یوخسان؟
نه اولوب سنه، یوخسان؟ نه اولدو دا جفا قاپیسین آشدین اوزومه؟ من هی دئدیم اوزوم اوزومه نه اتدیم درده سالدیم سنی؟ باشینا آغیر‌ی دستمالی باغلادیم؟ نه‌دن کسیلدی گوروشلر؟ چاغیریرام، سیسم یئتمیر اونا باغیریرام ائشیتمیر منه گئجه‌م، گوندوزوم گوز تیکمیشم اوزاقلاردان بیر چیراغ جوزولتوسونه یوخوم یوخ، آرامیم یوخ، قراریم یوخ، صبیریم یوخ نه ائدیم، مینلر آغاج اوزاقدا، الیم قئسسا اورک دایانمیر بو هیجره، بو ائراقلیقا هوسیم یوخ کیتابا، یازی‌یا، موزیکه، یئمک داش اولور دوشور ایچیمه سو آجی زهر اولور باغریمی دلیر اوزاقلیق اوخ اولور روحومدان گئچیر هاردادیر فلک، نه دن، نه اوچون منی جزالاندیریر نه یین اینتیقامین‌آلیر بو آجیلئقدا یارسیزلیقلا، تامارسیزلیقلا؟ دئمیشدی "عاشیقم سنه یاشارام سنله داغ باشیندا بیر چادیردا بیله." اینانمیشدیم دنیزیمین سولانماسینا ایللردن سونرا اُلموش جانیما یئنی جان سویو، عشق اودو دوشموشدو گولوشو، گولوستانلیق گوزلری چیمدیگیم دنیز دوداقلاری یاتدیقیم یوخو قاشلاری آسئلدیقیم دار. هانکی آلمانی یئدیم، گولوستاندان آتیلدیم دنیزیم قورودو دوزلاقدا ...
