گونئی آزربایجاندا "ایصلاح طلب" اولابیلر می؟

گونئی زربایجاندا "ایصلاح طلب" اولابیلر می؟

مسئله بودور: چون عیران، بیزیم مملکت دئییل، یا بیزیم مملکتیمیز موستقیل دئییل، بیزیم ایصلاح طلبیمیز اولابیلمز. اگر بیریسی ایصلاح طلب آدی ایله چالئشئرسا، اونون چالئشمالاری اونون اوچون دور کی عیرانچی فاس رژیم بیر آز ایصلاح اولسون تا داوام تاپسئن. 

بو فیکیر عیرانچئ و فاسچی فیکیر دیر و تورک خالقی و آزربایجان توپراقلارئ خیدمتینده دئییل بلکه آزربایجان و تورک خالقئنئن خیانتینده دیر. 

من اینانمئرام کی تورک ایصلاحچئلار، آزربایجانا یا آزربایجانئن تورک خالقئنا خایین اولسونلار. 

حتتا اگر خایین اولورسالار، هله لیک، عیرانچئلئغلا آزربایجانچئلئغئ بیر بیریندن آیئرمامئشلار. بلکه ده اینانئرلار کی فاس و عیرانچی رژیم ایصلاح اولورسا، اساس قانون ایجرا اولار و آزربایجانلئلار ائوز حق لرینه چاتارلار. 

آمما سورو بوردا دیر کی آنا یاسادا هانکی اساس حاقلار آزربایجانئن تورک خالقئنا وئریلیب؟ کی فاس و عیرانچی حاکیمییه تین ایصلاحی ایله همن حاقلار تورک له ره وئریلسین؟ 

تکجه حاق کی ال-آیاغی سئنئخ سالخاخ وئریلیب، "آنا دیلینده ادبیات اوخوماق" دیر. 

بیلیریخ کی بو حاقدا فاس دیلینین کولگه سینده دیر. یعنی قانون اساسی عیران ایصرار ادیر "در کنار زبان فارسی". 

یعنی اگر فاس دیلینین قئراغئندا یئر اولورسا و ایمکانات دا اولورسا، تورک دیلی (اودا علمی ساحه لرده یوخ) بلکه تکجه تورک "ادبیاتئندا" اوخونابیلر.