ویجدان نه دیر؟

 

ویجدان نه‌ دیر؟

ویجدان، توپلومون‌ فوضولاتیندان عیبارت دیر.

 یانی؛ دین، قانون، عنعنه‌لر، تاریخ، دوغرولار، یالانلار، شخصی منفعت‌لر، دونیا گوروشو، عاییله‌ باخیشی، دئولت، دئولت‌ یاناشماسی، مدرسه، اویرتمن، قوهوم قارداش، کیتابلار، فیلیم‌لر، شعرلر، موسیقی‌لر، میللی دویغولار، ایستعمار، بئیین‌ ایستعماری، بئیین‌ یئخانماسی، یاشام یول‌ یونته‌می، ساواد، ساوادسیزلیق،  تجروبه‌لر، ثروتلیلیک، کاسیبلیق، آرزولار، حالاللار، حاراملار، آجیلار، شیرین‌لر، دوستلار، دوشمن‌لر، قونشولار، میدیالار، قونشو ائولکه‌لرله‌ ایلگیلر،  یولچولوق و میللتلری، ائولکه‌لری گورمک و یاشاماق، و ... کیمی‌ مینلر بلکه میلیونلار‌ توپلومسال چور چوپ‌ ویجدان آدیندا‌ بیر شئیی‌ یارادیر.

اونون اوچون‌ ‌ده بیر آدام یا بیر توپلوم، عاینی بیر مسئله، حادیثه، دوروم و قونودا‌، قارماقاریشیق‌ توتوم توتار.

بوندان دولایی، توپلوملاردا‌، میلیونلار ترسه گورونن ایشلر وار، یانلیشلار وار‌، قضاوتلر وار.

هر بیر توپلومدا هر بیر ایشه، داورانیشا، دوشونجه‌یه، دویغولارا و ... دوغرو یادا یانلیشا‌، چوخ‌ آیری آچیدان‌ باخیبان، قضاوت‌ اتمک اولار.

آیری آیری توپلوملاردا، عاینی بیر قونو، حادیثه، ایش، دوئعو و دویغولانماق، فارقیلی آلینیرسا، هر توپلومون‌ ائوزونه‌ ائوزل‌ ویجدانی‌ مهندیسلیک‌ اولموش، فارقیلی باخیر، فارقیلی دوشونور، فارقیلی آنلیر، فارقیلی دویغولانیر، فارقیلی‌ حوکوم وئریر و فارقیلی‌ داورانیر.

 نییه؟

 چون، ویجدان دئدیگیمیز، توپلومون اونونده‌کیلرینین دویغوسونون، دوشونجه‌سینین، منفلتلرینین، باخیشینین، دوشونجه‌سینین و ... توپلوم ائوزه‌رینده‌کی مهندیسلیگی دیر. 

انصافعلی هدایت