میللی دوشونجه و گونیی آزربایجان تورک دوولت-میللت جومهوریّتی
میللی دوشونجه و گونیی آزربایجان تورک دوولت-میللت جومهوریّتی
یازدی:
برای استقرار ملت-دولت جمهوری تورک آذربایجان جنوبی چه کاری بر عهده من است؟
یازدیم:
چوخ اونملی بیر سوال دیر.
هر کیم بو سورونو، اوزوندن سوروشمالی.
هر کیم بو سورویه، اوز روحو، اورگی، علمی، تجربه‌سی، ایشی-گوجو، واری، عاغلی، دوشونجه‌سی، ایراده‌سی، ایسته‌گی و ... قدر چالیشمالی و جاواب تاپمالی دیر.
هر کیم، ائوز گوجو و علمی قدر، بئینی یئخانمیش، مانقورتلاشمیش اینسانلاریمیزی آیئتمالی دیر.
هر کیم اوز دوره به‌رینده اولانلاری توپلامالی و تشکیلاتلامالی دیر.
هر کیم میللی دوشونجه‌نی، اورگشمه‌لی و میللی دوشونجه‌نی یایمالی دیر.
هر بیر تورک و هر کیم، الینده کی ایشی، باشاردیقی ایشی، اوبیریلره اورگتمه‌لی دیر تا هر کیمین، اوز الی، اوز آغزینا چاتسین تا
هئش کیم ایش‌سیز، گلیرسیز قالماسین. هئش کیم موحتاج قالماسین. هئش کیم دوشمنه قول اولماسین.
نییه کی، ایش‌سیزلیک و احتییاج، انسانلاری دوشمنه قول ادر.
هر کیم چالیشمالی دیر، تورکجه‌میزی یازیب، اوخوسون. هامینی دا، تورکجه‌میزین یازیب اوخوماسینا آلیشدیرمالی و تشویق اتمه‌لی دیر.
هر کیم، هر بیر سوزو (کلمه‌نی)، فارس و ایران دوشونجه‌سی ایله یوخ، تورک و میللی دوشونجه‌سینه دایاناراق، تعریف اتمه‌لی، اورگن‌مه‌لی و اورگتمه‌لی دیر.
میللی دوشونجه نئجه باشلار؟
میللی دوشونجه، سوزلرین دوزگون و میللی آنلامی، معناسی ایله باشلار.
هر بیر سوزو و کلمه‌نی، دوز و میللی معنا ادرسک، دوشونجه میزده میللی اولور.
چون هر جور دوشونجه داغی-تپه‌سی، کلمه‌لر و سوزلر ایله دوزلر.
سوزلر ، دوشونجه‌نین اوزو و مایا سی دیر.
سوزلره و فیکیرلره، میللی و تورکچولوک مایاسی وورولسا، فیکیرلر فارسچیلیقدان و ایرانچیلیقدان چیخار و تورکچوله‌شر، میللی‌لشر.
مسیحی دونیاسی او زامان دئییشدی کی مسیحی اینسانلار، یایقین کلمه‌لرین و سوزلرین ایچین و آنلامین اوز میللی منفعتلری یولوندا دئییشدیلر.
سوزلرین فرقیلی آنلامی و ایچلیگی، فرقیلی دوشونجه و آیری یول یونتم یاراتدی. فرقیلی مسیحی دوولتلرین و میللت‌لرین یاراتدی. فرقیلی اینکیشاف، فرقیلی تکنولوژی، فرقیلی سیاست، فرقیلی یاشام و فرقیلی توپلومسال ایداره سیستیمین یاراتدی.
بونون اوچون، هر بیر کلمه‌نین ایچین و آنلامین، بیز، اوزو میللی آماجلاریمیزین یولوندا تعریف اتمه‌لی و یاراتمالییق.
بئله‌لیکله ده، میللی دوشونجه‌نی بیز، اوزوموز یاراداجایئق.
بونون آردیجادا، گونیی آزربایجان تورک دوولت-میللت جومهوریّتین یاراداجایئق.
Comments
Post a Comment