سومورگه‌لیگه راضی‌لاشماق
سومورگه‌لیگه راضی‌لاشماق
سومورگه هارادیر؟
سومورگه اورا دیر کی باشقا بیر میللت-دوولتین بایراقی آلتینده کولگه‌لنمه‌یی قبول ادیرسن.
یاغیش یاغیر، سئل گلیر، ... و بونلار ریفاها، قولای گئچیمه سبب اولابیلیر آمما سومورگه اولورسان سا، داها پیس دوروما سبب اولابیلیرلر.
اگر بئینین و وطنین سومورگه اولماز ایسه، اگر موستقیل و میللی میللت-دوولت و میللی حاکیمییتین اولورسا، او یاغیش، او سئل، او سو، سنین وطنینه، میللتینه، نعمت اولار.
او یاغیش، او سئل، سنین و وطه‌نینین اینکیشافا، گلیشمه‌سینه سبب اولار. ریفاهین چوخالار. یاشامین قولایلاشار.
آمما بئینین، باشین، عغلین سومورگه اولورسا، سومورگه یاشامینا عادت ادیرسن سه، او یاغیش، او سو، او سئل، کندی، شهری، یولو، ائولری آوادانلیقلاری گوتوروب آپارار.
سومورگه اولورسان‌سا، دوولتین اولماز کی سنین یانیندا دورسون.
دوولتین اولماز کی سنی قوروسون.
دوولتین اولماز کی سنین موحتاچپج الینه، ال اوزالتسین.
دوولتین اولماز کی بیر تیکه ایستی یا سویوق یئمک وئرسین.
دوولتین اولماز کی گئچیجی بیر ایستی یئر وئرسین. یاتاق وئرسین.
دوولتین اولماز کی مریض‌لرینه توختاقلیق وئرسین.
سومورگه اولان میللتین بالالاری سئل، سو ایچینده یاتماق زوروندا قالار آمما او سوموگه بئیین آدام، سومورگه دن قورتارماق اوچون، یول یونتم، چاره آختارماز.
سومورگه اینسانی، سومورگه دن قورتارماق یئرینه، الین گویه گوتوروب، دوولتدن یوخ، آللاهدان بیر چوزوم، لوطف، عینایت، محبّت، یول-یولاغا ایستر.
سومورگه آدامی‌نین، دوولتی یوخ. اونون سیسینه، ایسته‌یینه، سس ویرنی ده یوخ.
بو رسیمده کی ایکی اوشاق، ایران-فارس سومورگه‌سینین شکیلی دیر. سومورگه‌نین اوزو دور. سوموگه دیر.
ایران دوولتی بیر سومورگه دولتی دیر. بلوچلار، تورک‌لر، عرب‌لر، و ... سومورگه محکوملاری، سومورگه بئینلی، سومورگه وطنلی دیرلار.
عجبا سومورگه بئیین‌لینین ایراده‌سی ده سومورگه آلتیندا دئر می؟
سومورگه بئیینلی آدامجئقلار، میللی حاکیمیّت قورماق یئرینه، گئدیب، فارسا، ایرانا رای وئرر کی اونلاری داها چوخ سومورسون‌لر.
انصافعلی هدایت
سومورگه آدامی و آدامجیق یازمیشدیم. آمما دوشونورم کی تورکجه‌ده، او قاورامین آجیلیقین گوسترمه‌یه، ان گوزل سئوز، "سومورگه یازیقی" داها اویقون گورونور.
Comments
Post a Comment