گئتمه لی یولون شرط لری (ایستیقلال و آزادلئق یولو)
گئتمه لی یولون شرط لری
دوستلاردان بیری فیس بوکدا بیله
یازیر:
عزیز هدایت بی صحبت آنا
یاسادان گئتمیر بوندان گئدیرکی تورک میللتینی نجور اؤز حاقلارینی ( بو حاقلار هر
نه اولور اولسون. البته مرحله سی وار) اَلده ائتمه لری اوچون سفر برلیک موکون دور
. شعار وئرمک له و ایرانچی - ایرانچی دئمک له تاسف له آغیز شیرین اولماز و میللی
وارلیغی اَلده ائتمک اولماز. من دونیا اوزرینده بیر میللت تانیمیرام کی بوگون دن
صاباحا آزادلیغین اَلده ادیب. تورک میللتی ده مستثنی اول مایاراق هر سیاسی
اولایلاردا تجربه ائله مه لیدیر . بو ایش ممکون دور بعضی لرینه یورودوجو اولا ! بو
میلیونلار اینسان کتاب اوخوماقلا یوخ بلکه گونده لیک ایستک لرینده میللی شعورونا
اَل تاپاجاقدیر. تهراندا نئچه میلیون تورک یاشاییر. اونلارا گونئی ایستقلالینا
نئجور آنلاداجاقسینیز؟ اصفهاندا , شیرازدا , خوراساندا , ساوه ده , اراک دا و... و
تهراندا ! لطفا گورون بو بؤلگه لرده نئچه میلیون تورک اینسانی یاشاییر ؟ بونلارا
تدبیر و فیکیرینیز نه دیر؟)))
من اونا بویله بیر جوابی یازدیم:
یعنی اینسانلاریمیزی رای و سس وئرمگه
دعوت اتسک، حاقلارئنئن 1% (یوزده بیرین آلماق ایمکانی وارمی دیر؟
مثلن نئچه دئوور دور کی خاتمی، احمدی
نژاد و روحانیه رای وئریبلر. هانکی حاققی آلماغا یول تاپئبلار؟
دوغرو دور کی میللت گونده لیک یاشام دا سیاسیتی
اوگنیر آمما 24 ایل بیر اوزون سوره و
هومور دور کی بیر میللت 24 ایل تجروبه سینه دایانسین و نتیجه آلسین.
تاریخ، تک گئچه جک و اوزاق گئچه جک
دئییل. تاریخ 24 ایلدن عیبارت دیر.
اگر 8 دفه جومهور باشقانئنا (رئیس
جومهورا) رای و سس وئرمه گه خالقی تشویق اتمیشیک و نتیجه الده اتمه میشیک، بیللی
دیر کی یولوموز یا او یوللار سهو سئچیلیب دیر.
یولو و سیاستی دئیش دیرمه لی دیر.
اگر همن سیاسته و یولا داوام وئره
رسک، همن نتیجه نی آلارئق.
تاریخ دن درس آلمایان میللت، همیشه
اودوزار. بیزیم اودوزماغا فورصتیمیز یوخ دور.
بو آرادا، آزربایجان و تورک ضیالئسئنئن،
فاس و عیرانچی قارافیکیرلی لر ایله فرقی اولمالی دیر.
فاس و عیرانچئلار، سیاسی سیستیملرین
ایصلاح ادیب، قودرتلرینه داوم وئرمک یا ائوزلرینه قودرتی دئور اتمک ایسترلر
(ائوزارینه قودرتدن پای ایسترلر)
آمما عجبا (آیا) آزربایجانئن تورک خالقئ همن هدف
و آماج صاحیبی دیر کی فارس ایستیر؟
یوخ.
آزربایجان تورک ضیالئ سی گرک یولو و
یولون چتینلیکلرین، خالئمئزا آیدئنلاتسئن. آزادلئق و قودرتین یولون گوسته رسین.
حتتا اگر آزربایجان خالقئ، بو
ضیالئلارئن آرخاسئنا دوشمه سه لر بیله، یولو و همده دوزگون یولو گوسته رمک، هر
آزربایجانلئ ضییالئ ائچون واجیب دیر.
هر زامان کی آزربایجان میللتی
آزادلئغا و ایستیقلالا ساری یولا چئخماق ایسترسه، اوندا صئفردان باشلاماز. بلکه
فیکیر بونئوره سی حاضیر دیر. حرکته قاخا بیلر.
یولو حرکته حاضئرلاماق ان موهوم شرط
دیر
Comments
Post a Comment