میللی حرکت، تورکچولوک و آزربایجانچیلیق هئش بیر کیمسه‌یه بورجلو دئییل
بو ایکی دسته ایله نئجه داورانمالی دیر؟
میللی حرکت، فعاللار، میللی-مدنی فعاللار، تورکلر و آزربایجانلچیلار، بعضی موللالار و سرمایه دارلار ایله نئجه داورانمالی دیرلار؟
دوغروسو بو دور کی میللی حرکتین و آزربایجانچیلئقین موللا و سرمایه صاحیبی یا یوخو دور یا اگر وارسادا چوخ آزدیر.
وار اولموش اولسادا، موحافیظه‌کار اولمالی دیرلار. بو ایکی صئنیف، ایشله‌ریندن آسیلی اولاراق، جانلارین و ماللارین قورورلار.
چوخونلوقدا، بو ایکی دسته‌دن موباریزه اهلی اولماز. اگر ده اولورسا، قئسئتلی اولورلار. سامان آلتیندان آخارلار.
چوخ میللی و موباریزه اهلی اولورسا، ساده‌جه دالدادا دورارلار. ثروت صاحئبلاری موباریزییه گیریرسه کی احتیمالی آزدیر و قدری قیمتی چوخ دور، پولو ایله حرکته قوشولارلار. همده چوخ اوزاقدان حیمایت ادرلر.
چون سرمایه و پول صاحیبی بیلیرلر کی ایران-فارس دوولتی، اونلارین میللی فعالیتلریندن خبری اولورسا، و بیلیرسه کی سرمایه‌سی اولانلار، میللی حرکتله ایلگی قوروبلار، اونلاری آسیب، کسر. حبسه آلار. ماللارین اللریندن آلار. ایش یئرلرین باغلار. موصادیره ادر.
پوللولارین اوزاقدان قاتیلماسی بئله، میللی حرکته و آزربایجانچیلیقا چوخ عنیمت دیر. چالیشمالییق کی بو کسیمین گوونین قازاناق و میللی حرکته چکک. اونلارا امین امانایق وئرمه‌لیییک کی میللی حرکتین و آزربایجانچیلیقین و ایستیقلالچیلیقین اونلارا و اونلارین مال واریندان حیمایت اده‌جک، اونلارین جانلارین، ماللارین و عاییله‌سین، ان زور گونلرده بئله قورییاجاق دیر.
موللا صینفی ایسه، نه موباریزه اهلی دیر، نه‌ده مال وئرر. اولورسا و موللالاردان تاپیلیرسا، مومکون دور کی، اوردا بوردا، مین جومله‌نین ایچینده، قورخا قورخا، میللی فعاللاری دوعا اتسین.
اگر بیر موللا هر نه‌دن دولایی قورخماز ایسه، اورگین الینه آلیب موباریزه مئیدانینا چیخمیش اولورسادا جانلا باشلا موباریزه ادر.
آمما ایران-فارس دوولتی، همن اونلاری موللا محکمه‌سینه چاغئریب، عابا عمّامه‌سین آلار. ایشین آلار. یاشاملارین زورا سوخار.
آمما هر بیر حالدا، هر بیر سرمایه صاحیبی‌نین و موللانین میللی حرکته، آزدان چوخدان یاخینلاشماسی، بیزیم حرکتیمیزین گوجونه گوج قاتار.
طبیعی کی میللی حرکت، هئش بیر کیمسه‌نین اوستونه یوکلنمه‌مه‌لی دیر. نییه کی هر کیم اولور، اولسون ساتیلما احتیمالی وار.
ساتیلما و خیانت احتیمالین گوزه آلاراق، توم اینسانلارا یاخینلاشمالی دیر.
هئش بیر آدا و کیمسه‌یه، هر کیم اولور اولسون، هر سئررئ دئمه‌مه‌لی دیر.
اگر بیر سئر وارسا کی اولابیلر، یوزده یوز ادامدان گیزلین ساخلانمالی دیر. جان قیمه‌تینه بئله گیزلین توتولمالی دیر.
میللی حرکتده گیزلی چالیشانلار، سئر قالمالیلاری واجیب اولانلار، اولومونه بئله سئر اولمالی، هئش کیمه، هر مقامدا اولور اولسون تانیتمامالی دیر. هر نه قدر میللی فعال اولور اولسون حبسه دوشموش اولور اولسون.
هر کیم، مامور اولابیلیر. ان ایده‌آل مامورلار، اودور کی اوقدر میللی و فعال گورونسونلر کی ادام ائوزونه شک اتسین آمما اونا شک اتمه‌سین.
بونلارا ایناناراق، بوردا کی سوزلریمه ایلتیفات بویورون. موللالار و سرمایه صاحیبلرینه‌ده بو آچیدان باخمالی دیر.
انصافعلی هدایت
No comments:
Post a Comment