من، سنی یاشئرام
من، سنی یاشئرام
بیلیرم،
بیلمیرسن نه وار.
من یازیق،
همده چوخ یازیق،
سنله تانیش اولان ساحات‌دان بری
سنسیزلیگین خسته‌لیگی‌له،
گئچمه‌ین زامان ایله،
تک جانیما یاشیرام.
بیلمیرسن نه چنین درد دیر
سندن اوزاقلیق،
سن‌سیزلیک
یامان دوزوم ایستیر.
دئمک، من داشدان دا برکم
کی سندن ائراق
او اوزون زامانی
دوزوب قالمئشام،
گورسنده، گورمه‌سنده
اینان
بوکولموشم، قوجالمیشام.
بیلمیرسن نه وار.
من،
هر گون، هر ساحات، هر ثانیه
ایشلرکن،
ماشین سوررکن،
کیتاب اوخورکن،
یازی یازارکن،
کوچه-بازاردا دولانارکن
موسیقیله باشیمی قاتارکن،
اینترنتین تانینماز کوچه‌لرینده،
آوارا آوایئل دولانارکن،
عاییله بیچمینده سئوینجک گورونرکن،
تی‌وی ده عاشیقلر اوپوشرکن
حتتا یوخودا،
یوخومدا بئله
تکجه سنی گورورم
تکجه سنیله یاشیرام
تکجه سنی دوشونورم.
بیلیرسن می
سنین گلوشونه حسرت قالماق نه‌دیر؟
سنین سه‌سین‌سیز گئچینمک
زامانی زورلا سوروب قوجالماق نه‌دیر؟
بیلیرسن می
گوزله‌رینه باخمادان
یاشام نه‌قه‌در چتین دیر منه
نه‌قه‌در آجی گئچیر، آغاریر ساققالیم، ساچیم؟
من،
سن‌سیزلیکده
زهر کیمی زهرمار آجئنی
داییم دادیرام، یاشیرام
دیریلیک آدینا،
دیری ساییلیرسام.
سنین بیر جومله‌لیک سه‌سین،
همده آدیمی دیلینده سسله‌ندیریرکن،
گولوشونده اولان یاشام
دوداقلاریندان آخان دیریلیک
روحومو توختادیر.
گیزلینجه،
گوناه بیلمه‌دن
ثاواب سایئب،
سنی اوپمه‌یه
قوجاقلامایا،
ساچلارینی قوخولایئب،
روحوملا اوخشامانی
یاشیرام.
سن،
بیلسنده، بیلمه‌سنده،
من، سنی
ایچیمین درینلیکله‌رینده
ان ایستی، ائشیق یئرلریمده
یاشیرام، سئوگیلیم
اینصافعلی هیدایت
21/12/2024
Comments
Post a Comment