عجبا آزربایجان مرکزلی دوشونجه، فارس شیعهچیلیگینین عاجیزلیگین منیمسه‌‌مه‌میش دیر؟
عجبا آزربایجان مرکزلی دوشونجه، فارس شیعهچیلیگینین عاجیزلیگین منیمسه‌‌مه‌میش دیر؟
فارس شیعهچیلیگینین ان اونملی اوزللیگی، گئچمیشده‌کی خیالی گوج یادا موصیبه‌تین باتلاقیندا باتئب قالماق دیر.
بو جور شیعه‌چیلیک‌ده، آدی گئچمیش یالانچی گوج قایناقی یادا موصیبت حاقدا هئچ بیر ایش گورمه‌دن و ائیلم یاپمادان، او یالانچی گوجون قایناقین یا همن موصیبه‌تی شیشیرده‌جکسین. سونرا اوزونون مالینا، جانینا، عومرونه، عاییله‌سینه، او خیالارین یولوندا ضرر وئره‌جکسین. هابئله دونیانی، یاشایانلاری هله بئله اولن‌لری ده ناله نفرینه توتاجاقسین. آمما گونون سونوندا ایسه عاجزانه، چاره‌سیزجه‌سینه، اوزونو همن ظالیمه، یئزیده، حاکیمه چئوریب اوندان چاره، علاج ایسته‌یه‌رک، اونا یالوارا جاقسین. اونا مشروعیت وئره‌جکسین. اونو حاقلی گوسته‌ره‌جکسین.
تورک توپلوملاریندا، تورک تاریخینده، تورکون سیاسال حرکتله‌رینده، ... تورکون چیخارلاری یولوندا، دیندن، مذهبدن آسئلی اولمایاراق، پراتیک (عملی) توتوملاری اولورموش.
تورکون توپلومسال هابئله سیاسال تاریخینده، دینچی و مذهبچی عالیمله‌رین ایشی، همن ایراده‌‌نی دینسل-مذهبسل دلیل‌لشدیرمک و سندلندیرمک ایمیش تا تورکله‌ری، سیاسال، توپلومسال حتتا ایکونومیسل ایستک‌لرینه و آماجلارینا گوتورسون.
یانی، تورکون توپلومسال و سیاسال عاقلی و ایراده‌سی اساسینا، یا حاکمیتی ایسته‌دیکلری یولا خادیم ادرمیش یادا حاکیمله‌ری و دوولتی یئخیب، یئنی دوولت قوروب، ایسته‌دیکلری آماجلارینا اولاشارلارمیشلار.
گورونن اودور؛ گونئی آزربایجان، چالیشقانلارینین بیر چوخو، هونرچی آدین داشییانلار، اوزللیکله‌ده تاماشا اویونچولاری، موسیقیچی‌لرین بیرچوخو، شاعیرلرین بیر چوخو هم ایرانچیلیق خسته‌لیگینه بولاشیبلار و هله ده اوندان قورتارمایئبلار، همده فارس شیعه‌چیلیگین زهرله‌ری ایله زهرله‌نیب و هر ایکی زهرلریده گئنیشجه‌سینه تورکله‌رین آراسیندا یایماقدادیرلار. بودا تورکچولوک سئچیمی ایله ترسه دوشور.
چون یا تورکچو اولاجاقسان یادا ایرانچی فارسچی شیعه.
اورنک اوچون اورمو گولونون قوروماسینا باخالیم. بو گولون نجاتی اوچون یازیلان و دیللره ده سالینان، یایقین اولان شعرین باخیشئنا و وئردیگی مساژا باخین: "گلین گئداخ آغلایاق- اورمو گولون دولدوراق".
بو شعرده، بو تئمادا یازیلان موسیقیلرده، شعرلرده و اینجه‌صنعتین توم قوللاریندا، هئش بیر ایشه، ائیلمه، حرکته، اعتیراضا، عوصیانا، دئوریمه، ساواشا، رژیمی یئخیب-یئنی رئژیم قورمایا، یئنی یول آچمایا، خایینلری موجازات اتمه‌یه، و ... ایران دوولتینی یئخمایا و تورکون موسته‌قیل دووله‌تین قورمایا چاغیرمیر.
ترسینه، تورکله‌ری تعلیم اده‌رک دئییر: "اوتورون، اوز باشینیزا دویون، آغلایئن کی بلکه سیزین گوز یاشینیزلا اورمو گولو دولسون."
آدامین خاطئرینا "ان بیر اینجی گوناه" دوشونجه‌سی گلمیرمی؟ "سن، گوناهکارسان. باشقالاری یوخ. سن آغلایئب، باغئشلانماق ایسته‌مه‌لیسن."
بو شعر - شعار نه دئمک دیر؟
فارس-ایران دووله‌تینین بیر گوناهی یوخ دور. گوناهکار وارسا، اودا آزربایجان خالقی دیر. اونلار، گوناهکارلیقلارینین باغیشلانماسی اوچون آغلامالی و ایران-فارس دوولت و حاکیمیتلرینه یالوارئب، یاخارمالی، هابئله اونلاردان مرحمت و لوطوف دیلنمه‌لی دیر.
یوخسا فارس-ایران دووله‌تینین هئش گوناهی یوخدور. آزربایجان تورکونون ایران-فارس دووله‌تیندن هئچ بیر ایستکی اولابیلمز. آزربلیجانلیلار اونولاری گناهکار تانئیئب، اونلارا قارشی عوصیانا قالخاماز، اونو یئخماقا حاققی اولاماز. ایران-فارس دووله‌تین موقصصیر بیلیب، دئییشدیرمک اولماز. ایران-فارس دووله‌تینین آزربلیجان‌لئلارلا ایلگیلی هئش بیر قونودا هئش بیر مسئولیتی یوخدور. نئجه کی آزربایجانلی تورکون ده آغلاماقدان باشقا بیر مسئولیتی یوخدور.
اینصافعلی هیدایت
05 جنیوئری 2025
Comments
Post a Comment