اینان‌منه سئوگیلیم
اینان‌منه سئوگیلیم،
من سنی عومور بویو یاشاماق ایستیرم.
بیللم پولوم، گوجوم اولاجاق
سنی خوشباخت ایله‌یم
آمما امینم
سنده ایمن اول
توم گوجومله سنی شاد ساخلامایا
حورمه‌تینی، شرفینی، آزادلیقینی،
همده باشی اوجالیقینی
اورکدن چالیشاجاقام.
سن بیلسنده، بیلمه‌سنده
سن گورسنده، گورمه‌سنده
سن دویساندا، دویماساندا
من سنه عاشیق اولوب، فاشیق قالاجایام همده عومور بویو.
گوزله رینه باخارکن
دوداقلارین گولرکن
سن منه گوز وورارکن
عشقیندن من ایچیمه یئرلشمه‌رم
قاناد چالار روحوم
یئردن قوپار آیاقلاریم
سنین عشقینده، سنین عشقینله.
گل گوزه‌لیم، گل
سن کسمه مندن اولان عشق باغئنی
اونوتما عهدینی،
منه له اولان پیمانینی
دوز منیم یانیمدا،
دور منیم یانیمدا
اونوتما کی سنین عشقینله من یاشئرام
منده عشقیمله، ایچیمده‌کی گوجله
سنی عشله یاشاتمایا چالیشیرام.
بلکه سنی
وارلی یاشادا ام
بلکه سنده منله بیرلیکده
کاسیبلیقین اودونا توتوشوب یانارسان
بونو بیل
من اوندا، داها چوخ یانارم
هم سنین عشقین اودونا یانئرام، یانارامدا
همده کاسیبلیق اودونا سنله یانارام.
منیم هیش نه‌دن یوخدور قورخوم بو دونیادا
تکجه بیر قورخوم وار
اودا سنین عشقینی اودوزماق.
قویما قوماربازلار
سنی مندن آلسینلار.
منی سنی اودوزماقدان چوخ قورخورام.
سن منه روحسان
سن منه جانسان
سن گیدرسن
من اودلارا یانارام.
قال منله، قال وفادار
گور من سنه نئجه وفالی قالیرام.
دونیادا، گوزللر وارسا
منیم‌گوزوم کور دور
گورمه‌زم سندن باشقا بیر کسی.
سن منه اینان
من اینانمارام سندن باشقاسینا.
من یاشامارام سندن باشقاسینا.
اینصافعلی هیدایت
فوریه‌نین اوچو، 2025
Comments
Post a Comment