Eyvaz Taha
جنابلاری فیس بوکدا یازئر:
من نیفرت أدبیاتینا قارشییام. گئرچک و یا فرضی دوشمنه یاغدیریلان سؤیوش‌لر عاغیل گؤستریجیسی دئییل، گئری‌قالمیشلیغین علامتی‌دیر. آچیغینی دئییم، واخت وار نه دئمک اؤنملی دئییل، نئجه دئمک اؤنملی‌دیر. دوشمنه قارشی زوراکی بیر دیل‌له دانیشان اؤزنه [فاعل]، دوستا دا رحم ائتمه‌یه‌جک. بدیعی بیر اثر، ایچیمی [مضمونو] ایله دئییل، بیچیمی [فورماسی] ایله اؤلچولمورمو؟ باخمایاراق کی، دوشمنین اؤزو ده آرتیق سرت، بوتؤو و کلاسیک آنلامینی ایتیرمیشدیر.
بو بیچیمین فاجیعه‌وی یؤنو وار. باشقاسینا قارشی نیفرت سؤیلمینی[گفتمانینی] قوللانان کیمسه، اؤزونو راضی سالماغی هر شئیدن اوستون سانیر. بئله کی، سیاسی آماج، اینسان‌لارین موتلولوغو، توپلومون یاخشلیغیا دوغرو دییشدیریلمه‌سی بو نیفرتین کؤلگه‌سینده قالیر. چونکو بئله بیر آدام یئری گلدیکده اؤز فیکیرداشینی دا نیفرت سؤیلمی‌نین بورولغانینا سوروک‌له‌یه‌جک. چونکو او، همیشه اؤزونو خئیر اؤلچوسو کیمی گؤرور، باشقاسینی ایسه شر. بو شر دامغاسی ایسه، فیکیر آیریلیق‌لاری زامانی دوستون آلنینا وورولا بیلر. دئوریم‌لرین ظفر سونراسی دورومونا باخین! دئوریم اؤز اوشاق‌لارینی اودمور، دئوریمچی‌لر بیربیرینی پارچالاییر.
دوشمنه جاهلانه نیفرت‌دن اوزاق اولمایینجا، دوستا عاقیلانه سئوگی‌یه وارماق اولماز.
من ایواز طاها جنابلارینین بو یازیلارئنی دیققتله اوخودوم.
دوشونمه یه چالیشدیم و چالیشاجاغام.
من ده حورمتلی طاها دوستوموزلا بیر فیکیردی یم
دوشمان قاورامی، هر سیلاحا تای، تهلوکه لی بیر سیلاحا چئوریله بیلر و
حتتا دوستون دا ضیددینه ایشله نه بیلر آمما رئیال و حقیقی یاشام دونیاسئندا دوشمان و قاورامی و دوشمانلیق حرکتلر وارمی؟ یوخ مو؟
بو گون دونیانین ان موترققی دموکراسئلاریندا بو آنلام وارمی دیر؟ یوخ مودور؟
بیز آذربایجانلی تورک میللتینین، دوستوموز و موتتحیدی میز وارمی دیر؟ دوشمانیمیز وارمی دیر؟ یوخ مودور؟
صولح چوخ انسانی بیر دوشونجه دیر و اینسانلار اونا وارمالی دئرلار آمما رئالدا هامی صولحو دوشونورمو؟ دوشونمومو؟
هامی دوستو و دوشمانی تعریف ادیر می؟ تعریف اتمیرمی؟
دوشمانی و اونون حیله لرین تانیماق لازیم دیرمی؟ لازیم دئییل می؟
بیز آذربایجان تورکلری ضعیف بیر میللتیک. او قدر ضعیف کی اوزوموزه بیر اوزل موسیقی مکتبی آچابیلمیریک. نه دن؟
کیم مانع اولور؟ نیه مانع اولورلار؟
مانع اولانلارلا بیزیم (میللت اولاراق) هانکی ایلگیلریمیز وار؟
اونلارلا ائوزوموز آراسئندا اولان ایلگیلری نئجه تعریف ادیریک؟
بیز گوزله ریمیزی یومساق و خییالی یوخ بلکه حقیقی دوشمانی دوست سانساق، اونون دوشمانلیغیندان بیر آزجا آزالاجاق می دئر؟
یوخسا حقیقی دوشمانی تعریف اتمه مکله، اوزوموزو تحمیق اده جه ییک؟
بو گون دونیانین ان گوجلو اردوسو، دموکراسی سی، ایقتیصادی، سیاستی، اولوسلار آراسی ایلگیله ری و ... دوست و دوشمان اوزرینده قورولمایئب دیرمی؟
بو گون دونیانین ان سئرت ساواشلاری، دوستلا - دوشمانین تعریفی اساسئندا داوام تاپمیرمئ؟ و ساواش جیبهه لری قورولمورمو؟
بیز خالقیمیزی آزادلئغا گوتورمه لییک می؟ گوتورمه مه لییک می؟
آذربایجان تورک خالقئن، ایستعماردان بوراخمالئیق می؟ بوراخمامالئیق می؟
بو خالقین بشر و انسان حاقلارئن الده اتمه لییک می؟ الده اتمه مه لییک می؟
بو اینسانی حاقلار و ایستک لر اساسئندا خالقئمئزی میللت-دوولت فورماسئنا گتیرمه لییک می؟ گتیرمه مه لییک می؟
آزادلئغئمئزین، ایستعماردان آزاد اولماغئمئزئن، اینسان حاقلاری اساسئندا یاشامامئزین و میللت-دوولت قورمامئزین دوشمانی وار می دیر؟ یوخ مو دور؟
بیز دوستوموزو و دوشمانیمیزی تانیمالی یق می؟ تانیمامالی یق می؟
بیز دوشمانلاریمیزی تانی یاق یا تانیمایاق، دوشمانیمیزین بیزه اولان دوشمانلیغین دان آزالاجاق می؟ آزالمیه جاق می؟
دوشمانی تعریف اتمزسک، بیز و یا بشرییت بو تانیماماقدان فایدالاناجاییق، یوخسا ضیددی بشرییت حرکت لری فایدالاناجاق می دئرلار؟
دوشمان قاورامی، وارمی دئر؟ یوخ مودور؟
هئچ اولمازسا، دوشمان و دوشمانلیغی، تئوری ده، بللی و تعریف اتمه لییک می؟ یا گیزلی ساخلامالی یق می؟
تعریف اتسک، کیمین منافعین تامین ادیر؟
تعریف اتمزسک، کیمین منافعین تامین ادر؟
بیز بو عصرین واقعیت لرینده دوغولدوغوموز اوچون، بو زامانین آنلاملارین دوشونمه لی یک می؟ دوشونمه لی دئییل می یئز؟
دوشمان آنلامین، بیزدن اونجه، تعریف ادیب و آچیقلایئبلار می؟ یوخسا بیز بیر اینجی دفعه اولاراق، تاریخ ده بویله بیر آنلامئن بونووره سین قویوروق و تعریفه باشلایئرئق؟
یوخسا، دوشمانلاریمیز گوجلو اولدوقلاری اوچون، دالی اوتورمالئییق و صولح گولگه سینده، تامام تاریخی فورصتلریمیزی، ایکی اللی دوشمانیمیزا وئرمه لی یک می؟
بیر میللت اولاراق، دوشمانیمیز وارمی دئر؟ یوخ مو دور؟
دوشمنی میز وارسا، اونو تانیمالی یق می؟
دوشمنی میزین سیاستلریله تانیش اولمالی یق می؟
یوخسا، رئیال دونیادان ذهنی دونیایا سئغئنئب، دوشمنی تعریف اتمه مک له، باشئمئزی قار آلتئنا سوخوب و بیله لیک له دوشمانین کناریندا دورمالی یق؟
بو سورولارلا بئیله، ایواز طاها جنابلارینین قایغئسئنا یئر وار. آمما نئجه گله جکده، وطنداشئمئزی و دوستوموزو، دوشمان قئلئنجیله و دوشمان سیلاحیله آرادان آپارمایاق، بحث اولمالی دئر؟ "وطنداشئن آزادلئقلاری، حاقلاری، وطن طرفیندن نئجه قورولمالی دیر"، موضولاری موباحیثه اولمالئ دیر؟
دونیا دموکراسی لری ده دوشمانی تانیماقدان قاچمئرلار بلکه دوشمانئ تانئر آمما "دوشمن" آدلئ سیلاحلا وطنداشئن حاقلاری آیاقلانماسئن دییه، موباحیثه آپارئر. وطنداشئن حاقلارین مودافعه اتمک آماجیله، دوولتین و گوجله رین، زورون و حدسیز آزادلئقلارین اللریندن آلئر و خالق آراسئندا پایلئر تا بو تهلوکه لی سیلاح، ائوز وطنداشئی ضیددینه حیاتا گئچه بیلمه سین!
بویله دئییل می؟
No comments:
Post a Comment