آذربایجان، یئنی دن دوغاجاق.
حورمتلی دوستوم!
هامی آزربایجانلئلار و او جومله دن آزربایجان
ایستیقلالچیلاری بو "ایستیقلال خمیرینین" نه قدر سو آپارجاغئندان خبرلری
وار دیر.
تورکلرین ایندیکی عیران ائوزه ره
یایئمی و اونلارئن آزربایجان تورکلویونده هانکی روللاری و نقش له ری اولابیلر؟
اونلارئن گوجوندن نئجه ایستیقلال و آزادلئق
یولونا فایدالانماق اولار؟
ایستیقلال گونونده بو پارچالانمئش تورک خالقئن
نئجه بیر توپراق ائوزه رینده بیرلشدیرمک مومکون دور؟
و ... کیمی سورولار وار.
بونون اوچون منیم ائووزوم گوناذ تی وی
ده دفعه لرجه دانئشمئشام.
بو حاقدا پاکیستانئن، هیندوستاندان
آیرئلماق تجروبه سی وار آمما ایندینین موضوسو بو دئییل.
موضو بودور: خالقا دوز یولو گوسترمک
لازیم دیر.
اونلارا دئمک لازیم دیر: 80 ایل
فاسلارلا بیرلیگه چالئشدیق. فداکارلئق اتدیک. توهینله ره و تحقیرله ره بئله دئوز
دوک. ریضا پالانی و اوغلو ممدریضا پالانی دئورانئن گوردوک و تامام طولمله ره
دایاندیق.
سونرا اینقیلاب اتدیک. خومینی و خامنه
اینی ده گوردوک. اونلارلادا یولا گئتدیک.
بو دوزوملرین هامئسی بیر اومودلا کی
عیراندا یاشایان تورکلری بیر بیریندن آیرمایاق. قارداش قارداشدان، باجی باجئدان
آیری دوشمه سین. آزربایجان یئنیدن آیریلماسین.
آمما بو بیزیم دردیمیز دیر و فاسلارین
دردی دئییل.
اونلار بیر ایستعمارلیق قوروبلار و
بیزیم بو احتیاطلی و دوست یانا گوروشله ریمیزدن سوئی ایستیفاده ادیرلر.
ایندی او گون اولوب کی خالقا (هر
یئرده اولور اولسون و یاشایئر یاشاسئن) دییک: فاسلارئن سیاسی حیله و کلک لرینه
لازیم قدر دن چون اویدوق و ایناندیق. دها او تله له ره دوشمه مک اچون آیئق
اولمالییق.
فاسلارئن سیاسی تله له رینه دیققت
اتمه لییک. فاسلار چالئشئرلار، بیزی همن اویونلارا سالسئنلار کی اونلارئن اویونلاری
دیر آمما بیز بیلمه لییک، او اویونلاری بیزی تاولاماق اوچون دوزنلیرلر و قورورلار.
اگر قرار دیرسا بیز فاسلارلا بیر
سیاسی اویونا گیرک، اونلارئن قانون و قایدا، آماج و ایستک لری ایله حرکت ادیرسک،
اودوزاریق. نئجه کی ایندییه دک اودوزموشوق.
بیز اونلارلا سیاسی اویونلاردا و دیگر
اویونلاردا، ائوز آزربایجان تورکو اولاراق، منافعیمیزه باخاراق، اوینامالییق.
اگر فاسلار کیمی ایصلاح طلب اولورساق،
ساده جه تامام گوجوموزو فارسئن فاشیست حاکیمییتینین تقویتی اوچون خرجله ریک.
بو دا فارسین ان سئودیکی و طلب اتدیگی
سیاسی تله دیر.
بیز فاس ایصلاح طلب یا موحافیظه کار
یا ... اولوب و فاس آماجئندا یولا چئخمامالییق.
بو جور مئیدانا گیریرسک، اودوزماغئمئز
حتمی دیر.
عاغئللی اینسان و ایجتیماع،
اودوزدوغوندا امین و موطمئین اولان مئیدانا گیرمز و خالقئ دا بیله بیر مئیدانا
آپارماز.
ایستیقلال مسئله سینده ده بیله دیر.
ایندی، عیران ایستعمارینئن گوجله ری
قانونا، خنجره و زیندانا دایاناراق، گوجلو و حاقلئ کیمی گورونورلر.
بیز و ایستیقلالچی قووه لر احتیاطلی
اولمالی و موناسیب زامانی گوزله مه لی دیر. هم ده ائوزونه گوج توپلامالی دیر.
بیر گون گله جک کی سیز و من آزادلیق
قوووه لرینین، تبریز و دیگر شهرلریمیزده میلیونلارجاسینا رژه سینه و ایستیقلال شنلیک
لرینه شاهید اولاجایئق.
بونون اوچون تلس مه مک لازیم دیر.
هر آنا بالاسئن دوققوز آی گئچمه دن
دوغا بیلمز.
هئچ یومورتادان، لازیم موددت گئچمه دن
و فالاسئ اولمادان، جوجه چئخماز. فالا همن توخوم دور.
هئچ اکینچی نین اکمه دیگی توخومدان،
حاصیل بیتمز.
فیلین بالاسی ایکی ایلدن تئز
دوغولماز.
هر دوغوشون، بیر زامانی وار.
گئج یا تئز، دوغوش اولاجاق و گونش
یئنی دن پارلایاجاق.
آذربایجان، یئنی دن دوغاجاق.
هم ده بیر گوجلو میللت!
هم ده ایله بیر زامان دا کی هئچ کیم
اینانمایاجاق و بکله مییه جک. او گون، موطلق گله جک
!!
.png)
No comments:
Post a Comment