بئیینلر سومورگه اولورسا …
بئیینلر سومورگه اولورسا …
کاش بیزیم اینسانلاریمیز اینانسین کی:
بئیینلر سومورگه اولورسا، سومورگه‌نی عاینی ایستیقلال بیلیر.
بئیینلر سومورگه و ایشغال اولورسا، ایشغالی عاینی آزادلیق بیلیر.
بئیینلر سومورگه و ایشغال اولورسا، اوزگه‌نی وطن صاحیبی و اوزون ایشغالچییه یاپئشدئراراق وطن صاحیبی بیلیر.
بئیینلر سومورگه و ایشغال اولورسا، سن وطن‌سیز اولوب، دوغرو وطنی بوراخیب یالانچی و قوندارما وطنه اینانیرسان.
بئیینلر سومورگه و ایشغال اولورسا، اینسانلار دشمنه و ایشغالچییه نوکر اولور آما اوزون آغا و ایشغالچی‌نین شریکی بیلیر.
بئیینلر سومورگه و ایشغال اولورسا، ایشغالدان قورتارماقا چالیشماز.
بئیینلر سومورگه و ایشغال اولورسا، ایشغالچی‌لارا وفادار اولور.
بئیینلر سومورگه و ایشغال اولورسا، اوزون، دیلین، تاریخین، وطه‌نین، میللتین و ... دانار.
بئیینلر ایشغال و سومورگه اولورسا، دوشمنه ایکی ایل موفته یادا موزد آلاراق عومور بویو عسگر اولور.
بئیینلر سومورگه و ایشغال اولورسا، عومور بویو
.ایشغالچی‌نین ایشله‌رین، ایداره‌لرده ایره‌لی سورور
بئیینلر سومورگه و ایشغال اولورسا، دوشمنی قورور، دوشمنین کئشیکچی‌سی، بکچیس اولور.
بئیینلر سومورگه و ایشغال اولورسا، دوشمه‌نین منفعتین قورور.
بئیینلر سومورگه و ایشغال اولورسا، اوز میللتین لاغا قویار، مسخره ادر، گوناهلاری اوز میللتینین باشینا یئخار.
بئیینلر سومورگه و ایشغال اولورسا، وطنچی، میللتچی، دیلچی‌لری ایتّیهاملار، گوناهلار، دانلار، موحاکیمه ادر، محکوم ادر، حبسه سالار، اعدام ادر.
بئیینلر سومورگه و ایشغال اولورسا، دوشمانی دوست توتار، دوستو دوشمان سایار. ایشغالچییه خیدمت ادر.
بئیینلر سومورگه و ایشغال اولورسا، وطنه، میللته خیانتی، خیدمت بیلر و خیانت‌لرینه فخر ادر.
بئیینلر سومورگه و ایشغال اولورسا، باشدان آیاقا دوشمنه بنزر و اوز میللتی، دیلی، تاریخی و میللی منفعتلری ایله دوشمنلیکده، بئله دوشمندن اونه گئچر.
بئیینلر سومورگه و ایشغال اولورسا، قلمی یالانچی تاریخ، یالانچی میللت، یالانچی کیملیک و هوییت اوچون چالار و یالانلار یارادار.
بئیینلر سومورگه و ایشغال اولورسا، دوغرولوقلاری یا گورمز یادا دانار.
بئیینلر سومورگه و ایشغال اولورسا، اوز میللتینین عالیمله‌رینه اینانماز.
بئیینلر سومورگه و ایشغال اولورسا، دوشمن هر دئمیش سه، اونا اینانار.
بئیینلر سومورگه و ایشغال اولورسا، اینانماز کی وطنیمیز ایشغال اولوب، دیلمیز و تاریخیمیز دانیلیب، کیملیکمیز دئییشیلیب، بئیین‌لریمیز یئخانیب، میللت و وطن سومورگه و موستعمیره اولوب، بئینیمیز سومورگه‌له‌شیب.
بئیینلر سومورگه و ایشغال اولورسا، اونون دوشونجه‌لرینین هامیسی ترسینه دیر.
بئینیمیز نه قدر یئخانمیش، سومورگه و ایشعال اولموش؟
انصافعلی هدایت
Comments
Post a Comment