ساواشدا ایکی سوی قیریم سیاستی

 

ساواشدا ایکی سوی قیریم سیاستی

بو گونکو "94-اینجی گونئی آزربایجاندان باخیش" برنامه سینده اوچ قونو حاقدا سایین اوغوز تورک و انصافعلی هدایت جنابلاری سویله شی آپاردیلار: 1- کودلرین یایئمچیلیق مسئله سی 2- یاز بایرامیندا تورک سیمگه لری ایله بویانمیش یومورتالارین گئنیش اتگیلری 3- روسییادا ترور قونوسو.

طبیعی کی هر اوچ قونو اونملی دیر آمما اوغوز بی، روسییاداکی تئرور و روسیا-اوکراین ساواشی حاقدا چوخ اونملی آچیقلاما اورتایا قویدولار.

اوغوز بی اوردا سورن ساواشدا اولونلردن بیر نئجه سای اورتایا آتدیلار: ماسکووا شهرینین 16-17 میلیونلوق توپلولوقلاریندان اولنلرین سایی 50 نفردیر. بو، او حالدا دیر کی روسییا فدراسیونوندا یاشایان یاری موستقیل میللت لر و آزلیقلاردان، هر بیر روسا قارشی 75 روس اولمایان اینسان اولموش.

بو ساده بیر رقم دئییل. اونا، دریندن باخمالی. من (انصافعلی هدایت) بئله دوشونوردوم کی "سوی قئریم" یا قتلی عام، او زامان اولار کی بیر دئولت باشقا بیر میللته هوجوم ادر و اونلاری قتلی عام ادر یا سورگونه سورر، آمما بو سایی، منه بونو گوسته ریر کی سومورگه دوولتلرینین ایکینجی بیر سوی قئریم سیاستلری ده وارایمیش.

سومورگه دئولت لری، اوردونون قورولوشون، ائله قورارلار کی هانکی توپلوملاری یا میللتلری سویقئریم اتمک ایستهر سه، اونلاری داها چوخ ساواش مئیدانینا گونده ریر و قئریلمالارینا ایمکان یارادیرلار.

بئله لیک ایله ده او میللتین و توپلومون، دوغار نسلین، چالیشقان نسلین، علم و ثروت اورتن نسلین، ساواشچی نسلین، دوشونور نسلین، لیدرچیلیک اده بیلن نسلین، ریسک گوتورن نسلین، اونجول نسلین، دئییشکن نسلین، ضییالی نسلین و ... سوی قئریم ادیب، آرادان گوتورورلر.

بو سیاسته ایله، سومورگه چی لر، ائوزلرین موتتهم یئرینه قویمادان و چوخ سینسیجه سینه، ساواش سالیب، ساواشی سوردوروبن، ایسته دیکلری بیر میللتین گنج لرین، یوخ اتمک پئلانلارین ایله ری آپارارلارمیش.

بونون ائوچون، قهرمانلیق روحون او میللته یوکلر، اونلارین قولتوقلارینا قارپیز وئرر، اونلارین باشین شئر باشینا بنزه در و اونلاری ائولومه گوتورورلر.

دئمک اولار کی سومورگه دوولت لری هر ساواشی، هر نه قدر اوزادئرلارسا، دئمک اورادا بیر گیزلی سوی قئریم و گیزلی ایشغال پئلانی ایشلیر.

بونا باخارکن، بللی اولور کی نه دن ایران فارس سیستیمی، گئچن یوز ایلده، ساواش سالیب، ساواشلاری یوردوره رک، ائوز پئلانلارین ایره لی آپاریرمیشلار.

مثلن، بو تحلیل و دوشونجه ائوزرینه، گورونور و ایدراک اولابیلیر کی نییه پهلوی شاهی عراق-لا شاواشا گیرمیش.

فارسلارین سیاستی، اوچ تورک (کونئی آزربایجانف قوزئی آزربایجان و تورکییه) توپراقلاری آراسیندا بیر کورد دیواری یاراتماق ایمیش.

بو سیاستین ایجراسینین ان گیزلی یولو بو ایمیش کی ساواش سالیب، میللتین سسین "ساواش وار" دییه بوغسونلار. هئش کیم ساواش دئولتینه اعتیراض اده بیلمه سین دییه، یوزلر مین کوردلری عراق-دان و باشقا یئرلردن تورکیه- گونئی آزربایجان تورکلرینین آراسینا یئرلشدیرسین لر.

گورونور، ائله، او اوزدن ایمیش کی خمینی، ایران، عراق-ا قارشی باشلاتدیقی ساواشی بیر "نعمت" بیلیرمیش.

چون بو ساواش هر نه قدر اوزادیلیرایمیش سه، ایران فارس دئولتی او قدر داها چوخ زامان قازانیرمیش کی ائوز گیزلی نقشه لرین یورتمه ده ساخلاسین.

ایران-فارس دئولتی، یوزلر مین فارس اولمایان گنجلرین قولتوقونا قارپئز وئریب، اونلاری فارسلارین منفعتلری یولوندا و اوغوروندا، ساواش آلانلارینا گوندردیلر و بیله بیله، اونلار مین تورک و اوبیری فارس اولمایان گنجلری اولومه گوندردیلر.

دئمک، بو نون ائوچون ایمیش کی اونلار ساواشی سگگیز ایل اوزاتدیلار تا پئلانلارین یئرینه سالماق ائوچون، لازیم زامانی قازانسین لار.

عاینی سورچ ایچینده، ایران-فارس رئژیمی، ساواشی باهانا ادرک، ایچه ریده یوزلر مین درین، دوشونجه لی، آیدین، گنج، ایشلک، وطنی و میللتی ایرلی آپارابیله جک، لیدرلیک اده بیله جک، دئوریم یارادابیله جک، علم و ثروت اورته بیله جک، ساواشا بیله جک، سومورگه یه قارشی دورابیله جک، و … گنج لری تیره باران اتدیلر.

بئله لیک ایله، توپلوملارین ایچین، ضییالیلاردان، دوشونجه لی لردن، ایشلک و یارادیجی اینسانلاردان، ساواشجی لاردان و ... بوشارتدیلار. اونلارین گوجلرین آلدیلار. قالانلارین دا بئیین لریئخایئب، اللرینین آلتیندا ساخلادیلار.

ایران، عراق ضیددینه آپاردیقی ساواشلار، "ساواش وار" آدی آلتیندا، یوزلر مین کوردلری، عراق-دان و باشقا یئرلردن، "قاچقینلار" یا "ایرانین طرفدارلاری" دییه آلیب، گونئی آزربایجان ایله تورکیه آراسی توپراقلاردا یئرلشدیردی.

اگر دوغرو باخارساق، ایندی بللی اولور کی نه گئچیب. ایران-فارس، ساواش سالاراق، فارس اولمایان میللت لرین گنجلرین، ساواشدا اولدوره رک و شهرلرده اعداملا، آرادان آپاریب، سوی قئریم ادیب، او میللت لرین جانلارینا قورخو سالیب، اونلاری تسلیم و و فارس ایراده سی ایله ده اونلارین یاشامین و دوشونجه لرین کونترول ادیب.

فارس سیاستچی لری، قاچقین آدی آلتیندا، کوردلری تورک توپراقلارینا یئرلشدیریب. عربلری، وطن لریندن و توپراقلاریندان زورلار کوچوردوب، عربلردن اونلار مین گنجی اعدام ادیب، عربلرین توپراقلارین ساواش آلانی دییه، عربلرین اللریندن آلیب، آغاجلارین دینامیت ایله قئریب- توکوب، عربلری باشقا شهرلره کوچدوروب، لور-بختیاری لری و فارسلاری عربلرین تاریخی وطن لرینه یئرلشدیریب، عرب اولمایانلارا ایش و گلیر فورصتی یاراداراق، اونلارین عرب توپراقلارینا کوچمه لرین ساغلایئب، اونلارا ائو و ایمکانلار وئریب.

پ

آمما قارشئسیندا، عربلرین گونو گوندن کاسیبلاماسین ساغلاما آلیب. اونلاری ایشسیز ساخلایب کی مجبور اولوب، وطن لرین ترک ادیب، کوچسونلر تا عرب توپراقلاری عرب اولمایان کوچمنلرین الینه دوشسون. عربلر ایسه، داغئلاراق، وطنسیز، "کولی" یا "قره چی" گونونه دوشسونلر.

عجبا، بو سیاست، گونئی آزربایجاندا دا تانیش دئییل می و گوزه چارپمیر می؟

عجبا، بو سیاست پهلوی لر و آیت الله لار رئژیمی الی ایله گئچن یوز ایلده گونئی آزربایجاندا ایجرا اولمور مو؟

عجبا، آزربایجانین تورک میللتی، گونو گوندن داها درین فقره، فلاکته، آجلیقا، ایشسیزلییه، مجبوری کوچومه معروض قالمیرلار می؟

عجبا، نیه ایراندا توپلوملارین یاریسیندان چوخو تورک اولماسینا باخمایاراق، آزربایجان دا اینسان سایی هر یئردن داها آز دیر؟

سورما لی دیر؛ آزربایجان تورکو هانکی سیاسته اساسن آزربایجانی ترک اتمه لی و یئرلرین کوردلره یا باشقا میللت لره بوش قویمالی دیر؟

انصافعلی هدایت