سنی من ایله سئویرم
سنی من ایله سئویرم
چوخ سئویرم قیز
بئله سویله‌ییم سنه
اوزوم‌ده اینانمیردیم کی بو قدر سنی سئویرمیشم
بو ایللرده
نه قدر اوزومو ایچیمده ازمیشم، داغئتمیشام
کی سنی اونودوم، خاطیرلامایئم
کی اوزوم، اوزومه‌ده اعتراف ائتمه‌یم سنه اولان سئوگیمی
ایللر بو
گیزلینجه
سن،
منیم ایچیمده کوک سالمیشسان
سامان آلتی، توپراق آلتی کوکله‌نمیسن
منیم درینلیکله‌ریمده، قارانلیقلاریمدا
هر یئریمی،
روحومو، جانیمی، اتیمی، دریمی حتتی گمیکله‌ریمی آلمیشسان
سنه،
گیزلینجه اولان عاشقیم ایشله‌میش
ایندی کی سنله منیم ایلگیمیزده
قئش گئدیب، باهار گلیب
ایچیمده‌کی او توخوملار،او کوکلر، او زوغلار
درینلیکله‌ریمدن چیخئب چیچکله‌نیر
هر یانیمدا چیچیکله‌نیرسن منیم
منده باخیرام سنه، عجبله‌نیرم.
سورورام اوزومدن:
"من، نه‌دن بو قیزین سئوگیسیندن اوزومو محروم اتمیشم؟"
بیلمیرم، من سنین هانکی زاماندا بو قدر سئومیشم کی
اوستومده سنی دانمارک اوچون
نه بوروکراسی باسقی وارایمیش
کی سنی ایچیمده گیزلتمیشم
بیر شیرین گوناه کیمی.
ایندی بیلمیر، سنی منیم دوغورسان یئنیدن
یوخسا من سنی دوغورام ایچیمدن.
اینانانمیرام ...
اینانانمیرام بو سئوگییه
بو سئوگی مندن چوخ بویوکموش
من اونون کولگه‌سینده قالمیشام
بلکه بو سنسن منیم ایچیمده
ایللر بویو گیزلینجه کوک سالمیسان؟
نه دئییم؟ نه دئییم؟
بلکه سن
منی آلمیسان
من یوخام
هر نه وارسا سنسن
من ایسه منی من سانمیشام
سندن سونرا بیر شئی یوخ ایمیش گوزه‌لیم.
اینصافعلی هیدایت
31.12.2024
Comments
Post a Comment