیرمی بئش مین آزربایجان اوچون شهید اولان فدایی لردن، اونلار مین فداییلرین دیدرگین دوشملهریندن آد چکمزلر.
چون بو شهیدلرله او مینلر فداییلر، ایستیقلالدان، میللی-موستقیل گونئی آزربایجان، تورک میللتی ایرادهسیندن، تورک میللتی دوولتیندن، تورک دونیاسیندان، تورکیه ایله آزربایجان جومهورلوقلاریندان آد چکمزلر.
ساتقینلار، مینلرجه ایستیقلالچیلاردان کی وطن ایله میللت یولوندا وطندن دیدرگین دوشوبلر، ایستیقلالچی پارتیلردن (حیزبلردن) آد چکیب، اونلاری آزربایحانین میللی قهرمانلاری هابئله میللی اونجوللری کیمی گوسترمزلر.
نییه، چون بونلارین دوشونجهلری، آنلاییشلاری، داورانیشلاری، ایرانچیلیق ایله فارسچیلیق اوچون دئییلده تورکچولوک، آزربایجانچیلیق اوچوندور.
ش - ایران-فارس سیستیملهری بوحرانا دوشرکن، ساتقینلار داها چوخ تورکجه موسیقی، رقص، ... یایارلار. داها چوخ دیل حاققی، اورمو گولو حاققی کیمی قونولارین اوزهرینه توپلانارلار.
بوحران چاغلاریندا، ساتقینلار داها چوخ بعضی ایرانچی، رئژیمچی نومایندهلرین، یا ریژیم باشچیلارینین بیر نئچه تورکجه جوملهلهرین، دالبادالا یایارلار.
ائلهبیل کی میللت تورک دئییل. میللتین دیلی تورکجه دیییل. ایلهبیل کی ایراندا، آزربایجاندا، قشقاییستاندا، گونئی تورکمنستاندا هئش تورکچو، تورک دانیشیب-یازان یوخ دور.
ائیله بیل کی تورک دیلی ایرانین باشاباشیندا رسمی-ایداری دیل اولموش.
ائیله بیل کی میللی دوشونجهلی فعاللار تورکجه یازمیرلار، تورکجه دانیشمیرلار.
ائیله بیل کی تورک میللتی، ایران-فارسچیلارین بیر نئچه جومله تورکجه دانیشمالارینا تامارزیدیرلار.
ساتقینلار، بو تاکتیکلرله هم بعضی ساده تورک کسیملرینده طاماح یارادیرلار، همیده اومود ساتیرلار کی "تئزلیکده تورکو دیلی مدرهسهلرده "ایکی ساحات" درس اوخوناجاق." یا رهبر بیله دئییب، پزشکیان فلان یئرده جسارتله بیر تورکو ضرب المثل دئمیش یادا باکیدا تورکجه دانیشمیش ....
ساتقینلار ایچی بوش اومود ساتیرلار. اومودون یانیندا ایسه، قورخو پالیرلار.
ص- ساتقینلار، بوحران چاغلاریندا، ایرانین مرزلهرین ساوونان، تیرورچو کوردلر قوروپلاری الی ایله ائولنلری، "شهید" ، "آزربایجان شهیدی"، "تورک شهیدی"، "تیرور قوروپلارینا قارشی ساواشان شهید"، ... کیمی خبرلری یایئرلار.
اونلارا گورا، تورک میللتی، ایران اوچون ائولن عسگرلره (اوزللیکله ده تورک اولورسالار) میننت بیلدیرمهلی و اونلارا احترام قویمالیلار. اونلارا گورادا ایران-فارسلارین یانیندا دورمالی دیرلار. اعتیراض اتمهمه لیدیرلر. اعتیراض ادن میللتلرین اعتیراض گوجلرین، گوجلندیرمهمهلیدیرلر
اوردوسال ساتقینلارا قارشی، میللی دوشونجهلی فعاللارین بیرلیگی، بیر فرماندهی (کوماندانلیق) مرکزی یوخ دور کی اونلارا اونجهدن ایستیراتئژی، واختیندا دا تاکتیک، آماج، دوشونجه ایله حرکت یاراتماق اوچون، دوولت قورماق، ایستیقلال آلماق اوچون یول یولاغا گوستهره. تا بو کسیم، بیرگه، ال اله وئریب، ایران-فارس میللتلهرین، اوزللیکله فارس، کورد، عرب، بلوچ و … حرکتلری زامانی بوحرانلاردان فایدالانیب، ایدارهلرین، قوروملارین، قورولوشلارین، وطنین، آزاد ادیب، دوولتین قورسون.
تورکلر ایران-فارسیستاندا یارانان بوحرانلارین ایچینده، موستقیل گونئی آزربایجان، گونئی تورکمنستان، قشقائیستان دوولتین قورسالار، قوروسالار، باغیمسیز مملکت ایله دوولتده پهلویه یئر وئرن اولورسا گلسین. کوردلره یئر وئرن اولورسا گلسینلر. تورکلر اوز میللتلهرین قوروماقا-دوولتلهرین قورمایا مسئولودورلار. باشقا میللتلردن تورکلهره نه.
انصافعلی هدایت
ژانویهٔ 24- 2026
Friday, January 23, 2026
Thursday, January 22, 2026
Wednesday, January 21, 2026
Tuesday, January 20, 2026
Subscribe to:
Comments (Atom)
بئیین موهندیسلیگینه قارشی تورکجه اسکی کیتابلار 293
بئیین موهندیسلیگینه قارشی تورکجه اسکی کیتابلار 293 https://youtube.com/live/u147Qx6Hnkc
-
مهندسی جهل 006 راه خروج از دنیای مهندسی شده جهل چیست؟ در ششمین بخش از سری برنامه " مهندسی جهل" در ایران، درباره چند کتاب که در آ...
-
انصافعلی هدایت؛ روزنامه نگار آزد و مستقل آذربایجانی کانادا – تورنتو hedayat222@yahoo.com 001 – 647 – 740 – 8070 ... -
ان باشدا عاغیللار سیلاحلانمالی اگر کوردلر بیر خاریجی دوولتدن سیلاح آلئرلارسا، بیز نییه آلمایالئم؟ دونیادا، بیر چون میللتلر، دوولتلر حاضی...
