دوشونن تورکلر وار می؟
سالام دوستوم
ادبلی ارکانلی سورو سوران اولور ایسه، جاواب حاقی وار. ادبسیزلری آدام یئرینه قویمادیغیم اوچون‌ده، اونلارین یازیلارین اوخومارام و جاوابدا وئرمه‌رم. ایت هورر، کروان گئچر.
منیم اوچون، دونیادا فقط بیر تعصّوبه یئر وار اودا وطن-میللت دیر.
تعصّوب نه دیر؟
اگر بیر بیری یا توپلوم، بیر شئیی، بیر آدامی، بیر دوشونجه‌نی، بیر کیتابی، بیر مذهبی، بیر دینی، بیر لیدری موقدّس ادیب، اونون حاللاجلیقینا توم قاپیلاری باغلارسا، تعصّوبه بولاشمیش دیر.
تعصّوبسه، اینسانین و توپلومون بئینینین قاپئلارین باغلار. او بیرئیین و توپلونون گلیشمه، اینکیشاف و عاغیل قاپیلاری باعلانار و گئری دونر. او بیری، او توپلوم، آخماقلاشار و مانقوردلاشار.
منیم اوچون وطن-میللت دن باشقا هئش بیر آدام، دوشونجه، کیتاب، دین، مذهب، یالان دوغرو شخصیّت‌لر، لیدرلر و ... موقدس دئییل و نقده قاپیسی، اونلاری حاللاجلیق اتمک‌اوچون، داییما آچیق اولمالی دیر.
بو یالان یامالاق تعصّوبلر، گوزو باغلیلیقلار، ده‌دم گور دئییب، گلیب گئدنی وور دئییب منطیقی بیز تورکلری رو گونه سالمیش.
منجه، تورک دونیاسینین پارچالانماسینین بیر و اونملی سببی، تاریخی آدلارا، لیدرله‌ره تعصّوب باغلاماق اولموش. همده بو تعصّوبلری قانونسال و دینسل اتمیش‌لر.
بیز، او آداملارین باشیندا، بیر موقددس نور حلقیه‌سی یاراتمیشیق. ائوز الیمیز ایله، قاپیلاری اوزوموزه باغلامیشیق. اوزوموزو حبسه و گئری قالماقا محکوم اتمیشیک.
هئش کیمه ایجازه وئرمه‌میشیک کب اونلاری نقد ادیب، حاللاجلاسینلار.
سونوج نه اولوب؟
تورک دونیاسینین هامیسی، تیکه تیکه بولونوب. هره‌سینه یالانچی بیر وطن، یالانچی بیر میللت آدین وئریبلر، یالانچی و قوندارما بیر دوولت، و ... وئریبلر. آمما اصلینده، مسیحیلرین سومورگه‌سینه دوندوروبلر.
نییه سوروشموروق، نه‌دن، هم بولونموشوق، همده ایشغال اولموشوق؟
هم بئینیمیز، همده وطنیمیز ایشغال اولوب؟
هم دیلیمیز، همده تاریخیمیز لیشغال اولوب؟
همده بو موقددس لیدرلر چاغیندا بونلارین هامئسی باشیمیزا گلیب؟
چون، دوشمنیمیزی تانیمامیشیق. دوشمنین آرخاسینا سیغینمیشیق. دوشمه‌نین تقلیدینه (یانساماسینا) چالیشمیشیق. همده لیدرلرین امرینده.
دوشمن و ایشعالچی کیم دیر؟
دوشمنیمیز، مسیحیّت دونیاسی دیر.
بئله دوشمنلیک، اینسانلیق تادیخی بویوندا تجروبه ادیلمه‌میش دیر.
مسیحی‌لر، اوزان سورن آمما خاچلی ساواشلارینین سونوندا، بیز تورکلری سیندیریب‌لار.
بیز تورکلر، لیدرلر الی ایله، اوزوموزو، دوشونجه‌میزی، وطنیمیزی، قایناقلاریمیزی، اوردوموزو، سیلاحلاریمیزی، فابریکالاریمیزی، بئیینلریمیزی، کیتابلاریمیزی، مکتبلریمیزی، اونیوئرسیته‌لریمیزی و ... مسیحیلره تسلیم اتمیشیک.
جوربه‌جور و یالانچی، باتیجی، دوشمن سئور لیدرلرین آرخاسینا سالیبلار.
سونرادا، تورک بیرلیگین پوزوب، وطنیمیزی و میللتیمیزی تورکیه تورکونه، آزربایجان و آذری، قیرقیز، تاتار، تورکمن، اویغور و ... دئییه بولوب‌لر.
او لیدرلرین هامیسس بو رولوملر ایله موخالیفت اتمه‌میش‌لر. بلکه اونلاری دستکله‌میش‌لر.
مسیحی‌لر، بیزه یالان لیدرلر یاراداندان سونرا، بیزه یالان تاریخ یازیب، یالان مجلیس، پارتی، میدیا، اونیورسیته، اوستاد، تاریخچی یارادیب، بیزی یوخولادیب، بیزه قانون گئچیریب، او لیدرلرین سیاستلرین، ایش‌لرین و ... حاللاجلاماقینین قاپیسین باغلامیشلار؟
او لیدرلری بیزیم اوچون موقددس اتمیش‌لر. بیزده اونلارا ایفتیخار ایله تعصّوب اتمیشیک. اونلارین دوشونجه‌لرین، ایش‌لرین، سیاستلرین و سونوجلارین سورقولامامیشیق.
یالانجی حاکیمییت، یالانچی دوولت، یالانچی مجلیس، یالانچی پارتیلر، یالانچی لیدرلرین قارشیسیندا ایسه، اونجه کی دوولت قوران لیدرلریمیزی، دوشمانجاسینا نقد اتمیشیک. اونلارین دورون، سیاستلرین، ایشلرینین قارالاماسین سربست بوراخمیشلار.
نییه بو ایکی موتضاد سیاسته، عاینی چاغدا ایمکان وئرمیش‌لر؟
بیز تورکلری، یئنی و یالانجی لیدرلر، میللت‌لر، توپراقلارا و آدلارا اینانادیراراق، بیرلیگیمیزدن گلن گوجوموزو الیمیزدن آلدیلار.
سونرا، نه اولدو؟
سونراسی، راحاتجاسینا ایشغال اولدوق. هم بئینیمیز ایشغال اولدو، هم دوشونجه‌لریمیز، هم وطنیمیز، همده تاریخیمیز، همده دیلیمیز ایشغال اولدو.
ایشغال اولموش، بئیین‌لر، اینسانلار و توپلوملار مانقورد اولورلار.
مانقوردلارین لیدرلری، دوشونجه‌لری، تاریخ‌لری، وطن و میللت‌لری یالان و قوندارما اولور.
سیز، بویورون گورک، تورک دونیاسی، نه زامان بولونوب؟
نییه بولونوب؟
کیم بولوب؟
لیدرلری کیملر اولوب؟
نه دن حالا دا ایشغالدایئق؟
دوشونمک لازیم دیر؟
دوشونن وارمی؟
حئورمتلریمله
انصافعلی هدایت
No comments:
Post a Comment